و هذا ما قالوه لى ......

[د/بسمة الاسلام]

بسم الله الرحمن الرحيم
السلام عليكم ورحمة الله وبركاته
ازيكم؟ عامليين ايه؟ يارب تكونوا بخير
اخبار المقاطعة ايه؟ طب والدعاء للفلسطينين والتبرع ليهم؟
طب تمام
ندخل بقي فى الموضوع احنا طبعا كلنا عارفيين ان :‏(‏ الدين النصيحة‏)‏
وبما ان كتير مننا مبيهتمش بالنصائح الى تتوجهله وكتير اخرين نفسهم حد يوجهلهم نصيحة صادقة عملت الموضوع ده
فكرة الموضوع ايه ويارب تعجبكم
ان كل واحد يدخل يقول نصيحة اليوم التى اتوجهتله من اي شخص اب/ ام / اخ/ عم/ صديق /.........
ورايه فيها وهل فعلا هيعمل بيها؟؟
وبكده بشكل او باخر هنحاول نسمع للنصايح الى بتتوجهلنا زى مثلا ازاى نزاكر ازاى نشتغل ازاى ازاى ونعمل عقلنا فيها ونحاول نستفيد منها قدر المستطاع
يلا
نبتدى توكلنا على الله

[love_kadry]

توكلنا على الله

[shimaa2009]

احب اكون اول مشاركه فى الموضوع ودايما النصيحه اللى بتتوجهلى انى احافظ على نفسى ودينى واذاكر ودى من اسرتى كلها والحمد لله انا مقتنعه بكلمهم خالص وبحاول بقدر المستطاع انى انفذها وجزاكى اللله خيرا على فكره الموضوع فكره هااااااااااايله

[د/بسمة الاسلام]

انا بقي النصيحة الى اتوجهتلى امبارح كانت من دكتور في السكشن كان بيشرحلنا تركيب العظم فكان بيقولنا ان الخلايا العظمية ترتب في مجموعات وكل مجموعة تحاط بغشاء من النسيج الضام وان كل هذه المجموعات تحاط بغشاء كبير من النسيج الضام فكان بيقولنا ان في الامتحان كل الطلبة بتكتب عن المجموعات وتهمل الكتابة عن الغشاء الضامى رغم انه عليه نص الدرجه وكعادته دكتورنا الفاضل اطال الله في عمره ونفعنا بعلمه يربط العلم بالدين والحياة فنصحنا وقال :‏_‏
ان سبب الوقوع فى هذا الخطا هو النظر الى الامور بصورة جزئية فلا يصح ان نفصص الامر وندقق في التفاصيل دون ان نفهم الامر بالاجمال وصورته ككل اي انه يجب ان ننظر الى الشئ كاملا اولا و نفهم فحواه وغرضه ومن ثم نفصصه وقد ضرب مثلا بحديث شريف للرسول الكريم فيما معناه لا يكره مؤمن مؤمنا اذا كره منه خلقا رضى منه اخر

والصراحة نصيحة الدكتور ده فادتنى شخصيا على مستوى علاقتى مع صديقاتى لاني كتيير جدا بركز على صفة او صفتين وحشين في احد صديقاتى وانسي صفاتها الكويسة فالحمد لله معهملش كده تانى لانه قالنا ان الى بيعمل كده بيبقي شخص ذا نظرة قاصرة

[د/بسمة الاسلام]

المشاركة الأصلية كتبت بواسطة shimaa2009

احب اكون اول مشاركه فى الموضوع ودايما النصيحه اللى بتتوجهلى انى احافظ على نفسى ودينى واذاكر ودى من اسرتى كلها والحمد لله انا مقتنعه بكلمهم خالص وبحاول بقدر المستطاع انى انفذها وجزاكى اللله خيرا على فكره الموضوع فكره هااااااااااايله

وانا لى كل الشرف بان تكونى اول مشاركة فعلية في موضوعى وان النصيحة الغالية التى اضفتيها تكون اول نصيحة حتى ننظر للامور باجمال ومن ثم نفصص فلو كل منا طبق هذه النصيحة سنكون خير امة ان شاء الله اه وع فكرة انا كمان اتقالتى نفس النصيحة خالى قالى ان لازم اكون مقتنعة داخليا ان لو نفذت النصيحة الى اتوجهتلك الاسلام هينتصر والقدس هتحرر و و يجب ان نقتنع داخليا ان النصر يتحقق من تطبيق شرع الله وسنة رسوله وانا طبعا طبعا اقتنعت بنصيحة خالى وبحاول قدر المستطاع اقوى هذا اليقين داخلى وان الله لا يغير ما بقوم حتى يغيروا ما بانفسهم

[د/بسمة الاسلام]

المشاركة الأصلية كتبت بواسطة love_kadry

توكلنا على الله

وعلى من غير الله سنتوكل
اللهم ارزقنا حسن التوكل عليك
اللهم جنبنا التواكل والكسل
وارزقنا الاخلاص والاتقان في العمل
جزاكم الله كل الخير على مروركم الكريم
ومرحبا بالنصائح التى توجه اليكم

[**تسابيح**]

