انترنت ..استهبل مين قدك !!

[rymond]

اللي بيحصل علي النت
ــــــــــــــــــــــــــــــــــــــــــ

طبعا معظم الناس بتحب تدخل اوف لاين علي الميل ....يجي واحد غلس بقي يقولك ..شايفك يا لئيم ..فاتح اوف لاين ..الله يسهلو يا عم.. وانت طبعا هتنفض ومش هترد
الطبيعي بقي يخلي عندو دم ..تلاقيه يقولك مش هترد ؟؟ ماشي يا عم ..بتكلم مين ؟؟
اللي اداك يدينا يا سيدي ..تناحه بقي بعيد عنكو
:D:D:D:D:D

واحد صاحبي تاني ..مصمم يحكيلي (البنت اللي بيحبها بتقوله ايه)يعني كل شويه ..يقولي قالتلي كذا ..اعمل ايه ؟؟ يلاا بسرعه ؟؟ قولي يا عم اقولها ايه
ومصمم بردو يسألني نفس السؤال كل يوم ..انا السي دي بتاعي بايظ هتعرف تصلحو ؟؟!!
وارود عليه ..ان شاء الله هاته اشوفه
:D:D:D:D

واحد صاحبي تاني مصمم يكلمني ميك بالليل (طبعا بقعد كتير بالليل يعني 3 او 4 ساعات كده )
هو اصلا ما بيقولكش حاجه بس انت بقي سامع حاجااااات غريبه ..مثلا :
اااااااهاااااااااااااااااااااا
نننننننممممممممممممممم
اوه اوه اوه (بيكح يعني )
ولما تمل منه وتقوله ارحم اهلي بقي ..انا حاسس انك عايش في وداني ..انزل من علي وداني بقي
يقولك طب اغنيلك
وتلاقيه يقولك (انت قلبك قاسي اوي اوي ..انت مش بتحس كده وكده )
وصوت اهله يكفر الواحد
:D:D:D:D

و البارد اوي بقي اللي انت تبقي عامل
stepped out
وبتتفرج عدم اللا مؤاخذه علي فيلم ..فيلم لتامر حسني او عادل امام او اي حد ومندمج بقي ههههههه
ويجي يكلمك
يخربيت ام تناحتك يا جدع ..هتخرجني بره الموود هههههه

واحد تاني ليه عاده غريبه اوي ..يعمل اوف لاين بعد كده اون لاين (بس حوالي 90 مره في الدقيقه )صداع ..صداع يعني ..دليفري للمنازل
لو عايزين تعملوها
alt+ ctrl
تبقي دايس عليهم
وبعد كده
تدوس مره
i
ومره
a

بس ما تستهبلش وتسوق فيها عشان هي بتخنق بجد
:D:D:D:D

نيجي بقي للفيس بوك والجروبات اللي عليه
انا ممكن ادخل جروب مثلا محبي عمرو دياب ..محبي زيدان
لكن ادخل جروب (والنبي يا عم سيد متدنيش الباقي فضه )ليه ؟؟
نفسي اعرف اللي داخلين ..داخلين يعملو ايه ؟؟!!
ـــــــــــــــــــــ
و يا سلام لو انتي بنت بقي علي الفيس بوك وفاتحه شات هتسمعي احلي مزيكا

بوء
بوء
بوء
بوء

وده صوت الشات بتاع الفيس بوك

اما لو ولد محدش هيعبرك

والله احنا في نعمه
مره عملت اكونت بلاستيك (هما مش مره دول كتير ههه )
كنت ادخل نص ساعه ..تكفيني صداع اليوم كله
واللي بيكلموني شات
ايه احنا مش هنتعرف ولا ايه ؟؟؟
واحد تاني
هاي ...انتي اكيد تعرفيني ؟؟ هااا؟؟ عارفاني صح ؟؟

مره واحد نفضتله ..بيقولي قدامك دقيقه لو مردتيش هعتبر انك مش عايزه تردي عليا ..يا تناحه اهلك يا اخي
والله كنت بصدع منهم
ــــــــــــــــــــــ
ولما كنا نحب نضيف بنت ..كنت انا وصاحبي عاملين واحد صاحبنا تاني فأر تجارب
نقوله ما تضيف دي كده ..يضيفها اول ما تقبله ننطلق
اجنرته احنا في الضمان يا معلم
:D:D:D:D:D
ويقولك عادي جدا لما تتأجنر ..الاجنره للرجاله يا جدع

