حاصل على مجموع 95.6 فى تانية ثانوى

[محمود سعد 22]

محتار ادخل ايه علمى علوم ولا علمى رياضة وكمان فى حد قالى حل كويس بس مش متأكد منه انا ممكن اجل الاحياء لسنة اللى بعده لوحدتها عشان اشوف نفسى جبت كم فى المواد الاخرة لو المجموع مش عالى ممكن ابدل الاحياء برياضة 2 وكدا اكون ضيعت سنة بس ضمنت انى ادخل طب او هندسة
محتاج رايكم بسرعة وضرورى

[حازم 93]

بص يامحمود انت الاول شوف انت حابب الاحياء ولا الرياضه لان الاتنين مش سهلين اوى ولازم تحبهم عشان تعرف تذاكرهم كويس وتجيب درجة كويسة فيهم
هو انت كدة سهل ان شاء الله تدخل صيدله لو شديت حيلك كويس فى تالتة مع الاحياء لكن طب صعـــــــب جدا الا لو انت ذاكرت كويس جدا وجبت 99% فما فوق
ومجموعك ده سهل جدا يدخلك هندسه مرتاح حتى لو جبت نفس المجموع فى تالتة
وعلى العموم ربنا معاك وده رأيى المتواضع لان انا كنت محتار جدا زيك اكمل رياضة ولا احياء بمجموع 96.3% لكن استخرت ربنا وخدت احياء لانى حاببها عن الرياضة وعشان انا عايز طب ان شاء الله .. مش هندسه
انت بقا شوف ان بتحب صيدله ولا هندسه
وان شاء الله السنة الجايا نقولك يادكتور او ياباشمهندس

[مصريه حتي النخاع]

انا رايي انك تشوف انت حابب وعايز ايه الموضوع مش طب ولا هندسه الموضوع هو طموحك ايه وايه المكان اللي انت تقدر تحقق فيه حاجه وتحب ان مستقبلك يكون فيه وبرده ده مجرد راي

[ArabianPDA]

المشاركة الأصلية كتبت بواسطة محمود سعد 22

محتار ادخل ايه علمى علوم ولا علمى رياضة وكمان فى حد قالى حل كويس بس مش متأكد منه انا ممكن اجل الاحياء لسنة اللى بعده لوحدتها عشان اشوف نفسى جبت كم فى المواد الاخرة لو المجموع مش عالى ممكن ابدل الاحياء برياضة 2 وكدا اكون ضيعت سنة بس ضمنت انى ادخل طب او هندسة
محتاج رايكم بسرعة وضرورى

تصدق فكره زي الفل
بس رأيي خد احياء اخرك فى النقصان فيها 3 درجات بمذاكره كويسه والرفيع هيزودك بتاع 4 درجات
ده رأيي