|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
18-10-2010, 12:02 AM
|
|||
|
|||
الدكتاتورية !!!!!!!
السلام عليكم ورحمة الله وبركاته
يارب تقبلونى عضو جديد وأبقا واحد منكم  موضوعى أنهارده نفسى أعرف رأيكم فيه؟؟ بسم الله الرحمن الرحيم"وأطيعوا الله وأطيعوا الرسول و أولى الأمر منكم"صدق الله العظيم طبعا كلام انهارده فى حتة(أولى الأمر منكم)!!لأن طاعة الله ورسوله فرض على كل مسلم.. طيب يا أخوانى مين همه أولى لأمر مننا؟؟ طبعا أى حد يبقا مسئول عن أى جماعة هوه ولى أمرهم.. من الممكن ان يكون ولى الأمر ده بيحكم أو بياخد بمبدأ الديموقراطية و أخذ اّراء الناس جميعا ويبقا ساعتها تطبيق لمنهج الله من جهة الحاكم أو المسئول!! واتباع لما ورد فى الاّية الكريمه"وأمرهم شورى بينهم"يبقا الحاكم المفروض يطبق الديموقراطيه وعلى الرعية انهم يتبعوه مهما كان دكتاتور!!!!أنا من وجهة نظرى ان لما بيبقا في مجموعة وفي شخص يقودهم بيبقا أودام أحد أمرين!! الأمر الأول:أن يترك كل واحد يفعل ما يحلو له وهنا يجد كل شخص حريته وساعتها كلهم يحبوا الحاكم(القائد) الأمر الثانى:أن يكون حازم وصارم معهم جميعا يفعل دائما ما يدور فى رأسه لتحقيق هداف نبيل وساعته كلهم بيكرهوه... من الاّخر أنا شايف ان الدكتاتوريه بتنفع فى كثير من الاحيان  و نفسى أعرف اّرائكم؟؟؟؟؟؟؟؟؟؟؟
|
|
#2
18-10-2010, 10:32 AM
|
||||
|
||||
|
اكيد وان شاء الله تستفيد وتفيد
 الدكتاتورية هى نوع من انواع الحكم وغير مقيد بقوانين او احكام او دستور وهى سلطة مطلقة ومش اى حد يبقى ديكتاتور طبعا ليه صفات ومميزات فى حكمة نشر التخلف والجهل بين الشعب ده مهم عشان يفضل فى المنصب بتاعه ابقاء الشعب فقير عشان ميتجهش للسياسة وامور الحكم كل همه انه يدور على الاكل اللى هياكله انهارده الهاء الشعب بامور سخيفة وتافه زى المسلسلات والافلام والكورة طبعا  والاهم من كده ارسال الجواسيس بين الشعب  ولو حد اتكلم فى امور الحكم قول عليه يارحمن يارحيم  بعض الاشخاص فى يديهم سلطة اتقى شرهم وتحصل مصر وبجدارة على المركز الاول فى الديكتاتورية  مصر بلد ديمقراطية فين الدليل  المعارضة فى مصر دى معارضة وهمية يعنى اى كلام والله اللى بيحصل ده شغل افلام ومسلسلات عشان يقولوا ان فى ديمقراطية يعنى المعارضة بتعمل ايه ضد الحزب الحاكم بيعملوا شوية حركات مكشوفة للعالم كله وعلى الشعب المصري المستعبد وبمنتهى البساطة إما أن يقبل بالعبوديةويتقبل الدماروالخراف اللى احنا فيه أو أن يسارع ويتحرك بالخروج لمواجهة الطغيان والفساد لتغيير نظام الحكم الفاشل المتحصن بالجيش والشرطة
الشرطة دى بتعمل عمايل سودة والله القتل فى السجون والخطف والتجسس لو عايزين يتخلصوا من واحد عامل ليهم ازعاج يدخلو المعتقل ويقتلوه وبعدين يقولوا كان عنده القلب ومات حسبنا الله ونعم الوكيل هو انا خرجت عن الموضوع  |
|
#3
18-10-2010, 07:19 PM
|
|||
|
|||
|
لأ مخرجتيش عن الموضوع
وأنا بحييكى على ريك الجميل ده لأن طبعا رأيك فيه نسبة كبيرة أوى من الصح ومن الواقع اللى بنعيشه كلنا وطبعا كلنا لما نسمع عن الدكتاتوريه يجى فى زهننا نظام الحكم فى المقام اول!وده الطبيعى والمنطقى جدا فى وقتنا ده بس أنا شايف ان مش كل طبقات الشعب نتعانى من مساوئ الدكتاتوريه وبردو الدكتاتوريه عندنا موصلتش للبشاعة دى!!! و كمان الدكتاتوريه ممكن تبقى فى مصلحة الشعب اذا كنت القرارات سليمه وحكيمه وهدفا الرقى و الحفاظ عل السلام حتى لو مكن ده ظاهر أمام الشعب كلهطبعا الدكتاتوريه حاجة ش كويسه بس كمان ليها وقتها ده غير ان الديموقراطية زى ماهى نظام للحكمردو هيه ثقافة شعب!يعنى مش كل الشعوب تنفع معها الديموقراطيه و للدكتاتوريه وقتها!!!!ولا أيه رأيك؟؟؟؟؟ |
|
#4
18-10-2010, 08:51 PM
|
|||
|
|||
|
بداية مرحباً بك عضو جديد في المنتدي .
