مقارنه بين مصر 1981 و مصر 2011

[اسامه البنا]

طيب متيجي بينا نعمل مقارنه ونفتكر مصر عام 1981
مبارك استلم البلد ايه والبلد داوقتي ايه
نبداء بالحريات
كان كل واحد بيخاف يتكلم مع الثاني ليروح يبلغ عليه
وكانت المعتقلات علي حق ربنا معتقلات مبارك بالنسبه ليها دلع
متيجي نعمل مقارنه بين عبد الناصر والسادات ومبارك من حيث الاعتقالات والي قتلو بسبب السياسه
نشوف كل واحد حكم اد ايه واعتقل اد ايه ومات في ايامه ناس اد ايه ونقسم لكل واحد العدد بتاعه علي سنين حكمه طبعا الاجابه للكل معروفه مين اقل واحد اعتقل ناس بس معلش الناس بتنسا
1981 مصر كان في اجزاء منها محتله 2011 مفيش عسكري اجنبي علي ارض مصر
طبعا الرد هيكون السادات هو الي عمل كدا بس مننساش لولا سياسه مبارك مكنتش اسرائيل كملت الانسحاب ده غير طابا
طيب اقتصاديا معلش احنا نسينا كان 90 % من الشعب المصري بياكل اللحمه او الفراخ ( يعني الزفر ) يوم في الاسبوع وكلنا كدا انا من اسره متوسطه
حاليا البيت المصري اكله لفراخ ل لحمه لسمك وانا بتكلم علي الطبقه المتوسطه مش الطبقه العاليه
انا من منطقه شعبيه في المنصوره اسمها عزبه الشال كان الشارع بتعنا مفيهوش ولا تليفون
كان فيه واحد بس عنده عربيه دلوقتي انا والحمد لله عندي عربيه هي صحيح 28 بس اهي عربيه
والشارع بالليل بيكون مليان عربيات ركنه
كان لبس الناس تقريبا واحد كستور من باتا ويتعمل بيجامات والشيشب البلاستك الي انا بشوفه في حمامات الجوامع بس لما اشوفه رجليا توجعني
كان عدد سكان مصر 40 مليون عدد سكان مصر حاليا 85 مليون
فيه فساد فيه وكثير جدا بس خلاص سيبو التاريخ يحكم