|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-02-2011, 04:29 AM
|
|||
|
|||
قصتى مع الحياة
السلام عليكم
ازى حضرتك انا فعلا مش عارفة ابدأ من فين ولا ازاى لان القصة طويه اوووى بس انا هختصر لحضرتك الموضوع انا السنة دى فى اولى جامعة السنة اللى فاتت اتعرفت على مدرس من النت كان بيساعدنى فى حاجات فى الانجلش بس بسيط بعد اما خلصت كان ايميه عندى وكان ساعات يكون فى كلام بس بسيط يعنى اسلام فقط مرت ايام وظهرت نتيجتى وكلمنى يسالنى عملت ايه وكده وكنت مضايقة من نتيجتى بس فضل يكلمنى عن انها مش النهاية وعسى ان تكهروا شيئا وقالى ان اى كليه الانسان بيعمل نفسه فيها وكده وبعين قلتله انى محتاجه اخد كورس انجلش ومرت فترة واتكلمنا تانى كان ساعتها ان والدى بيخاف عليا مش بيرضى يخلينى اخرج حتى للدراسه وكنت مضايقة لانى مش هقدر اروح اخد الكورس بس هو قالى ممكن يبعتلى اسطوانة فيها كورس كويس وهيفيدنى بس قالى بالبريد المهم قلتله استاذنهم الاول وقلتلهم قالولى عادى اديته العنوان وطبعا قلته يبعته باسم اخويا واديته رقم اخويا المهم هو كلم اخويا وبعت الاسطوانات وانا كلمته وشكرته كنت فى فترة مخنوقة فيها جدا لاسباب كتير بس كنت بلاقيه دايما هو اللى بيكلمنى فى اوقات بحتاج فيها لشخص جنبى بدا الكلام فى التيلفون يعنى ساعات يكون بيكلمنى ميل ويقولى ممكن اتصل بس انا حسيت انى بدات اتعلق بيه وكان اهتمامه بيا زيادة ومش فاكرة اللى حصل بس سالنى اذ كان اقتحم حياتى مش فهمت سؤاله بس كان تقريبا كل مرة اكلمه يسال نفس السؤال واقوله بلاش الاجابة امرة دى لحد اما قررت ابعد فسيبت له رساله فقالى ليه كده لازم تفهمينى فبعت له رساله اقوله ان حسيت ان تقيلة عليه وانه اكيد مشغل خاصة انه متزوج وعنده اطفال بس مرت الايام اللى بعدها صعبة جدا عليا مش قدرت اروح الجامعة وفضلت ابكى كتير مش عارفة حسيت انى فقدت حاجة مهمة اوووى بس بدا اسبوع يمر بدات ارتاح حصل حاجة معينة كانت تخصه ولازم ابلغه بس مش عاوزة ارجع اكلمه علشان مش اتعلق تانى كلمت واحدة صحبتى وقلتلها تبلغه لقيته بعت رساله يقولى مش كنت اعتقد الامر يوصل لكده عموما انا خلاص همسح ميلك من عندى خال ورقمك كمان لو ده يريحك فضلت ارن عليه مش رد حسيت بتانيب نفسى انه ساعدنى وانا عملت كده وهو اصلا عمره ما هيفهم اللى جوايا تانى يوم كلمته من رقم تانى رد عليا قلته انا فلانة لو عاوز تقفل عادى قالى لا انا عاوز اكلمك لانى بجد عاوز افهم ليه بتعملى كده قلتله انا بعتلك وقلتلك قالى كلام مش مقنع ليه مش عاوزة تكونى صريحة معايا المهم فضل يتكلم وقالى انتى عموما بالنسبة لى حاجة كبيرة ومش لازم تفهمى دى بس ياريت تثقى فيا وبعدين قف واتصل تانى وكلمنى وبعدين قالى انتى خايفة يكون فى مشاعر سكت فقالى يبقى كده طيب خايفة منىولامنك قلتله لامش منك ليه مش فى كنترول لمشاعرنا قلتله اكيد قالى :طب وفيها ايه لو كان ؟ قلتله مش ينفع قال ليه قلتله الظروف قالى اه الظروف قلتله والدين فقالى ليه لو كانت المشاعر صادقة المهم قالى انا مش عندى استعداد اخسرك باى حال بس قفلنا بعت رساله قالى اللى انتى خايفة منه انا كمان خايف منه يعنى مش لوحدك ياريت يكون فى حل بس مش تبيعى ولا تبعدى وبعدين تانى يوم كلمنى وقالى وصلتك الرساله قلتله اه فهمتيها اه طيب فهمتى ايه قلتله مش عارفة قالى ممكن اشوفك قلتلهانا اساسا مش بخرج غير للجامعة قالى اجيلك واقابلك قلتله لا فاتت كام يوم ولقيته بيقولى انا نازل القاهرة فى رحلة تبع المدرسة وهاقابلك قلتله مش هينفع قالى لا هينفع باصرار قلتله لا قالى ليه قلتله مش ينفع اقول لاهلى فى البيت انى هقابلك وبالتالى مش ينفع اعمل ده من وراهم قالى ماشى وفضل مش يتصل وكده وبعدين رجع تانى وبقى الامر هكذا يختفى فجاة واحاول انساه ويرجع فجاة تعبت جدا حصلت حاجات كتير مرة كلمنى كتير جدا وقالى ان لازم يشوف صورتى وده من حقه يعرف شكل الانسانه اللى مشاعره اتحركت لها انا كنت رافضة موضوع الصورة تماما كان بيضايق جدا وكل ما نفتح الموضوع يحصل خناق وبعدين قالى انه بيحبنى وياترى اقبل شخص بظروفه قلتله ان انا مش هيكون لى كلمة الا بعد اهلى فقالى طب هقولهم ايه ؟ وهيوافقوا ولا لا بس هو حكالى عن نفسه وان زواجه كان تقليدى يعنى علشان الاستقرار وانه حبنىبصدق كل ما كنت بحاول اقرب من نهايه للموضوع كان بيعقدها اكتر مرة هو اللى انهى وقالى خلاص ادام مش مستعدة تساعدينى يبقى خلاص بس قلت خلاص انتهى الموضوع بس رجع تانى ورجع اصعب المهم هو الح كتير على الصورة وكنت فى فترة امتحانات حسيت انه شخص انانى لان بدل ما يساعدنى فى الفترة دى بيضغط عليا وساعات كنت بحس انه فضول فقط انه يشوفنى س فى الاخر حطيت صورة س كانت مش واضحة يعنى عملتها بكاميرا بتغميق يعنى حبيت اخلص من الحاحه فترة الامتحانات انا حطيتها على ميل فاضى وبعتله الميل والباس بتاعه بس بعدين كلمنى وقالى انه مش فتح الميل لانه عاوز يكون فى مبدا من انا انى اكون موافقه ده معناه اى واثقه فيه وخلاص بس فترة كده وقطع تانى حتى لما اتصل بيه مش يرد انا فى الاخر قطعت لانى بدات احس انه كداب بس اللى بيتعاملوا معاه كلهم يقولولى انه كويس جدا انا فعلا مخنوقة جداااا ساعات افكر انه هو كان عاوز حاجة لما وصل لها خلاص وبعدين افكر فى حلفانه ليا انه بيحبنى بصدق وكان بيقسم على كده وساعات اقول احسن انه بعد علشان ارتاح وبعدين اخاف يرجع تانى على الترم التانى ويشغلنى تانى مش عارفة اعمل ايه ولا افكر ازاى انا اختصرت الموضوع جدا هنا وعاوزة نصيحة من حضرتك |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:00 PM.
