أنه النــــــــــــــــــــــــــــــــــــــاي الحزين

[احمد رضا]

<div align="center">السلام عليكم و رحمه الله و بركاته

انا جبتلكم قصيده يارب تعجبكم </div>

<div align="center">
ينطق سكوتي يقول حرام
من بعد ايام الأمان
نصبح في دارنا لاجئين
نزل في جوفنا دمعنا
خصب اهاتنا و حزننا
من بعد ما شوفنا الصبيه تتصلب يوم الفرح
هاج الانتقام في عنينا و الغل انطرح
كل البنات لبست طرح
سودا كالليل الحزين
قلب السكوت جواه كلام
لكنه ضايع في الزحام
طار الحمام
و ف عشه كان بايض حجر
خدنا وعلمنا الحجر
ازاي يروح بالانتقام
و خلص التار القديم

خدنا بتار دير ياسين
خدنا بتار دير ياسين
خدنا بتار بحر البقر


********

كل العيون واقفه بلهفه تنتظر
فجر الحجاره المنتظر
يقتل ليالي منطفيه بدون قمر

********

صورة لموال السنين ......

دب السكون

دوت القنابل فوق بيوتنا و أمنها
كل البيوت قعدت و حضنت أهلها
هب الوليد علي صدر امه يحتمي
و الام رغم الجرح قاعده ترضعه
رضعه اهات علي اللي راح
و راضعه تانيه للكفاح
اكبر و قوم شيل السلاح

وسط الظلام لازم صباح ....


هاته و تعالي للحياري المجروحين

ولا اعودتش ابكي يا وطن علي انه الناي الحزين


************
يا ام الولاد العشق فيهم بسمتك
ياام الولاد في رموش عنيهم حفنتك

قايمين يهدوا كل سد و كل ايد بتكتفك

طايرين علي جناح الانتقام و معاهم الغل الدفين

وانا لسه ببكي من زمن علي أنه الناي الحزين


***********

يام الولاد العشق فيهم ملحمه
متنغمه بصوت الرصاص
متلحنه بقذف المدافع و القنابل
قومي انفضي كل اللي فاضل م الكابوس

ترجع عيونك للسعاده سلامه


من غير انين ....

ولا اعودش ابكي يا وطن علي انه الناي الحزين
ولا اعودش ابكي يا وطن علي انه الناي الحزين
ولا اعودش ابكي يا وطن علي انه الناي الحزين</span> </div>




تأليف / رضا شعبان