كل الطلبة ولا مؤاخذه حمير!

[sameh hasabo]

احنا كلنا طلبة الثانوية حمير ولا مؤاخذة عارفين لية؟ حد سأل نفسة................الثانوية العامة كانت سنة واحدة,بقت سنتين لية؟...........ولية كل سنة ترم كامل عكس كل السنين اللى قبل كدا اى اللى قبل الثانوية العامة؟


اقولكوا انا الاجابة من وجهة نظرى المتواضعة.....................................
ان بلدنا مدركين ان احنا فى الثانوية العامة بنكون كاملى الادراك و نقدر نحكم عالامور من كل اتجاة,يعنى حنفتح عنينا على مشاكل البلد,واحنا شباب يعنى دمنا حامى ومش حنسكت و حنقلب الدنيا ,ففضل السادة المسئولين ان هما يرهقونا بالثانوية العامة و مذاكرتها و طولها و ارفها و كمان اولياء الامور الغلابة ايوة ابويا و امى و ابوك و امك لما يكون عندهم ولاد فى ثانوية عامة نظرهم لا يتجة الا الى
الدراسة و ينسوا الدنيا و ينسوا اخواننا فى العراق و فلسطين علشان الدروس والهم و على فكرة انسوا ان الدروس الخصوصية حتنتهى و فى النهاية حسب صبرك يا تدخل الكلية اللى انتا عايزها يا اما يتكسر عضمك على الفلوس اللى ضاعت
عليك و انتا تخرج مرهق و ارفان من حياتك كلها و اهلك الغلابة حتى لو كانو ميسورين الحال حيتعبوا.


انا اسف ان كنت نزلت اسلوبى فى الكتابة للدرجة دى من الوقاحة بس انا محروق دمى و حبيت اقولكوا بس و اكيد انتوا فاهمين و مقدرين



محمد الغاياتى
كلية الحاسبات و المعلومات ج قناة السويس -الفرقة الاولى