امتحان الثانويه العامه شهر 6

[semsemh_2001]

ياريت يكون اول طلب من الوزير الجديد
هو ان يجعل الامتحان فى شهر يونيه بد من اخر مايو
ياريت الكل ياخد الطلب ده فى الاعتبار
لان المده دى هى اللى كل الطلبه بتكز فيها فى الذاكرة والمراجعه اكتر حتى اللى بدا متاخر بتكون ادامه فرصه اكبر

[gogogirl]

صح و الله عندك حق علشان اللى ملحقش يراجع و يلم المنهج يعرف

[عاشقة الطفولة]

المفروض


بس يا ريت يسمعوا وينفذوا

طيب انا ها اقولكم حاجة سمعتها من استاذ هنا على المنتدى

ان رئيس الوزراء لو ملقيش حد بديل للوزارة ها يعين احمد زكي بدر تاتني

[reda_hsan]

ان شاء الله يكون الوزير القادم خير على كل الناس

[waleed ansary]

إن شاااء الله تكون الامتحانات فى شهر 6
ويكون الوزير الجى يكون أحسن ويسهلنا الامتحااانااااااات يااااااااارب

[elmoayad]

انا عايز الامتحانات بدرى احنا زهقنا من الهم والمزاكرة ياريت تكون 28\4

[ابوحكورة]

ياعم امتحانات اية فكمر بس احنا مصيرنا اية

[ابوحكورة]

يارب كل واحد فينا يحب البلد دي مش ياحب نفسة بس

[د/ آيه "ان شاء الله"]

السلام عليكم
انا سمعت نفس الكلام برضو انهم هيعينو احمد ذكى بدر تانى
كل المدرسين عندنا بيقولو كده
ان شاء الله خير
كده ولا كده احنا هنذاكر فى الاول وفى الاخر
والوزير مش هو اللى بيحط الامتحانات عشان نخاف انه يتعين تانى
بس المفروض نهم ياجلوها شويه عشان فعلا مفيش طالب ولا طالبه اعصابهم مش مدمره
والله الموفق

[reda_hsan]

ربنا يوفق جميع طلاب الثانويه العامه

[مها2222]

انتوا بتتكلموا فى ايه ؟
مش لما يحطولنا وزير الاول
ونشوف فى امتحانات تجريبية ولا لأ
وبعدين مش الوزير هو اللى بيحط الامتحانات عشان نخاف انه يتعين تانى
ومين اللى قال اصلا ان الامتحانات كانت صعبة
كل حاجة من كتاب المدرسة
فى حاجة بقا اسمها طالب مذاكر وطالب مش مذاكر ويترتب على ذلك ان الامتحان يكون سهل او صعب على حسب كل طالب وشغله طول السنة

انا معاكم فى ان الامتحانات المفروض كانت تبقى متأخرة شوية عشان نلحق نراجع كويس لان اهم حاجة فترة المراجعة اللى فى الاخر دى
بس انتوا عارفين من اول السنة ميعاد الامتحانات يعنى المفروض تكونوا عاملين حسابكم

بالنسبة للظروف بتاعت الاسبوع اللى فات طبعا كلنا اعصابنا تعبت بس خلاص الحمد لله الموضوع خلص ومأخدش غير هو اسبوع مش حاجة يعنى مش هو ده اللى هيعمل المشكلة يعنى

توكلوا على الله وذاكروا ومتفكروش فى اى حاجة تانية لا ميعاد الامتحان ولا غيره انتوا مهمتكم انكم تذاكروا وتعملوا اللى عليكم بعد كده سيبوها على الله لان ربنا مبيعملش للانسان غير الخير