طاعة أولي الأمر واجبة علي كل مسلم بشرط أل تكون في معصية الخالق مصداقاً لقوله صلي الله عليه وسلم " لا طاعة لمخلوق في معصية الخالق " . الديكتاتورية المطلقة ليست من الاسلام , ومينفعش أي حاكم أو مسئول يطبق وينفذ كل ما يراه هو فقط صواباً !! أما لو أصر علي تنفيذ أمر ما بالرغم من معارضة هذا الأمر فهذا يختلف من شخص لأخر , وربما يكون هو المصيب والأخرون علي خطأ , ولنا في أبي بكر رضي الله عنه في حروب الردة خير دليل علي ذلك . وكمان ممكن أن يوجد أكثر من وجهة نظر صحيحة للأمر الواحد ولما الحاكم أو المسئول يرجح وجهة نظر عن أخري , فهذا من حقه وليست ديكتاتورية منه . مثال أخر علي أمر يبدو في ظاهره ديكتاتورية وجبروت , ولكنه لم يكن كذلك وهو اجبار الحجاج بن يوسف لأهل العراق علي قتال الخوارج وتوعد بقتل من لا يسارع بالانضمام للجيش , وبالفعل قام بقتل البعض , ولكن لو لم يفعل ذلك لما انضم أي واحد من العراق لقتال الخوارج ولكان أمرهم وبالاً علي كل المسلمين !! |
|
#5
18-10-2010, 09:03 PM
|
|||
|
|||
|
أتفق معاك تماما!! يعنى كده التفكير و العمل فى صالح الأمة لا تعد دكتاتورية حتى لو لم يتم الأخذ برأى الاّخرين؟؟؟؟
|
|
#6
18-10-2010, 09:06 PM
|
|||
|
|||
|
اقتباس:
المهم أن يكون القرار لا يغضب المولي عز وجل وأن يكون في صالح البلد وليست مصالح شخصية !! |
|
#7
18-10-2010, 10:06 PM
|
|||
|
|||
|
تمام كده
بس كمان كده الديمقراطيه غير واجبة التطبيق,وهذا ما لا يسعد أى شعب على وجه الأرض خاصة ان كان شعب عربى ؟؟
|
|
#8
18-10-2010, 10:16 PM
|
|||
|
|||
|
اقتباس:
يا أخي انا قصدت أمر ما يأخذ الحاكم أو المسئول برأيه فقط أو يرجح رأي معين علي باقي الأراء . ولم أتكلم عن ان يكون هذا هو أسلوبه أو سياسته !! وحتي في موقف معين إذا أصر علي رأيه , قلت بيختلف من شخص لأخر وبشرط ألا يؤدي إلي معصية الخالق أو يكون بغرض مصالح شخصية . أكيد الحكم بالشوري من الاسلام , ولكن حتي في الشوري يحدث اختلاف في الأراء . |
|
#9
19-10-2010, 12:07 AM
|
||||
|
||||
|
الموضوع ده بيفكرنى بالامقول دى
يجوز للراعى أن يقتل نصف الرعية لإصلاح النصف الباقى رأيى ان الدكتاتورية هى كما هى ومهما تم صبغها بأى لون أخر ستظل ظلم واستبداد
__________________
يا رب
|
|
#10
19-10-2010, 04:25 PM
|
||||
|
||||
|
اقتباس:
وعمر ماكانت الدكتاتورية فى يوم ما فى مصلحة الشعب لان عمرها ماكانت سليمة لان الدكتاتورية غير مقيدة بقوانين او دستور تسير عليه وتكون قوة مطلقة فى يد الحاكم و اصحاب النفوذ والدكتاتورية وصلت فى مصر لدرجة كبيرة من البشاعة   اقتباس:
مفيش حاجة اسمها دكتاتورية لصالح احد انما هى لصالح من يتحكم بها 
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:10 PM.
