سيناريو ما بعد مبارك

[ahmedsabri77]

انا مش ضد المظاهرات السلمية

بس ضد ان الشعب يكون السبب الاول في التدخل الخارجي

...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة

والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه

---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين

واللي ملهمش فيها

ارجو من اي شخص يؤيد هذا الرأي ان ينشره في كل المنتديات ويرسله لكل اصدقائه بالايميل و علىالفيسبوك والتويترو ما شابه ذلك ... ارجوكم ، بلدنا بتخرب و لازم نعمل حاجة. اللهم لا تؤاخذنا بما فعل السفهاء منا ، و لا تسلط علينا بذنوبنا من لا يخافك و لا يرحمنا.

[مستر ابو عبد الرحمن]

كلامك رعبني

[نورالحبيب]

معك حق
لك الله ياامه محمد

[بنت الشاطئ1]

عندك حق و هو ده اللى كنت بفكر فيه و ربنا يستر

[mrnagar]

كلامك مش صح خالص وان شاء الله القادم احسن

[gigi1983]

الحقيقه كنت بتخيلها كده فعلا بس بعد الي حصل وشوفناه فالشعب ده حصن منيع لاي معتد والي هيفكر يتدخل هو الي خسران

[مستر نصر عبد الفتاح]

لو اطلعتم علي الغيب للأخترتم الواقع 00رجاء أخي الكريم تجنب الفتنة بكلام مرسل والأفضل أن نسرد وقائع محددة مدعمة بدليل وبرهان حتي لانثير الفتنة في النفوس لأن كلامك في منتهي الخطورة ويسكب الزيت علي النار ويزيد الأمور اشتعالا ونحن في حاجة الي ترابط قوي الشعبة لا العكس 00فالثورة مصرية خالصة لاتعرف دين 00كلنا نسعي الي تحقيق حلم كبير وهو العدل والحرية والديموقراطية في ربوع مصر

[ابو عيد]

انا لا أؤيد هذا الكلام مطلقا

[محمود م ن]

رغم أنسحاب الداخلية
رغم تفلت الأمور
رغم أختفاء كل ما يمكن أن يطلق عليهم رجال الأمن
رغم أن الأمور كانت ماشية اليومين اللي عدت السايب في السايب
إلا أن ...........
* لم يتم الإعتداء علي أي شخص مسيحي
* لم يتم الإعتداء علي أي كنيسة
* لم يتم حتي التشاجر بين مسلم ومسيحي
أخي الفاضل والعزيز الشعب المصري مسلم ومسيحي كله يداً واحدة .
رجاء نزع ما زرعوه في قلوبكم من أن هناك فتنة طائفية في مصر .. هذا الأمر غير صحيح علي الإطلاق لي زملاء عمل مسيحين لي أصدقاء مسيحين جيران مسيحين ومع ذلك فنحن تعامل بود وأحترام ومحبه .

[staaar777]

ايه الجنان الى انتى بتقوله ده اخلع النظارة السوداء دى اشرف من سورة 23 يوليه هو انتى من كتر القهر و الظلم حبيت الخنوع و الاستنعاج

[عصمت شعبان حمدان]

هذا الكلام لا اساس له من الصحه

[محمد عبدالفتاح الحرجاوي]

لا الكلام دا عمره مايحصل وبالذات في مصر لان الشعب المصري مش عبيط وبيضحك عليه بسهوله ذي الباقين وانت المفروض تكون عارف ولا ايه ...

[الاسد الحازم]

كلامك مش صح خالص وان شاء الله مصر وأهلها في رباط إلي يوم الدين اطمئن مصر بخير إن شاء الله

[الاسد الحازم]

كلامك مش صح خالص وان شاء الله مصر وأهلها في رباط إلي يوم الدين اطمئن مصر بخير إن شاء الله


شباب مصر يستحق التقدير لكن يجب الاحتفاظ بحسن الخلق

[جمال محمد عبدالله عطا]

طبعا يفعل الله ما يريد ... و لو اني اخشى من هذا ممكن يحدث.... اولا اننا لم نلرى احد يعتدي على مسيحي اثناء المظاهرات ... و لكن من الممكن ان احد خارجي يقوم بالاعتداء على المسحين و هذا الشخص ليس مصريا بالضرورة و لكن يريد ان يوقع غتنة بيننا .... كما يحدث الان ... من ان البعض اراد ايجر مصر الى الفوضى البناءة كما زعم الكلب بوش .... وكما فعل بعض الخونة و العملاء من احداث يوم الاربعاء الدامي الذي خرجت فيه مجموعات يقولون انها تؤيد الرئيس و قامت بضرب المتظاهرين ليوقعوا الفتنة بين الشعب المصري و هذا ماحدث .... و صدق المتظاهرين هذه اللعبة الخسيسة.. لان كان هناك من بين المتظاهرين من كان سوف ينهي التظاهر و لكن لم يريد الخونة ان يتم ذلك حتى لا يتفرغ لهم المحاسبين ... و هناك من يريد ان تشتعل هذه الازمة لمصلحة يعلمها الله .... اخيرا ادعوا الله ان يقي مصر مصارع السوء ....أمين