رسالة للجميع

[مستر خالد غباشى]

[medo khalid]

بجد شكرا لك وجزاك الله كل خير
اتمني رسالتك توصل للجميع ويفهموا خطورة الوضع الصعب اللي مصر فية
ربنا يحميكي يا مصر من كل معتدي
شكرا مرة تانية

[modym2020]

شكرا على الدعوة
ياريت ينفع

[اسد السنه]

بصراحه ان حاسس انى اشاهد مباراه بين فريقين
الفريق الاول:
الحزب الوطنى والاعلام المصرى المؤيد تماما للرئيس مبارك
والفريق التانى:
فريق الشباب المتظاهرين فى القاهره والمحافظات التانيه والذى يتكلم بلسان حاله القنوات الفضائيه زى الجزيره والحره والمستقله ولندن والحره وغيرهم
خطه الفريق الأول:
1- استخدام الاعلام فى اعطاء صوره عن المتظاهرين انهم اعداء الوطن وخونه وبينهم جماعات مندسه واسرائيلين وانهم مش عاوزين استقرار مصر وطبعا ده هيخلى الناس تكره المتظاهرين ولو ماتوا كلهم يبقى هم اللى يستاهلوا انهم بيعملوا الشغب ده
واعتقد ان التلفزيون المحلى فعلا نجح فى كده
2- قفل البنوك وتضييق الحياه على الناس لحد الناس ماتزهق من المتظاهرين وده اكيد هيحصل
3- المراهنه على عنصر الوقت هيسيبوهم فى الميدان لحد مايزهقوا ولن يستجيبوا لمطالبهم الاساسيه
4- تخويف الغرب من جماعه الاخوان المحظوره انها ممكن تمسك السلطه لو الرئيس ترك الحكم ولذلك كل السياسين الموالين للحكومه بيضغطوا على الحته دى ويقولولك ان الثوره دى بيحركها الاخوان اللى الاعلام مخوف كل الناس منهم تقوم الدول الاخرى تقف ضد مطالب المتظاهرين
4- عمل مظاهرات مضاده لمظاهرات الشباب
5- بث الاشاعات فى وسط المتظاهرين وعمل حرب نفسيه عليهم
6- بث الفرقه بين صفوف المعارضه والمعروف ان فرق تسد
7- نشر ناشطين على الانترنت يقنعون الشباب بتأييد مبارك واتهام المعارضين بالخيانه وذلك منتشر فى المنتديات حاليا
8-محاوله فقدان ثقه العوام فى القنوات الاخباريه التى تنقل الحقائق بصراحه شديده واتهامها بالعماله والخيانه..الخ حتى لايشاهدها المصريون ويشاهدوا التلفزيون المصرى المنحاز الى جانب النظام طبعا وهذا يقوم به الاعلام المصرى وبعض الناشطين على الانترنت
9- نشر اكاذيب من خلال قنوات محليه خاصه كالمحور يصدقها الناس الذين لافكر عندهم فيكرهوا المتظاهرين ولايكونوا عونا لهم
10- تحميل الاخوان مسؤليه توجيهه الشباب نحو اعمال عنف حتى يكون ذلك فزاع للدول الغربيه ومبرر لاعتقالهم وانا اعتقد ان الحزب الوطنى خطته ذكيه جدا جدا جدا
خطه الفريق التانى:
1- التجمهر باعداد كبيره فى الميادين العامه وده بيجذب انتباه العالم الغربى
2- استخدام القنوات الفضائيه العالميه فى توصيل مطالبهم للعالم
3- المصريين الموجودين فى الخارج ينظموا مسيرات فى جميع انحاء العالم تضامنا مع المتظاهرين المعارضين فى الداخل

((ده تحليلى للموقف ده واعتقد ان الفريق الاول هيكسب والنظام سيظل باقى ))

[اسد السنه]

