الى متى ؟

[msrahmedseef]

سؤال محيرنى جدا ونفسى حد يجاوبنى علية الى متى سنظل ننتظر خبر التعيين ونفسنا نسمع ان التعيين ها يبقى بكرة ونفسنا ان التليفون اللى بيرن علينا ان المتصل يقولنا الف مبروك جالك التعيين لحد امتى نفسنا ان بتاع البوستة يجيلنا ومعاه جواب اصفر مليان دمغات بشعار النسر ويكون مكتوب فى الجواب اللى جواه تم تعيينك فى التنظيم الادارى للدولة لحد امتى هانستنى ان طفل صغير برئ يقول لنا ان احنا هانتعين علشان نشتبشر ونتفاءل ببراءه كلامة لحد امتى واحنا قاعدين نبوس فى ايد المسؤلين ان حد يعبر فينا و يقول لنا ان التثبيت قريب ولا مش موجود اصلا فى قاموس الحكومة المصرية الحالية او المستقبلية لحد امتى ها ننتظر لحد امتى هانفضل نعتمد على الاسباب الارضية لحد امتى هانفضل ناسيين " وفى السماء رزقكم وما توعدون " لحد امتى هانفضل ناسيين " وقلت استغفروا ربكم انه كان غفارا ......." لحد امتى هانفضل ناسيين الدعاء وهو العباده لحد امتى هانفضل ناسيين الالحاح على الله فى الدعاء لحد امتى هانفضل ناسيين صلاه الليل لحد امتى هانفضل ناسيين ان الله هو رب الناس الى متى الى متى الى متى ؟