بجد انا فى ورطه

[zambalek_boy]

هو انا بذاكر كتير ولما اجى احل بحل حلو بردة بس مش عارف ليه لما بقابل سؤال مش بعرفه بحس انى ماذكرتش اى حاجه وبنسى والمعادلات بتلخبط فيها يا ريت حضراتكم تفيدونى برايكم؟مستنى رد

[سيد عثمان]

لاتوجد ورطة ولا حاجة لأن ظاهرة النسيان ظاهرة صحية ويمكن التغلب على نسيان المعادلات بطريقة معينة وهي عند مذاكرة المعادلات أن تكتب المعادلات أكثر من مرة

[المشتاقة إلى الجنة]

اهم حاجة انك تكون واثق من نفسك ومن اللى ذاكرته
والمذاكرة مش بتتقاس بالمدة او الكم اللى ذاكرته انما انت ركزت فى ايه حتى لو كان صفحة واحدة
وبالنسبة للمعادلات فزى ما الأستاذ سيد عثمان قال بالظبط
تكتب أكثر من مرة
يعنى بينك وبين نفسك كده اسأل نفسك فيهم واكتبهم تانى وتالى
وعلى فكرة رغم كل اللى هاتعمله ده ومدى الجهد اللى هاتبذله الشطان هايوسوس لك بأنك ماذاكرتش حاجة
وتحس انك ناسى كل حاجة
لكن تأكد لو جيت تحل اسئلة هاتعرف وبجدارة
لكن أوصيك وأوصى نفسى بالإيمان والثقة بالله وبنفسك وبقدراتك ....
وربنا معانا ويوفقنا جميعا الى ما يحبه ويرضاه

[سيد سعد غباغبي]

".اكثر من الطاعات وامتنع عن المعاصي تماما

واحفظ ماتريد في جو هاديء بعيد عما يشغل الذهن

واجعل ماتريد حفظه هو آخر ماتذاكره قبل النوم مباشرة

ولا تذاكر وانت مشغول الذهن بقضية النسيان تلك

وقد شكي تلميذ نجيب مثلك هو الامام الشافعي الي استاذه / وكيع مسألة النسيان تلك فأرشده الي الحل

ولخص الامام هذه المشكلة في بيت من الشعر مشهور هو :

شكوت الي وكيع سوء حفظي ......... فأرشدني الي ترك المعاصي

واخبرني بأن العلم نور ......... ونور الله لا يهدي لعاصي

وصدق الله في قوله ( واتقو الله ويعلمكم الله والله بكل شيء عليم ) سورة البقرة

تمنياتي لك وللجميع بمستقبل غاية الاشراق في طاعة الله

ا/ سيد سعد ... مدرس اول الاحيـــــــــــــــــــــــــــــــــــــــــــــ ـــــــــــــــــــاء

[zambalek_boy]

بجد انا مش عارف اقولكم ايه بجد طمنتونى الف شكرا أ/سيد سعد بجد كلامك طمنى اوى
الاخت الغاليه /مشتاقه الى الجنه شكرا على كلامك الجميل دا وربنا يوفقك فى حياتك
بشكركوا للمرة التانيه
يا رب النجاح
هيثم الشرقاوى

[mR . mOstafa Fathi]

صدقنى با هيثم
من جد وجد
وهتعرف الكلام دا
داخل الامتحان
هتلاقىالكلام بيجى لوحده

وربنا يوفقك ياهيثم