الدكتور اشرف مروان

[اناااا]

اولا السلام عليكم
ثانيا حد يعرف مين هو الدكتور اشرف مروان
التعريف
هو كان سكرتير الرئيس الراحل جمال عبد الناصر
وزج ابنته منى جمال عبد الناصر
ورجل اعمال
فى يوم 28 يونيو2007 تم اغتياله
الحادثه بالتفاصيل
بالتحديد يوم 28 يونيو راى احد الماره شخص مقتول فى حديقه تم تبليغ الشرطه وبعد علم انه الدكتور
اشرف مروان بدئت الشكوك وطرح الاسئله من قتل د\ اشرف مروان
قال احد الصحفين انه كان يوجد اشخاص فى شرفه د\اشرف لحظة الحادثه وخادمة البيت قالت انه
لا يوجد احد فى المنزل غيره وكان فى حجرة مكتبه واكد شرطة امن العماره انه ساعه حدوث الجريمه او قبلها
دخل اشخاص كثر فمن الصعب معرفة من الذى يدخل لكى يرتكب جريمه
وشخص اخر قال انه راى د\اشرف يتطاير فى الهواء وقبلها سمع صرخه
ملحوظه قد حاول احد الاشخاص اغتياله منذ شهر قبل الحادث وبعد محاولة الاغتيال الاولى
الفاشله قرر الدكتور اشرف ان يترك منزله ويسكن فى بيت امام السفاره الامريكيه مباشرة
حيث الامان بالنسبه له ولكن لم يحدث
انتهى الخبر
ملحوظه كل المعلومات اللى فى الموضوع بمساعدة الصحفى الكبير عمرو الليثى وبرنامج اختراق
وياريت يا جماعه كلكوا تتفرجوا على الحلقه اللى جايه يوم الاتنين على القناه التانيه تكمله للموضوع

[اناااا]

ايه يا جماعه فيييييييييييين الردود هو مش عاجبكوا ولا ايه ده موضوع مهم ومحتاج رد ومناقشه

[♥έĻ-мΰšŧâρèdâ♥]

ايه سمعت عنه وكمان عمرو الليثى مش بيسيب حد بحاله
بعيداً عن إذا كان هناك ارتباط بين سقوطه وسقوط سعاد حسني من البلكونات الإنجليزية .
لكن بعد قراءتي الأولية لملف حياة هذا الشخص الذي هو في ذمة الله الآن . أعتقد أنه كان رجلاً وهذا باعترافات العسكريين الإسرائيليين . وإن كان يبدو أنه مزدوجاً فأعتقد أن هذه والله أعلم كان مخطط لها . ومن أبرز ماعرف عن هذا الرجل وباعترافات الصحافة الإسرائيلية .. أنه قبل حرب أكتوبر بيوم واحد طلب مقابلة رئيس الموساد في لندن لأمر هام ( لاحظ قبل الحرب بيوم واحد ) مع العلم بأنه قريب من النظام المصري وكان يعلم بكل التجهيزات للحرب . ولما بعث البرقية لإسرائيل كان بإمكانه أن يلمح للحرب مع إنه أيضاًيعتبر أن المعلومة في هذا الوقت ليس لها فائدة ومع ذلك لم يقولها وأخذ يماطل حتى لايخسر ثقته فيهم وفي نفس الوقت لايقول لهم عن الحرب قبل وقت كاف حتى لايحرق فجائية حرب أكتوبر .. وذهب إلى لندن وقابل رئيس الموساد وأخبره بأن الحرب غداً ستنطلق شرارتها الساعة السادسة مساءً . مع إنه بالطبع على علم بأن الحرب ستنطلق شرارتها وهو ماكان فعلاً في الثانية بعد الظهر وهو الذي خيّب إسرائيل فلم تستطيع تعبئة جنودها وتجهيزهم حتى فاجئوهم المصريين بالضربة . وهذا إن صح فهو يحسب لأشرف مروان لايحسب عليه . وإن كان رحمه الله فعل ذلك فعلاً .. فهو يستحق أن نترحم عليه لأنه ساهم بذكائه أن تنتصر مصر وتعطي لهؤلاء المحتلين درساً لن ينسوه .
هذا بغض النظر عن حياته وحياة أبنائه الخاصة .. فلكل جواد كبوه .. وكل سيحاسب على ماقدم من خير وعلى ماقدم من شر .. ولاتنسوا بأن لينا رب إسمه العدل ..
قلت كلمتي من باب الإنصاف .. إن كانت الأخبار التي وصلت لعمرو عن الرجل فعلاً صحيحة . ولاعيب في الدور الذي قام به اشرف مروان وإن كان يظهر للبعض بأنه عماله مزدوجة ولكن بالتأكيد هو ذكي فيعطيهم البسيط ليأخذ منهم وليوقعهم فيما هو أكبر .. وهو ماحدث فعلاً سواء كان اشرف مروان عميل من عدمه المهم احناانتصرنا بامرالله وعلى فكره اسرائيل عايزه تطلع مصركلها عملاء وخونه واعتقد ان اسرائيل وراءقتله وده اكبردليل على وطنيته والله اعلم
بس هو مات ومايجوزش على الميت غير الرحمه وياريت لو عمرو الليثى يبطل موضوعاته دى لاننا لا عارفينه صح ولا غلط ويجيب دليل وفى نفس الوقت ضده مثلا على سبيل المثال جاب واحد بيقول
انه شاهد على خيانه اشرف مروان فى جنوب افريقيا على ايام نيلسون مانديلا ...اسرائيل برضة كانت مجندة جوز امه وكان اسمة الحركى....بابل ....اسرائيل برضة ايام هتلر كانت مجندة ابن خالتة....علشان يقول لهم على معاد المحرقة...اسرائيل مجندة بوش الاب على بوش الابن فى النهاية ..اسرائيل يمكن تقدر تجند الشيطان لكن اشرف مراوان ....المصرى اللى ابوة مراوان كان ضابط فى الجيش المصرى ...اشرف ... اللى ايدة مسكت ايد ابو خالد ....عبد الناصر
ويقول احنا مستضيفين ضيفنا فى الحلقة الاستاذ فلان الفلان من جامعه كذا بلندن اشمعنى ولا كل مصيبة يجيبوا ناس من بره وفى الاخر يقولوا دى عملية انتحار طيب
سعاد حسنى انتحرت ولا اغتيلت
اشرف مروان انتحر ولا اغتيل
اللواء/ الليثى صفوت انتحر شرحه
دودى الفايد وديانا حادثة قضاء وقدر ( انتحار برضه )
يلا ربنا يرحمه ويرحمنا سواء كان عميل ولا لا المهم احنا انتصارنا فى الاخر ووطينا راسهم فى سابع ارض قدام العالم وربنا يستر على اللى جاى