ــــــــــــــــــــ
والاستاتس بقي ..دي حكايه لوحدها
تلاقي حد كاتبلك انا مخنوق
نصيحتي :
لو عايز تستفزه اعمل لايك
انت مخنوق وانا مالي يا عم ..ما تتخنق
:D:D:D

وتلاقي بنت كاتبه استاتس (الحب ما هو الا مش عارف ايه ) والشغل بتاع البنات ده
تلاقي واحده صاحبتها ..داخله عاملالها كومنت وبتقولها الله ..حلو اوي ومعبره جدا ..كلامك حلو والله يا كميله
وهي اصلا نقلاه من اي منتدي ولا من اي حته

و عليا الطلائع بيبقوا متفقين مع بعض ..انا هكتب كذا ..وانتي تعمليلي كومنت

[سؤئة الطيوبة]

هههههههههههههههه روعـــــــة بجد الحاجات دي وبتحصل معايا كتير اوي ببقى هطق هههههههه تسلم ايدك .........وبالتوووفيق..

[Bent 3bdo]

والاستاتس بقي ..دي حكايه لوحدها
تلاقي حد كاتبلك انا مخنوق
نصيحتي :
لو عايز تستفزه اعمل لايك
انت مخنوق وانا مالي يا عم ..ما تتخنق
:D:D:D

كله كوم ودى كوم بتستفزنى بطريقه فظيعه
اكتب مثلا ستاتيوس زى دى والاقليهم شغالين لايك
معرفش تقريبا بيبقو شمتانين فيا ملهاش حل الا كده

[rymond]

شكرا علي المرور يا جماعه

[روووووز]

ههههههههههه والله دى مصائب

شكراااا ع الموضوع اللى يموت من الضحك
ننتظر المزيد

[قطــز]

هههههههههههههههههههههههههههههههههههههههههههههه

بس كفايه انى اضحك

[Mohamed.Helmy]

ههههههههههه.... بجد كتير من ده بيحصل والله ...

تسلم ايدك ..

[مجنونة الكيمياء]

حضرتك ممكن تقولى بتجيب الكلام ده منين
ارحمنا شوية هنموت من الضكك
بس بجد موضوعات حضرتك رائعة وبتخرج الواحد من مود الثانوية الكئيب وأكيد حضرتك مجرب
شكرا على الموضوع
ويا ريت متحرمناش من موضوعاتك وأنا دايما فى انتظار الجديد
وتقبل مرورى

[Mr. Ali 1]

انت متأكد انت في كلية طب ؟!!
هما طلبة طب اتغيروا عن زمان ؟!!
زمان كان طلبة طب مبتعرفش تتكلم , مش يبقي
دمها خفيف !!!
خليك كده , ادمج بين دراستك والحياة .
ربنا يوفقك ويزيدك من خفة الدم .

[التائبة الى ربها]

تصدق انا قريت الموضوع فكرتنى بالاميل رحت فتحته لقيت نفسى اوف لاين وبيتبعت ليا رسايل
والله قدرا كده

[rymond]

المشاركة الأصلية كتبت بواسطة مجنونة الكيمياء

حضرتك ممكن تقولى بتجيب الكلام ده منين
ارحمنا شوية هنموت من الضكك
بس بجد موضوعات حضرتك رائعة وبتخرج الواحد من مود الثانوية الكئيب وأكيد حضرتك مجرب
شكرا على الموضوع
ويا ريت متحرمناش من موضوعاتك وأنا دايما فى انتظار الجديد
وتقبل مرورى

شكرااا علي الكلام الجامد ده
والمقالات دي ,,كاتبها في الاجازه ..هي بتيجي كده

المشاركة الأصلية كتبت بواسطة aliweeka1

انت متأكد انت في كلية طب ؟!!
هما طلبة طب اتغيروا عن زمان ؟!!
زمان كان طلبة طب مبتعرفش تتكلم , مش يبقي
دمها خفيف !!!
خليك كده , ادمج بين دراستك والحياة .
ربنا يوفقك ويزيدك من خفة الدم .

اتغيروا والله اتغيروا ..اتغيرنا يا جدعان
ربنا يوفقنا جميعا و شكراااا علي التشجيع

المشاركة الأصلية كتبت بواسطة التائبة الى ربها

تصدق انا قريت الموضوع فكرتنى بالاميل رحت فتحته لقيت نفسى اوف لاين وبيتبعت ليا رسايل
والله قدرا كده