|
||||||
| الأدب العربي قسم يختص بنشر ما يكتبه كبار الشعراء والأدباء قديمًا وحديثًا |
 |
|
|
أدوات الموضوع | انواع عرض الموضوع |
|
#1
17-01-2011, 08:52 PM
|
||||
|
||||
الثمن الغالى
اليوم قرأت قصة وأعجبتني قصة نراها دائما في عالمنا أرجو أن تنال القصة إعجابكم (الثمن الغالي) الأبطال******* 1- سارة (هى زوجة محبة لزوجها لدرجة الجنون بة وبتفاصيلة دائمة الحديث عنة عن حبها لة الذى لا يوصف ..طيبة لا تعمل لديها ابنتان جميلتان ... عانت مع زوجها ليبنوا نفسهم بداوا من تحت الصفر بقليل دائمة التنقل مع من مسكن لاخر لا يهما اى شىء فى الدنيا سوى ان تكون بجوار زوجها وبناتها ) 2- عادل(الزوج الحنون الذى لا يبخل بشىء على زوجتة يحبهاويرعاها كريم معهالاقصى الحدود وسيم واضاف لة عملة وسامة اكثر اينما تواجد يلفت الية الانظاربحسن خلقتة وخلقة يعشق بيتة وبناتة ويتمنى ان يرزق بولد ليكون عون لاخوتةالبنات ) 3- أمل (ابنة الجيران خريجة حديثة من الجامعة لا تعمل تعانى فراغ شديد ووحدةلانها ابنة وحيدة لها اخان يدرسان وامها وابوها يعملان ولا يعودوا للمنزلالا متاخرا تحمل عبء المنزل كلة وتعانى من الحرمان من اهتمام اهلها بها او باحتياجتها ) سارة :ابقى تعالى يا امل اقعدى معايا شوية ادينا نتسلى مع بعض امل :ماشى ينفع بكرة سارة :بكرة الخميس بعد البنات لما بيرجعوا باروح لبيت اهلى وارجع الجمعة بالليل امل :خلاص خليها وقت تانى -بعدعدة ايام - (امل مع سارة فى البيت ودة بقى الحال الشبة يومى سارة تنظم بيتها وتنظفةوامل معاها ...سارة تعد الطعام وامل معاها وهكذاولان الامر لا يسلم والكلامبيجر بعضة سارة بقت بتحكى عن عادل كتير بيحب اية ويكرة اية امتى عيدميلادة ....اللى بيسعدة واللى بيحزنة ...قصة الحب الفظيعة اللى بينهموحاجات كتير قوى ولان امل بنت خجولة جدا اول لما تشوف عادل رجع البيت تحطوجهها فى الارض ووشها يحمر وتستاذن وتخرج ) سارة :شفت يا عادل امل النهاردة عملت كذا .... دة طيبة قوى ووحيدة نفسى اخدها معانا واحنا خارجين ممكن ؟ عادل :ماشى مش مشكلة سارة :امل غلبانة ياريت تشوف لها عريس مناسب عادل :يا ستى وانا مالى سارة :امل محتاجة فلوس تشترى مكياج ممكن اسلفها من مصروفى الخاص عادل :فلوسك وانتى حرة فيها -مرت شهور على الحال دة - (شائت الظروف ان سارة وعادل يتنقلوا من منزلهم لبيت تانى فى نفس الشارع ولان الفراق صعب وسارة بتموت فى امل وبتحبها زى اختها وامل كمانبتموت....فى مين ؟ المهم ) سارة :امل البيت الجديد ما فيهوش تليفون مش عارفة اطمن عليكى ازاى ؟بصى خدى رقم موبيل عادل وابقى رنى لى علية وانا حارن لك منة كل يوم اوعى تنسى كل يوم امل :ماشى كل يوم مش حانسى ولا يوم -مرت فترة وفجاة ....- (انقطعت الرنات من امل وسارة لسة بترن عليها واخيرا دخل التليفون البيت الجديد ) سارة :الو ...امل وحشانى التليفون دخل فينك وعاملة اية عاوزة افرحك انا حامل فى الشهر الرابع وحامل فى ولد امل :حامل ....ولد ....يا نهار اسود سارة :انتى بتقولى اية ؟ امل :لا ما اقصدكيش انتى دة انا اصلى باتفرج على حاجة ضايقتنى فى التليفزيون ...على العموم مبروك -وبعد كام يوم - سارة :مش عارفة يا عادل امل مش بتتكلم ومتغيرة معايا تفتكر لية ؟ عادل :ما تتصليش بيها تانى هى مش من سنك دة قرار ما فيش اتصال بيها تانى سارة استغربت: فى اية ؟لية الانفعال دة وامل مالها اكيد فى سر ولازم اعرفة (ورغم ان سارة ممكن تبان غبية لكن احساسها قالها ان فى شىء مريب وبدات تبحث عن السر بدات تدور فى موبيل عادل وكانت المفاجأة رنات من امل لعادل ومكالمات مدتها طويلة وكمان رسايل حب وغرام واعترافات من امل بحبها لعادل من اول يوم شافتة وانها كانت بتتعمد تنتظرةفى بيتة مع سارة علشان تشوفة اول لما يرجع من الشغل وانها كانت بتتخيل نفسها معاة وهو بياكل من الاكل اللى هى طبخاة وانة امنية حياتها وإنهاوإنها صارحت والدتها رحبت بالموضوع ما هو يقدر يفتح بيتين ....صدمات متتالية لسارة لم تشعر بنفسها من بعدها جريت على تليفون البيت وجدت مكالمات من بيت امل فى الاوقات اللى سارة بتبقى فيها عند اهلها ) سارة لنفسها :لازم اعمل حاجة لازم اتاكد بنفسى ...