[العندليب الحزين]

دا فى مواقع نزلت صوت اشرف وهو بيشتم ويسب عبد الناصر بس أنا مش عارف ده حقيقى ولا لا

[♥έĻ-мΰšŧâρèdâ♥]

أشرف أبو الوفا مروان رجل أعمال مصري وهو زوج منى جمال عبد الناصر، ابنة الرئيس المصري الأسبق جمال عبد الناصر. مات في 27 / 7 / 2007 السنة اللى فاتت بعد ما رمى نفسه من شرفة منزله بلندن بمنطقة سانت جيمس بارك، بوسط العاصمة البريطانية . واى حد بيروح لندن ييتعب هناك اووى لدرجة انه يروح شانق نفسه ولا رامى روحه من البلكونات من الدور 100 اصلنا هبل هنصدق

سعاد حسنى
اشرف مروان
اللواء/ الليثى صفوت
قضاء وقدر !! يمكن

هو ممكن يشتم ابو مراته حماه وفى نفس الوقت كان رئيس الجمهورية بعد ما ضحى وعمل عميل لصالح مصر باسرائيل

[الاسطورة]

من هو اشرف مروان ...
جاسوس مصرى
وانتقموا منه المخابرات قتلته
بس...

[♥έĻ-мΰšŧâρèdâ♥]

كان نفسى يا جماعه اكمل معاكم بس لانى هطلع علشان اذاكر العربى ومش هدخل غير يوم الاحد
بعد الامتحان

[حسام الشرقاوى]

البلد خربانة محدش يعرف مين المظوم ومين الظالم
ربنا يستر

[اناااا]

اولا يا جماعه انا بشكركم على الردود وزيادة المعلومات
بس احب اوضح لايه على صديقتى العزيزه ان د\اشرف مات يوم 28\7\2007 لان يوم 27\7\2007
كان عيد جوازه من السيده منى جمال عبد الناصر وكان د\اشرف عازمها على العشاء بالمناسبه دى
المقتل بعديها بيوم وبصراحه انا اتفاجئت بكل معلوماتك اللى فوق انتى كده متابعه احسن منى
بس يا اسطوره اللى انا كتاكده منه ان د\اشرف مش جاسوس ابداااااااااااااا هو الواحد لما تبقى علاقته حلوه
بكل الناس حتى الاعداء لازم يكون جاسوس انا مش معاك فى رايك ده بس ميرسي على اهتمامك
بالموضع وكمان يا جريح يستحيل د\اشرف يشتم حماه على راى ايه
وكمان يا حسام لسه البلد بخير مهما كان حكامها حراميه فا مسير يوم هيجى وواحد يظهر وينضفها
انا حبيت اكون اخر واحده ترد على الموضوع علشان ارد على كل واحد قال رايه
مسير يوم هيجى تشرق فيه شمس نضيفه من غير وشاشات

[عاشقـــ الانمى ـــة]

أنا بصراحة اول مرة سمعت عنه كان يوم قضية اغتياله
أنا معرفش عنه كتير