ممكن بجد حد يجاوبنى

[التائبة الى ربها]

بسم الله الرحمن الرحيم
بجد انا اتخنقت اكتر ما انا مخنوقة من الدراسة
وفى ناس هتقولى بعد ما تقرأ انتى مكبرة الموضوع
او ان ده مش القسم المخصصة للموضوع ده
بس معلش بالله عليكم استحملونى
والله حاجة خنقنى من كام يوم
عايزة اعرف الدراسة امتى
امتى؟
امتى؟
ممكن دلوقتى تقول عليا عبيطة او هبلة لكن والله حاجة مستفزة
ينفع متكنش عارف الدراسة السبت ولا الاحد
ممكن بقى دلوقتى تقول دى هبلة وضيعت وقتى وتقفل الموضوع
لكن والله انا عايزة اعرف الدراسة امتى؟
يعنى ينفع انى اقوم يوم السبت واروح وتكون المدرسة الاحد؟
ولا اروح الاحد تكون الدراسة بدأت ؟
برضة تلاقى لسة بتقول هبلة
بس عايزة اقول لحضرتك انا الحكاية مش انى اقوم السبت على الفاضى
ولا انى اروح الاحد تكون الدراسة بدأت
بأختصار الحكاية مش مشكلتى انا ولا غيرى اللى محتارين
ولا مفيش غيرى محتار
يبقى كفاية انا واصحابى
المشكلة0000000000





نظام
مفيش نظام

اكيد لسة بتقول حضرتك عبيطة وهبلة ويمكن بتلعن اليوم انى دخلت المنتدى وكتبت مواضيع واتعلمت ازاى اكتب مواضيع
لكن قصدى ان اه مفيش نظام فى اى حاجة فى البلد دى لكن دى تانى مرة تانى مرة ايه اقول تالت مرة انا رحت مرة برضة فى سنة من السنين كده غلط
يعنى مستر احمد زكى بدر محدد الدراسة هتكون امتى بقوله تقريبا شهرين
طيب بقى دلوقتى حضرتك عندك حق دلوقتى تقول دى هبلة
يعنى بتقولى محدد ومحتارة فى ايه امال
هاقول لحضرتك
محتارة فى ان سمعت اخبار لسة دلوقتى عندنا فى اسكندرية
ان المدرسة الفترتين هتبدأ يوم السبت
والفترة الواحدة هتبدأ يوم الاحد























ونهاية الموضوع مش هأقول حاجة غير ممكن تردو عليا

[بلالل]

احنا المدرسه عندنا فترتين بس صباحا ومساءا وهاتبدا السبت

[=امير الشعراء=]

لا لو مدرسه حكومى الاحد طبعا

[التائبة الى ربها]

المشاركة الأصلية كتبت بواسطة بلالل

احنا المدرسه عندنا فترتين بس صباحا ومساءا وهاتبدا السبت

انا متشكرة جدا على الرد بس كنت منتظرة منك تقول عليا عبيطة ولا هاتقول هبلة

[التائبة الى ربها]

يا جماعة اللى رد على الموضوع على عينى ورأسى بس عايزة حد يقول لى كلام محدد ومقنع

[وجدان حنفي]

كان نفسي اجاوبك


بس بصراحة مش عارف

هو الدراسة في كليتي هتبدا يوم الحد

وفي طب عين شمس السبت


اقري لجرايد

[BaNZeR]

يادي كمية الشتيمة اللى في الموضوع

خدو الدنيا ببساطة
حيصل ايه لو فاتني اول يوم

وكمان ايوه الموضوع مش مكانه
ومتكرر مليون مرة في اكتر من قسم بس مش مشكلة ننقله برده

[NOUFALL]

انا ف مدرسة حكوووومى وهنبدأ السيت !!!

[التائبة الى ربها]

المشاركة الأصلية كتبت بواسطة وجدان حنفي

كان نفسي اجاوبك


بس بصراحة مش عارف

هو الدراسة في كليتي هتبدا يوم الحد

وفي طب عين شمس السبت


اقري لجرايد

ايوة يا وجدان اى جرايد
معلش انا عارفة ان دى غلاسة بس دورت فى اليوم السابع وملقتش حاجة
شكرا يا وجدان على الاهتمام والرد

[وجدان حنفي]

المشاركة الأصلية كتبت بواسطة banzer

يادي كمية الشتيمة اللى في الموضوع

خدو الدنيا ببساطة
حيصل ايه لو فاتني اول يوم

وكمان ايوه الموضوع مش مكانه
ومتكرر مليون مرة في اكتر من قسم بس مش مشكلة ننقله برده

هدي نفسك يا بانزر


انا والله خفت اقوللها وايه المشكلة لما يفوتني اول يوم بس خفت انها تضربني بحاجة


والله انا فاتني اول 4 سنين قضيتها في ثانوي

(اصلي مرحتش غير 5 مرات مقلا في 4 سنين)

واديني في طب



تيك ات ايزي يا دكتورة

[التائبة الى ربها]