تشويه صوره المنافس واتهامه بالعماله لعبه قديمه عاوز اقول للشخص اللى مجند نفسه للهجوم على القنوات الحره مش قنوات الهشك بشك وقنوات تأليه النظام اتق الله الذى سيحاسبك على كل كلمه تقولها الدنيا فانيه وهناك فى الاخره عند قنطره المظالم كل واحد سيأخذ حقه من الذى ظلمه او ساعد الظالم على ظلمه ربنا حاسب فرعون وهامان وجنودهما وليس فرعون وحده يوم القيامه لن ينفعك الا عملك انت حر انت تؤيد هذا او تعارض ذاك لكن لاتشوه صوره الاحرار بدل ان تتكلم عن البلطجيه اللى قتلوا الشباب المسالم فى ميدان التحرير تتكلم عن القنوات الشريفه
التى تدافع عن حقهم؟ شوف قنوات الكذب بتاعتك اللى عامله غسيل مخ لشباب مغيب عن الوعى لذلك ليس لها مصداقيه فى اى دوله فى العالم ولا احد يشاهدها الا ربات البيوت والسذج

[Ayman M.Ebrahim]

بار الله فيك مستر خالد
لابد ان يكون حبنا لمصر ووحدتها اكبر من كرهنا للنظام الفاسد

[مسترسمير إبراهيم]

إن مايحدث من تراشق بالكلمات عبر المنتديات من صور التمزق الذى نريد أن نبتعد عنة فى الأوقات العصيبة التى يمر بها الوطن,
ويجب أن نرجعلصوت العقل والحكمة ,
لأن البلد مش ناقصة كلام وكفى الدمار الواضح وشماتة الأعداء والمتربصين من حولنا,
أتفق مع رسالة الأستاذ الفاضل خالد غباشى ولتمسك اليد باليد ونبنى مصر الجديدة الحرة
حتى نرجع مافقدة أبناء الوطن ولنصير دولة قوية متحدة رافعة الرأس والهامة دائما أبدا
وأسلمى يامصر فى كل حين

[NazeeH]

ليس هناك أي خطر خارجي على مصر الحبيبة
ولكن أنا متأكد من الخطر الداهم علي شعب مصر
من الداخل اذا بقي رأس النظام الفاسد العميل وأذنابه
والحمد لله أن الشباب المصري الثائر البطل الذي أعاد الكرامة والعزة
للشعب المصري العظيم يفهم ذلك جيداًَ

[مجدى المنياوى]

أكد د. عادل شكري مساعد أول الوزير للتطوير أنه يتم حالياً دراسة صرف مكافأة شهر لجميع العاملين بالتربية والتعليم علي مستوي الجمهورية سواء في ديوان عام الوزارة أو المديريات والإدارات والهيئات والمدارس ومراكز البحوث وذلك بمناسبة المولد النبوي الشريف.
جريدة الجمهوريه اليوم الاثنين

[المقصود]

اللى يحب مصر ميخربش فى مصر

[حارسة السفينة]

جزاكم الله خيرا

[doaa5000]

استغفر الله استغفر الله استغفر الله ارجو من ابناء مصر ملازمة الاستغفار فان الله فوق الجميع وعلى كل ظالم وان الله لا يغير شىء حتى نغير ما بانفسنا يارب احمي مصرنا الغالية واكفيها بما تشاء وكيف تشاء انك على ما تشاء قدير

[نجوم]

كفايه احنا تعبنا نفسى نتشتغل ونعمر الذى اتخرب فى الفتره السابقه فيه ناس كثير حالتها الماديه سيئه جدا بسبب هذا الشتات الموجود رئيس الوزراء احمد شفيق الكل بيشكر فيه ياريت نعطى له فرصه لكى يشتغل
يارب احمى مصر من اى عدو داخلى او خارجى

[walid al fiki]

انا اتعجب من معلمين مغسولى الدماغ من الاعلام المصرى المضلل كيف يربون اجيالا وقد استمرؤا الذل فيفرحون بعلاوه ومكافاة
ولا يدركون ان هذه ثورة شعب انتفض ليعيش بكرامه لا لياكل ويتناكح كالبهائم انتوا ايه ما بتحسوش

[walid al fiki]

المشاركة الأصلية كتبت بواسطة المقصود

اللى يحب مصر ميخربش فى مصر

يا عم روح نام انتم خربتوا البلد بنفاقكم للظلم فاستمراتم الذل فلا انتم الى هؤلاء ولا الى هؤلاء