ممكن استفسار من الناس اللى امتحنوا

[marwasamy]

السلام عليكم
كنت عاوزة اسال حضرتكم
كان فى تدريب للمعلم المساعد انا خلصتة وعملوا امتحان وكانت اللجان سايبة
المهم بيسقطوا حد وبيقولوا ان الناس اللى قبلنا اخدوة و هو بيتقال علية امتحان لاخذ رخصةمزاولة المهنة

[marwasamy]

اين الردود

[alyibrahim]

انا مش فاهم سؤالك
المهم انه امتحان تقليدي الغش فية هو اسهل وسيلة بمعني الغبي بس هو اللي بينزل فية
او سوري المحترم الذي لا يقبل الغش

[كادوه]

مش فاهم
يعنى امتحان زى الامتحان بتاع الكادر ؟
ولا امتحان تحصيلى للدورة التدريبيه ؟
ومش فاهم الكل بينجح ؟

نرجو اعادة صياغة ما كتبتيه

[محمد السيد حامد عطوة]

المشاركة الأصلية كتبت بواسطة marwasamy

السلام عليكم
كنت عاوزة اسال حضرتكم
كان فى تدريب للمعلم المساعد انا خلصتة وعملوا امتحان وكانت اللجان سايبة
المهم بيسقطوا حد وبيقولوا ان الناس اللى قبلنا اخدوة و هو بيتقال علية امتحان لاخذ رخصةمزاولة المهنة

لا يوجد امتحان او تدريب عقد بهذا الشان فى محافظة الدقهلية هذا للعلم والله اعلم

[محمود سوهاجي]

السلام عليكم
العبد لله حضر الدورة التدريبية التي عقدت للمعلم المساعد وكان في آخر الدورة امتحان عادي فيما تم شرحه فقط ونحصل على شهادة باننا اجتزنا الدورة التدريبية فقط وليس له علاقة بامتحان الكادر او الرخصة .
ارجو ان اكون وفقت في الشرح

[yoyo_595]

هو امتحان الكادر امتحان لا يستحق عناء التفكير فيه امتحان سهل جدا يجاوبه اى حد يعنى الامتحان أصلا مش بيقيس أى حاجة لا معرفة بنظريات تربويه ولا ليه اى لزمة ده امتحان أسئلته اختيارى والاختيارات متشابهة وفيها اسئلة بيبقى فيها أكثر من إختيار صحيح يعنى مثلا تعريف عملية التعلم تلاقى 4 تعريفات فى الاختيارات وفيهم مثلا تعريفين صح ومن كتب التربية اللى درسناها تلاقى تعريف تغيير فى السلوك وتعريف اكتساب قدرات ومهارات مثلا أو سوءال عن تعريف الطفل الموهوب والاختيارات برضه أكثر من اختيار صح ولو انى لا أذكر الاسئلةوالامتحانات بسيطة وتافهة هو الناس معظمها نزل فى الانجليزى مع انه سهل جدا لو راجعتى القواعد مثلا من كتاب قواعد انجليزى وشوية كلمات هتعدى أمتحان بسيط مش للمتخصصين يعنى وحتى للمتخصصين كله سهل وملهوش لزمه مش بيقيس حاجه واسئله عايمه ف طرق التدريس والمصطلحات التربوية يعنى مشوار كأنه حضور وانصراف وخلاص وموضوع الغش ده ملهوش معنى أصلا انه يكون معلم ويغش او يستنى حد يراقب عليه ده عيب كبير لما احنا نغش لما الناس كانت متضايقه انها تمتحن وخايف المدرس ليسقط وتلاميذه تعايرة تقولوا الغش ولو انه بيحصل

[ريهمسة]

علي فكرة الامتحان شوية سهل وشوية صعب

بس الانجايزي كان سهل بالنسبة ليا اما التخصص بتاعي كان صعب جدا

بس الحمد لله نجحت

فيه ناس كتييررررررررررررررر رسبت

[بحب ربنا]

شكرا للافاده

[eslamic]

دي دورة اسمها مقدمة طرق تدريس بياخدها كل المعلمين المساعدين وبتبقي حوالي 10 أيام وفي نهاية الدورة في شهادة بأجتياز الدورة والكل بينجح إحنا في إدارتنا معملوش امتحان اساسا واخدنا الشهادة

[شيماء20]

دلوقتى ياجماعه طلبة كليات التربيه بكل فروعها بيدرسو الكورس ده على انه احد المواد الدراسيه والمنهج بيبقى مقسم على مدار ال4 سنين

والخريجين الجدد بيتعملهم دوره تدريبيه بعد الانتهاء من موسم الامتحانات ومابيبقاش فيها امتحانات وبتاخد شهادة تقدير لاجتياز الدوره التدريبيه

وده اللى حصل معايه

[رحييق]

لا حول ولا قوة الا بالله

[رحييق]

العلي العظيم .........

[أشـرف فتحى]

صبرنــــــــــــــــــا يارب