خالي بقي نصحني مرة وقالي
ابعدي عن التسرع
لانه بيجري في دمي بصراحة
نفسي اتخلص منه
وكان فيه أستاذ الله يرحمه بتاع العربي في الثانوي
كان بيقولنا
ان احنا
مش نكون امعة في التعامل مع الناس
حتي لانعصر
ولا نكونوا صلب حتي لا نكسر
نكون في الوسط يعني
شكرا بسومة موضوعك رائع ياقلبي

[sympathique]

نصيحة ظازة من امبارح

ان احنا نهتم بالجيل الجديد

من والدى

[د/بسمة الاسلام]

الله يباركلك يا تسابيح
فعلا والله الواحد لازم يتخلى عن التسرع ويالكثرة الحكم التى توجهنا الى التمهل والتاني وبما اننا عايشين في عصر السرعة بقينا بنعمل حاجات كتير جدا بسرعة ومن غير اتقان رغم ان الله يحب اذا عمل احدكم عملا ان يتقنه
فياريت بجد كلنا من دلوقت على قدر المستطاع نتمهل ونتقن في العمل‏(‏ الدنيا مطرتش‏)‏
اما بقي بالنسبة للحكمة التانية لا تكن لينا فتعصر ولا صلبا فتكسر فدى جميلة جدا جدت ولازم كلنا نفذها
لان زى ما احنا عرفيين خير الامور الوسط شكرا ليكي يا قمراية

[مستر ايمن محمد راشد]

علينا ان نفكر جيداً قبل اتخاذ اى قرار ...ولا نحكم على الاشياء من خلال الشكليات ولكن يجب ان نتمعن ونفكر فى الامر عده مرات حتى نستطيع ان نتخذ قراراً صائباً ... حتى لا نندم على قرار فى لحظة غضب .
وشكراً لسيادتكم على الموضوع

[د/بسمة الاسلام]

المشاركة الأصلية كتبت بواسطة sympathique

نصيحة ظازة من امبارح

ان احنا نهتم بالجيل الجديد

من والدى

جزاكم الله خيرا على المرور الكريم والرد والنصيحة الغالية
ولكن
من يهتم بالجيل الجديد؟ احنا نهتم بالاصغر منا ام نهتم بانفسنا ام تقصد الاكبر منا سنا هم من يهتمون بنا؟
بانتظار نصائحكم الطازجة كل يوم

[د/بسمة الاسلام]

المشاركة الأصلية كتبت بواسطة مستر ايمن محمد راشد

علينا ان نفكر جيداً قبل اتخاذ اى قرار ...ولا نحكم على الاشياء من خلال الشكليات ولكن يجب ان نتمعن ونفكر فى الامر عده مرات حتى نستطيع ان نتخذ قراراً صائباً ... حتى لا نندم على قرار فى لحظة غضب .
وشكراً لسيادتكم على الموضوع

جزاكم الله عنا خير الجزاء يا مستر
ونحن بحق في اشد الحاجة لنصائح حضراتكم ويارب بجد نقدر نطبق نصيحة حضرتك الغالية لان كتير مننا بيتكلم من غير ما يفكر ويرجع يندم
شكرا يا افندم وبانتظار المزيد من نصائحكم الغالية في زمن ندرت فيه النصائح والناصحون
جزاكم الله

[السيد صابر]

السلام عليكم ورحمة الله وبركاته

بارك الله لك وفيك يادكتورة بسمة

ولو إني مش عارف أقولك إيه؟؟؟؟

أقولك نصيحة وخلاص....

إذا أردت أن تتحدث عن إنسان فضع نفسك مكانه
وإذا أردت أن تحاكم إنسان فضع نفسك مكانه

وآخر وأهم نصيحة...

يَا أَيُّهَا الَّذِينَ آَمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ (102) آل عمران

[د/بسمة الاسلام]

جزاكم الله كل الخير استاذنا الفاضل على تلك النصائح الغالية فهى فعلا تغيب عن اذهان الكثير منا ان نضع انفسنا مكان من نحكم عليه او نتحدث عنه ارجو ان تلفت نظر الجميع هذه النصيحة ولكم وفيكم بارك الله ونتمنى من الله ان يهدينا جميعا ويقدرنا ان ننفذ النصيحة الخاتمة لمشاركتكم والله المستعان

[د/بسمة الاسلام]

نصيحة اتوجهتلنا النهاردة في المحاضرة
دكتور بيقولنا :-

ان الماس والتلج بيلمعوا من بعيد
انما التلج بعد شوية بيدوب
كان بيحفزنا على المزاكرة وبيقول ان كلكم دلوقتى اسمكم دكاترة وكلكم ناجحين انما 3 في المية من المية في المية الى ناجحين
هم الى بيكونوا ناجحين بجد فحاول دايما تعمل شغلك بحيث تكون من التلاتة في المية دول
زي دكتور في السكشن برده
كان يقولنا تميز في اي شئ مهما كان صغير
فالله تعالى يقول لا يكلف الله نفسا الا ما اتاها
وقال لو كل واحد اتميز في حاجة بسيطة وصغيرة هنرتقي ونتقدم و و و