اكيد دة كابوس ...مستحيل يكون حقيقة (ولان سارة اصبحت محترفة بحث وخطف موبيل عادل من غير ما يحس وجدت الشىء اللى هى منتظراة من فترة ...رسالة من امل لعادل ) امل :وحشتنى قوى ...المرة الاخيرة ما عرفناش نقعد مع بعض مستنياك يوم السبت الساعة 5 على ناصية الشارع بتاعنا (سارة وجدت رد عادل كالتالى ) عادل :اتفقنا -يوم السبت الساعة 4- عادل :مش عارف يا حبيبتى محمود صاحبى اتصل وعاوز يقابلنى ضرورى بافكر اعتذر لة سارة :لية يا حبيبى دة عمره ما اتاخر عنك يمكن محتاجلك ضرورى تروح الميعاد عادل :اناكمان باقول كدة -نزل عادل - (سارة محتارة ...تعمل اية الدنيا بتلف بيها وتعبانة ) سارة لنفسها :انا لازم اتاكد بنفسى لازم انزل (تركت سارة البنات فى البيت ولبست ونزلت وراحت لناصية الشارع اللى كان فية بيتها القديم وانتظرت تحت شجرة كبيرة ) سارة :يارب محدش ييجى ....يارب خيب ظنى فيهم لالالالالا دة امل لا مش ممكن ....يارب ....يارب خليك معايا ...يارب عادل ما ييجى والله لو ماجة لاترمى تحت رجلية واطلب منة يسامحنى على سوء ظنى فية واعيش العمر كلة خدامة لتراب رجلية لالالالالالا....مستحيــــــــــل دة عربية عادل ...دة وقف وهى ركبت قعدت مكانى مستحيل (وبتلقائية شديدة جريت سارة امام العربية وهى ماشية ولان عادل اتفاجأ وما لحقش يوقف العربية بسرعة خبط سارة ووقعت على الارض وقعت فى التراب ) -ولان لكل شىء تمن التلاتة دفعوا التمن عادل -فقد ابنة الولد اللى كان بيتمناة لان الجنين نزل وفقد حب سارة للابد وثقتها فية ودة مقابل خيانتة لاكتر انسانة حبتة فى الوجود خيانتة للانسانة اللى ضحت بكل احلامها علشانة واكتفت بية انة يكونهو حلمها الوحيد امل -اتفضحت فى المنطقة كلها وسمعتها اصبحت سيئة لدرجة ان اهلها انتقلوا لسكن اخر بعيد ودة مقابل خيانتها للاخوة والصداقة سارة -فقدت جنينها وفقدت كمان اى امل فى انها تكون ام مرة تانية لانهم استئصلوا الرحم بتاعها لانة تهتك نتيجة للحادثة وفقدت حبيب عمرها ودة نتيجة غبائها وانها فتحت ابواب حياتها على مصراعيها للمحيطين بيها كان لازم التمن يتدفع حتى لو كان "التمن الغالى " ايه رايكم؟؟؟؟ استودعكم الله الذي لاتضيع ودائعه
__________________
 ربي ان في قلبي أشياء كثيره ... لا أستطيع البوح بها لأحد سواك.. أنت تعلم سري وما يضمره قلبي ... ربي بكلمة ( كن ) منك تسعد حياتي ربي قل لأمنياتي كوني... فإذا كنت أنت معي ... فلا أحتاج لأحد سـواك 
|
|
#2
17-01-2011, 09:31 PM
|
||||
|
||||
يكون لي الشرف في الرد واحيي سيادتكم غلي قمة الابداع في الانتقاء وحسينا الله ونعم الوكيل
|
|
#3
17-01-2011, 11:03 PM
|
||||
|
||||
|
والله حبيبتى قصة هادفة
احيانا السيدات بتستهر بالموضوع ده وحتى بتحكى اسرار بيتها للغرباء وبتكون النتيجة هدم البيوت ومش بيفوقوا الا بعد فوات الاوان جزاك الله خيرااااااااااااااااااا شكراااااااا تقبلى تحياتى
__________________
استودعكم الله ..
|
|
#5
20-01-2011, 07:41 AM
|
||||
|
||||
|
سلمت يمناك قصة مفيدة جدا
تحياتي
|
|
#6
20-01-2011, 06:00 PM
|
||||
|
||||
|
قصة جميلة جداااااااااااااااااااااااا
شكررررا
__________________
|
|
#7
20-01-2011, 06:20 PM
|
|||
|
|||
|
جزاكم الله كل الخير
قصة جمييييييييييلة وواقعية جدا خطأ كبير ان الست تأمن لأى واحدة ان تدخل بيتها وتتعرف على زوجها حتى لو كانت من اعز صاحباتها
__________________
اللهم استرنا فوق الارض وتحت الارض ويوم العرض عليك يا ارحم الراحمين
|
|
#8
03-02-2011, 08:44 PM
|
||||||
|
||||||
|
اقتباس:
اقتباس:
اقتباس:
اقتباس:
اقتباس:
اقتباس:
جزاكم الله خيرا لمروركم جميعا
__________________
ربي ان في قلبي أشياء كثيره ... لا أستطيع البوح بها لأحد سواك.. أنت تعلم سري وما يضمره قلبي ... ربي بكلمة ( كن ) منك تسعد حياتي ربي قل لأمنياتي كوني... فإذا كنت أنت معي ... فلا أحتاج لأحد سـواك
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:59 PM.
