ارجو المساعدة في الوحدة الاولي

[lpl]_123456]

السلام عليكم و رحمة الله و بركاتة

ازيكم يا شباب و يا بنات يا رب تكونو بالف صحة و سلامة

انا محتاج المساعدة منكم في فهم بعض الاشئلة في الوحدة الاولي محدش يستغرب اوي كدة اة الوحدة الاولي علشان المدرس بتاعي خلص الكهربية و بدا في الفيزياء الحديثة و انا بدات اراجع من كتاب الامتحان مراجعة نهائية 2012 فا في بعض النقط عاوز افهمها

1 - المسافة بين القاع الاول و القمة الثالثة لموجة مستعرضة = 15 سم

انا عاوز افهم لو ان الموجة بدات بقمة هيبقي عدد الموجات 1.5 يعني الطول الموجي 10 سم طب لو الموجة بدات بقا يبقي عدد الموجات هيبقي 2.5 و الاجابة هاتختلف تماما طب اية الصح بقي ارجو التوضيح

2- زيادة التردد موجة منتشرة في وسط ما

طبعا احنا عارفين ان السرعة = التردد في الطول الموجي يعني لو زاد التردد هتزيد السرعة لاكن في حاجة تانية لو الوسط واحد و لم يتغير فالسرعة واحدة فكدة هيبقي التغير في الطول الموجي فقط و هيقل الطول الموجي

طب لو زودنا الطول الموجي في نفس الوسط و مغيرناش حاجة خالص يبقي كدة بردو السرعة واحدة و التردد هو الي هايتغير

3 - اذا سقط شعاع ضوئي علي مراة و ياريت تتخيل معايا الموقف هما مرايتان الاول a يميل علي b بزاية 30 الي هو الافقي و في شعاع ساقط علي a و و بيزازي b هو عاوز زاوية السقوط الشعاع المنعكس من a-

يعني مرايتان واحد مايل علي التاني بزابة 30 درجة و في شعاع ساقط علي المراية الاولي الي مايلة و الشعاع دة بيوازي الافقي يعني هيحصلة انعكاس كلي و هتكون زاوية السقوط هي زاوية الانعكاس = 60 و هينعكس علي المراية b الشعاع كدة انعكس علي b اا عاوز اعرف زاوية السقوط الي سقط بيها و الي هينعكس بيها تاني علي a
يا رب تكون وصلت انا قولت انها هاتكون 60

4 - ازا ذاد طول الوتر الي الضعف و زادت قوة الشد الي 4 امثالهل ماذا يحدث للتردد

انا قولت ان التردد =عدد القطاعات علي ضعف طول الوتر في جذر قوة الشد علي جذر كتلة وحدة الاطوال

و لو عملنا القانوي نسبة هيتلغي كتلة وحدة الاطوال و عدد القطاعات و هيفضل طول الوتر و قوة الشد

و هيكون التردد الاول علي التاني = طول الوتر الاتاني علي طول الوتر الاول في جذر قوة الشد للوتر الاول علي جذر قوة الشد للوتر التاني

L1 = L L2 = 2L Ft1=Ft Ft2=4Ft

هيطلع النسبة بين التردد الاول علي الثاني = 2/1 * جذر 1 علي جذر 4

يبقي الناتج = 1 يعني يظل التردد ثابت هل الكلام دة صحيح


5 - متي تكون سعة الموجة الموقوفة تساوي صفر

انا قولت عند العقد او لما يحدث تداخل هدام تام بين الموجتان المتراكبتان

6 - متي تكون طاقة حركة البندول مهتز اكبر مايمكن

ديت انا مش فاهمها


و بكدة انا قولت الاسئلة الي انا عاوز رد عليها و ارجو اتخاذ العذر لي لاني اول مرة اعمل موضوع و اسئل حد و لكم جزيل الشكر

[osamatarkhan]

1*انا شايف انها تبدأ بقمة مش قاع تقريبا ده العادى يعنى
2*انا مش عارف انت عاوز توصل لأيه بس المفروض ان السرعة ثابتة فى الوسط الواحد فعندما يقل الطول الموجى يزداد التردد والعكس صحيح
3*زاوية السقوط على حد ادراكى للشكل هتكون 60 لو المراة الأولى افقية وهيحدث انعكاس وزوية السقوط على المراة التانية هتكون 30
4*لا يحدث شئ لأن طول الوتر يتناسب عكسى مع الجذر التربيعى لقوة الشد وبما ان قوة الشد زادت بمقدار اربعة امثال فأن جذرها كانه زاد بمقدار الضعف فقط (تذكر ان جذر 4=2)
5*اعتقد ان اجابتك صحيحة
6*عندما يكون على احد الجانبين (سعت الأهتزازة اكبر ما يمكن)

مع العلم ان الأجابات ديه وارد انها تكون غلط او وارد ان ناس متقتننعش بيها لأنها اجابة طالب زيي زيك مش مدرس

[ro2a2]

1-هتبقى موجه ونص علشان هنبدأ من نص القاع الاول الى نص القمة الثالثة هيبقو 1.5 يبقى الطول الموجى يساوى 10
2-بزيادة التردد هيقل الطول الموجى وتظل السرعه ثابته
3-زاوية السقوط على المرآه a هتكون بصفر
4-يظل التردد ثابت
5-عند تكوين العقدة
6-على احد الجانبين

[محمود صلاح عبداللاه]

اول واحدة هتقا 2 موجة مش موجة ونص

[أسرع تايبست في مصر]

جميلة هذه الروح بينكم .. بالتوفيق للجميع

[mehamdkoura]

جزاكم الله خيرا