المشاركة الأصلية كتبت بواسطة وجدان حنفي

هدي نفسك يا بانزر


انا والله خفت اقوللها وايه المشكلة لما يفوتني اول يوم بس خفت انها تضربني بحاجة


والله انا فاتني اول 4 سنين قضيتها في ثانوي

(اصلي مرحتش غير 5 مرات مقلا في 4 سنين)

واديني في طب



تيك ات ايزي يا دكتورة

اديك شوف ان انا فعلا عندى حق اهو بدل ما اطلع عبيطة وهبلة طلعت مجنونة وبانزر بيقول كده فى وشى وبيقول ان الموضوع مكرر وانه هينقله على العموم شكرا يا جماعة جدا وممكن يا بانزر متنقلهوش انت ممكن تمسحه وتلغيه خالص
وفعلا انا اتصمدت فيكو
ومتخفش قوى يا وجدان الجنان مش هيوصل بيا انى اضربك بحاجة

[وجدان حنفي]

انا مقصدش حاجة نهائي والله


انا كنت عاوز اقوللك الموضوع مش محتاج قلق مش اكتر

وعموما انا متأسف

[BaNZeR]

المشاركة الأصلية كتبت بواسطة التائبة الى ربها

اديك شوف ان انا فعلا عندى حق اهو بدل ما اطلع عبيطة وهبلة طلعت مجنونة وبانزر بيقول كده فى وشى وبيقول ان الموضوع مكرر وانه هينقله على العموم شكرا يا جماعة جدا وممكن يا بانزر متنقلهوش انت ممكن تمسحه وتلغيه خالص
وفعلا انا اتصمدت فيكو
ومتخفش قوى يا وجدان الجنان مش هيوصل بيا انى اضربك بحاجة

لو حضرتك حللتي ردك حتلاقي انه رد حضرتك متناقش

اولاً بما اني قلت الموضوع مكرر ... يعني في ناس سألت كدا قبل كدا .. يعني اكيد مش كل الناس مجانين
ثانياً انا ادايقت من كتر اللى عمالة تقوليه على نفسك لكن حضرتك حورتيها اني بقولك مجنونة
ثالثاً مش حضرتك اول حد يتنقله موضوع للقسم المناسب او يتحذف خالص
ولو مقياس الحب بنقل المواضيع ... يبقى كلكو حتكرهوني بإذن الله
رابعاً .. اللى يتصدم فيا دي حريته الشخصية ... انا مبعملش اكتر من شغلي واللى انا شايفه صح
وانا مكنتش اعرف حضرتك اصلا عشان تتصدمي فيا قبلاً
واللى اتعامل معايا يقدر يقولك انا مين .. مش حتكلم عن نفسي

اما اخيراً ... ياريت كل موضوع يبقى في مكانه !
وياريت برده بلاش الرسايل اللى بلا مضمون مفيد عشان المساحة عندي بتتملي بسرعة

[التائبة الى ربها]

المشاركة الأصلية كتبت بواسطة وجدان حنفي

انا مقصدش حاجة نهائي والله


انا كنت عاوز اقوللك الموضوع مش محتاج قلق مش اكتر

وعموما انا متأسف

وانا متقبل اسفك بكل احترام ومتشكرة جدا لاحترامك وبرضة متشكرة جدا جدا لاحتقار بانزر

[التائبة الى ربها]

المشاركة الأصلية كتبت بواسطة banzer

لو حضرتك حللتي ردك حتلاقي انه رد حضرتك متناقش

اولاً بما اني قلت الموضوع مكرر ... يعني في ناس سألت كدا قبل كدا .. يعني اكيد مش كل الناس مجانين
ثانياً انا ادايقت من كتر اللى عمالة تقوليه على نفسك لكن حضرتك حورتيها اني بقولك مجنونة
ثالثاً مش حضرتك اول حد يتنقله موضوع للقسم المناسب او يتحذف خالص
ولو مقياس الحب بنقل المواضيع ... يبقى كلكو حتكرهوني بإذن الله
رابعاً .. اللى يتصدم فيا دي حريته الشخصية ... انا مبعملش اكتر من شغلي واللى انا شايفه صح
وانا مكنتش اعرف حضرتك اصلا عشان تتصدمي فيا قبلاً
واللى اتعامل معايا يقدر يقولك انا مين .. مش حتكلم عن نفسي

اما اخيراً ... ياريت كل موضوع يبقى في مكانه !
وياريت برده بلاش الرسايل اللى بلا مضمون مفيد عشان المساحة عندي بتتملي بسرعة

انا مش هارد غير على اخر سطر فى رد حضرتك ووهو ان ممكن حد يفهم انى بعت لضرتك حاجة فىها قلة ادب منى انا بعت لحضرتك شكرا جدا اقصد بيها شكرا على قفل الموضع وده كان ردى وانا متأ سفة انى بعتها وحضرتك تقدر تمسحها ويرجع الصندوق يفضى تانى