|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
02-02-2011, 10:24 PM
|
||||
|
||||
ما هي الخطوة الثالثة؟؟
________________________________ السلام عليكم و رحمة الله و بركاته احب اقول في الاول اني مبتديء في مجال السياسة و الاحداث الحالية هي الدافع الوحيد ليا للحديث فيها فسيكون كلامي هو كلام مصري يحب ان يجد تفسير لكل ما يراه ولا يحب ان يتعجب من شيء نبدأ باسم الله الرحمن الرحيم لا شك في ان ما يحدث الان احزن كل مصري و مصرية لما سببه من دمار و الم و تخريب في الممتلكات الخاصة و العامة
و كثيراً من المصريين يسأل "كيف ستكون نهاية هذا؟؟" و هو السؤال الشائع حالياً لكن قبل ان نسأل هذا السؤال يجب ان نسأل سؤال اخر ماهي الخطوة الثالثة؟؟ الموضوع غريب جداً لكني سأتبع نظام تحليلي بسيط في عرضي للموضوع + في البداية بدأت مظاهرات سلمية في مختلف محافظات مصر يوم 25 و 26 حتي جمعة الغضب - ليس من الصعب التكهن ان هذه الثورة ثورة شباب عاني من نظام الدولة لفترة طويلة و احتمال ضعيف انها من تدخل اجنبي لكنه وارد - قد لا يكون للاحزاب دور في بدايتها لكنها تستفيد منها بإسلوبها - البرادعي في رأيي اتي لركوب موجات المظاهرات و ليس لاي غرض اخر لانه لو كان له هدف التغيير لما كان اول تصريح له انه علي استعداد لقيادة البلاد في هذه الفترة و قد عرفنا ان هذا هدفه من فترة قريبة من خلال طلبه للترشيح لرئاسة الجمهورية + اما جمعة الغضب فقد حدث فيها معارك دامية مع الامن و احرق مقر الحزب الوطني الرئيسي من ثم بدأت اقسام الشرطة تحترق تباعاً - الامن المركزي كان ضحية لمخطط اكبر كان هدفه قمع المظاهرات و ابطالها خاصةً و ان القنابل مستوردة من امريكا و مش هقدر اقول ان الحزب الوطني متورط بشكل مباشر في الموضوع ده لاني معنديش ادلة لكنهم قدروا انهم يورطونا بحربنا مع الامن المركزي و بذلك ينشأ الشق العميق بين الشرطة و الشعب لكن دي في نظري (الخطوة الاولي) و هي لا شك لها علاقة بأمريكا و بالرئيس باعتبارهم موردي هذه الاسلحة - حرق اقسام الشرطة بدأ من بعض اهالي السجناء لمحاولة اطلاقهم و اضيف اليهم الحزب الوطني لان ما يرد من اخبار حول جلب هؤلاء المساجين الي التحرير يؤكد ذلك -عمليات النهب و السرقة من البيوت و المصالح الحكومية تنظيم اجرامي قوي استغل فرصة غياب الشرطة و قام بعمله علي اكمل وجه لكن مهاجمة المنازل علي مستوي الجمهورية لا يمكن بأي حال من الاحوال اعتباره تنظيم اجرامي لكنها خطة حققت جزء من هدفها في تقليل عدد المتظاهرين من خلال تكوين لجان مقاومة شعبية لكني لا اعتبرها خطوة ناجحة - خطاب الرئيس مبارك المتأخر جداً عن موعده المفترض كان له اثر سلبي لكنه نجح في تقليل عدد المتظاهرين الي حد ما + ما يحدث في التحرير اليوم لا يمكن وصفه - اخبار تقول ان مؤيدي مبارك من اتباع الحزب الوطني و بعض بلطجية السجون الذين تم تهريبهم لهذا الغرض - بعد خطاب الرئيس مبارك الاخير انحسر البعض من المتظاهرين و عادوا الي بيوتهم مكتفين بما حدث لكن بعد خطاب الرئيس نزلت المظاهرات المؤيدة له بعدة ساعات و ده يؤكد انها مش من الشباب المصريين لانهم لم يكونوا ليتظاهروا مجدداً بعد اقتناعهم بتحقق مطالبهم - قد يكون هدفهم منع المظاهرات المشابهة في المستقبل بحجة منع المجزرة التي حدثت في هذه الايام ان تتكرر و قد يكون هدفهم اجبار الجيش علي التدخل للحد من هذه المظاهرات - الحرب الدامية الدائرة حالياً هي (الخطوة الثانية ) من الخطة الهادفة لقمع المتظاهرين ، حيث ان هدفهم كان من لم يقتنع بخطاب الرئيس مبارك و اصر علي التظاهر و من هنا اقول ان هناك خطة كاملة التخطيط لانهاء هذه المظاهرات و قد تم تنفيذها علي مسمع و مراي كل منا لكن المتظاهرين لم يستسلموا بعد علي الرغم من ان البعض منهم سينسحب بعد هذا الهجوم يوم الجمعة المقبل يدعي جمعة الخلاص كما سماها البعض و اظن ان الخطوة الثالثة من هذه الخطة الضخمة علي وشك التنفيذ فيها فيا مصريين دعونا نحاول ان نعرف معاً ماهي هذه الخطة الكبيرة التي كنا و مازلنا و سنكون جزء منها ماهو سيناريو جمعة الخلاص؟؟ نحكم عقلنا و نفكر كلنا الي اي مدي ممكن يكون التدخل خارجي و الي اي مدي نجح الحزب الوطني في خططته حتي الان؟؟ ما هي الخطوة الثالثة انا عايز اعرف اراءكم
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#2
02-02-2011, 11:18 PM
|
||||
|
||||
بسم الله الرحمن الرحيم
طبعا احنا جميعا بنشاهد اصعب لحظات عشناها فى حياتنا لحظات لا يمكن حد مننا ينساها بجد انا عمرى ماعشت فى الخوف والرعب اللى عشتهم فى اليومين اللى فاتوا دول انا لا مع الرئيس ولا ضده ولا اصلا كان فى بالى كل المظاهرات والكلام ده الرئيس انسان محترم وحمانا كتير وانقذنا من حاجات كتير لكن للاسف بقيت الاهداف متغيرة احنا يوم الثلاثاء الكل ككان طالع لغرض واضح ومحدد احنا طالبين التغيير وكنت مع المظاهرة دى اوى وبأيدها جينا يوم الحمعه اللى كان بدايه الملحمه اللى نمت وانا بتشاهد وقولت ربنا يستر على مصر لقينا مصر كلها يسقط مبارك ولازم ترحل وكل محافظات مصر وبدون استثناء جينا بليل اللى مش فاهمه دى حصلت ازاى لقينا سجون مصر كلها اتفتحت فى توقيت واحد والشرطة انسحبت وبلطجية طالعه والدنيا ولعت وحسيت ان حد خدنى وودانى غزة ماحستش انى لسة فى بلدى وابويا والجيران والشباب واطفال 13 و12 سنة ماسكين عصيان وسكاكين وواقفين بيحمونا فى عز البرد طب هل دول مدربين يعنى انهم يقتلوا حد ولا يطلعوا على حد ولا حته يمسكوا سكينة مصر كلها ماشفتش النوم يوميها والكل قاعد خايف ونسمع التليفزون اللى هو كان الطريق الوحيد اللى نعرف بيه اللى بيدور فى بلدنا لان طبعا الواحد مستحيل ينزل ومش عارف حته يتصل يطمن على اهله ولا قرايبه ولاحته اصحابه اللى جمبه طب ليه ومنين كل ده بعدي يومين بالظبط لما حسينا بالرعب والخوف ومافيش امان الكل رجع نزلوا الشرطى تانى هما فين ازاى ينسحبوا حرام عليكم احنا بنموت طب منين كل ده وانتوا عاملتوهم كأعداء بالظبط وكانكم اسرائيل وفلسطين وبعد كده يعيش مبارك وناس تتصل تعيط وحرام حرام ده ابونا ليه كل ده انا بكيت لاخر خطاب ليه ارجوكم ماحدش يقول انه ماشى حرام طب ايه كل ده ايه المشاعر والاهداف اللى بتتحول وتتغير دى بين يوم وليلة انا نفسى بس حد يقولى ازاى مصر كلها فى نفس التوقيت يطلع عليها بلطجيه وكل منطقة بدون استثناء يعنى ازاى دى نفسى افهم مابقناش عارفين احنا مع مين ولا ضد مين احنا كل اللى علينا قاعدين بنتفرج على اللى رايحين كده واللى جاين كده والواحد حته مش عارف يطلع صوته ولا يتكلم حرام بجد انا من رأيي انا بجد بأيد حاجه واحده بس ان مصر ترجع تانى زى ما كانت انا لا ضد ولامع انا نفسى انام واقوم والاقى كل ده انتها وللاسف احنا مش حاسين بقيمة الخساير اللى احنا فيها والله الواحد ماعارف يروح دروسه ولا يذاكر كل حاجه وقفت تعليم واشغال ومصالح وناس لما المصالح الحكومية حرقوها ناس مصالحها ضاعت ناس مش عارفة مصيرها ايه دلوقتى يارب رحمتك بينا يارب
__________________
 ~Love your life ~ |
|
#3
02-02-2011, 11:46 PM
|
||||
|
||||
|
اقتباس:
