|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
20-09-2010, 01:05 PM
|
||||
|
||||
(جونك) إيــــــــــه ؟؟؟!!!!
بسم الله الرحمن الرحيم
نعرفكم الأول بـ(تاريخ) و أصل كلمة : جون  ,أصلها: جول = goal = هدف و كلامنا النهادرة عن الجون أو " الهدف " أعرف واحد ناجح دراسيا و أكاديميا جدا - كان دحيح يعني  - ,و تعامله حلو مع الناس و ليه علاقات  ,و حالته المادية ... مستورة و الحمد لله  ,لكنه كئيب و مكتئب و خانق نفسه  و عنده مشكلة كل ما يقابل حد يقولها له : " أنا عاوز يكون لي هدف " نقول له : يا عم ربنا يهديك , خلي هدفك إنك تشتغل شغلانة حلوة  ,يقول : طب و بعد ما أشتغل  ؟؟الهدف خُلُص و لازم ندور على غيره ... يبقى ده ما ينفعش يكون هدف , نقول له : خلي هدفك تحوش فلوس و تجيب عربية , يقول : طب ما بعد ما أجيب العربية ؟؟ الهدف خلص , يبقى ده ما ينفعش يكون هدف !! طب يابني خلي هدفك إنك تحوش فلوس علشان تتجوز  و تخلف و عيالك ( يوأوأوا )  و يعيطوا حواليكيتنيل على عينه برضه و يقول : و بعدين ؟؟ الهدف هيخلص , يبقى ده ما ينفعش يكون هدف !!! لحد ما ربنا كرمنا و عدينا على الدكتور محمد عبد القادر في الصيدلية بتاعتهم - اللي هيعرف مين محمد عبد القادر يتصل بـ 0900 0900  - ,و سأله نفس السؤال , و اقترحنا عليه نفس الاقتراحات , و قال نفس الإجابات  ,لكن ( الدَكتور ) محمد كان متعلم و ( متنور  ) و راجل متدين - نحسبه و لا نزكيه على الله - و الراجل ( دماغه متظبطة )  فقال له فعلا الهدف اللي بيخلص ما ينفعش يكون هدف و علشان كده بيقولوا : " الهدف لازم يبقى مستمر في الزمن " و لازم يكون فيه أهداف قصيرة المدى , علشان ما تزهقش في رحلتك نحو الهدف الأساسي , و أخرى بعيدة المدى , و دي الأساسية اللي احنا رايحين ليها , طيب إزاي الهدف الصغير قصير المدى , و الهدف الكبير طويل المدى , إزاي كلاهما يكون مستمر في الزمن  ؟؟إنها النِيَّة !!! النية هي الشيء الوحيد الذي يجعل هدفك مهما قَصُر ممتدا في الزمن , لو هدفك قصير المدى : زي إنك تشتري موبايل  مثلا ,خلي فيه نية صالحة , إنك تستخدم الموبايل في سماع القرآن و قراءة الكتب الإلكترونية و غيرها , ساعتها لما تشتري موبايل و هدفك يتحقق مش هيبقى خلص زي ما كنت بتفكر زمان , هيبقى الأجر بتاع الهدف مستمر في الزمن برضه , و لو كان هدفك طويل المدى زي إنك تتجوز  و تنجب ,خلي فيه نية صالحة مثل أن تعف نفسك و أن تنجب أولادا مسلمين يرفعوا راية الإسلام , و بكدة لما هدفك ده يتحقق مش هيبقى خلص زي ما كنت بتفكر زمان , لا , هيبقى أجره ممتد معاك  حاجة أخيرة عاوز أقولها , أي هدف بعيد المدى ( لازم ) يتقسم لأهداف صغيرة مرحلية , علشان يبقى أسهل في التحقيق , و أفضل علشان لا تهاب  الهدف الكبير ,و أفضل حتى لا تمل  الوقت في تحقيق الهدف الأكبر ,لكن ستشعر أنك كل فترة تحقق أهدافا و لو قصيرة , ( فتشعر بالإنجاز )  و أنك على الطريق الصحيح  ,و .... كفى !!و جزاكم الله خيرا منقول
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم  
|
|
#2
21-09-2010, 01:35 AM
|
||||
|
||||
جزاك الله كل خير واكيد هدف الانسان الحقيقى هو رضا ربنا عنه سبحانه وتعالا والدخول فى رحمته ،،،،،،،،،،،،،،،،،،،،،،،،
وشكرا عالنصيحة الغالية،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،
__________________
[I][B]
ساعات بشتاق ليوم عشته وانا صغير ،،، لشكلي قبل ماتغير ،،،، لأيام فيها راحة البال عشان كنا ساعتها ~عيال~ ،،، ~~ ما أعظم أن تكون غائبا حاضرا علي أن تكون حاضرا غائب !! ...~~
|
|
#3
21-09-2010, 01:56 AM
|
||||
|
||||
|
جزاكم الله خيرا على الموضوع الجميل
|
|
#4
21-09-2010, 09:06 AM
|
||||
|
||||
|
جزانا الله واياكم
شكرا لمروركم
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:41 AM.