مفيش افضل من كده اسلوب الامن ضاع المصالح توقفت المجازر بدأت كفيلة بتدمير اي بلد و ده الهدف الرئيسي من العملية دي في بنت اتكلمت علي قناة المحور قالت انها تدربت علي ايادي يهود و قطريين لقلب نظام الحكم المصري وهما اللي بدأوا المظاهرة و هما اللي وقعوا بين الشرطة و الشعب و هما اللي حرقوا مقر الحزب الوطني و قد يكون ده كل دورهم و الباقي علي الحزب المنتقم الموضوع كبير تفتكري ايه مصلحة العصابات دي من الهجوم علي المستشفيات؟؟ لا هدف الا التخريب تحت اسم المتظاهرين و دي تدفع الحكومة انها تستعمل قوة اكبر و عندنا هجموا علي مستشفي النيل لكن الحماية كويسة في منطقتنا احنا مش هنشارك في مظاهرات تاني ولا يمكن نشارك في مظاهرات تاني مش في ايدينا الا اننا ندعي و نقول اللهم ارفع مقتك و غضبك عنا اللهم امين شكراً لمرورك يا سمر و جزاك الله كل خير
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#4
03-02-2011, 12:36 AM
|
||||
|
||||
|
للاسف وبكل اسف هذه المؤامره حدثت بالفعل وناس كتير فى مصر لغايه دلوقتى فاكره ان الغلبان فيها والمضحكو عليه هو الريس
وان واحد زى حبيب العدلى هو رئيس العصابه مع انه بيشتغل عند الريس مش حد تانى وللاسف اخطاب بتاع امبارح خلى ناس كتير تشعر بالتعاطف وده خلى المؤامره وصحبها بيكملوا المشاور فى سلام حتى الان زى ما انت قولت يا احمد الخطوه الاولى والتانيه والخطوه التالته اكيد حتبقى الخطوه الحاسمه اكيد وحتكون الخطوه اللى حتحدد مين اللى مش عايزين نقول ينتصر يعنى نقول يحدد المصير القادم والفتره القادمه واللى باين فى الفتره القريبه انها حتبقى يوم الجمعه وزى ما سموها ابطلنا الشباب جمعة الخلاص بس الصراحةا انا لغيت دلوقتى معرفش الخلاص بالنسبه لمين ولصالح مين هل بالنسبه للشعب اللى اخيرا اتكلم واتحرك ولا لحكومتنا ورئسنا الى بقاله 30 سنه محدش عارف لغايه دلوقتى بس المعروف ان الجمعه الجايه مش حتبقى سهله والرئيس خلاص مش حيطلع تانى يتكلم الا فى حاله تنحى عن الحكم وده شكله مش حيحصل حاليا انا خايف بس من حاجة والله خايف ان الجيش يهيج على الشعب لو حصل كده حتبقى كارثة كبرى سوء بقى الجيش ده اخد اوامر ولا ممكن ناس تخش ما بين الجموع والمظاهرات ويبداو يضربوا فى الجيش وطبعا الجيش حيرد محدش عارف اكيد حيحصل ايه والله بكل شى عليم الواحد اكيد خايف من حاجات كتير ممكن تحصل والواحد فى اسئلة كتير بردوا مش عارف يجاوب عليها منها ليه الرئيس اللى الناس متعطفة معاه اوى مطلعش يوم الاربعاء او يوم الخميس يقول حتى للشباب احنا بناقش المطالب ليه معملش كده كان كل ده حيهدى ثانيا ليه مره واحده الشرطة انسحبت واختفت تماما واتفتحت كل السجون وخرجت منها ناس فى جماعات منظمه فى كل انحاء مصر بنفس الشكل للنهب وسرقة وحرق البلد وازاى فى ناس بعد كده قبضت على شرطة فى جوه المتحف المصرى بيسرقوا وازاى دلوقتى ناس يمسكوهم النهارده ويطلعوا بلطجيه ومعاهم شرطة بحصنه وازاى كمان واحده تطلع تقول احنا اضربنا على ايد مش عارف مين وفى الاخر تطلع صحفيه وازى وازى كلام كتير ملوش اخر الواحد اصلا تاه يعنى فى النص وبندعى اكيد ربنا ان يجعل لمصر ما فيه الخير لنا وان يرفع غضبه عنا وان يتولى اهل الناس اللى ماتوا ويرحم الشباب الللى ماتوا فى سبيل مصر ويجعلهم من الشهداء واكيد مصر فوق الجميع وفوق اى شخص |
|
#5
03-02-2011, 01:22 AM
|
||||
|
||||
|
اقتباس:
الرئيس ممكن في ظهور تاني ليه يهدي الاوضاع اكتر لكن ظهوره شفرة سرية محدش يعرفها علشان كده من الصعب التكهن بيها ربنا يستر كل واحد بيحاول يدفع التهم عنه و عن الطرف المؤيد ليه علشان كده صعب الوصول لحقيقة في الوقت الحالي و اخشي اننا نعرفها بعد فوات الاوان ربنا يسر شكراً لمرورك يا مصطفي و جزاك الله كل خير
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:07 AM.
