ايها الشباب رفقا ببلدنا مصر انا لن اخرج للاعتصام لان الوقت غير مناسب

[تامر محمود مراد]

من اين لكم كل هذه الشجاعه الان اين كنتم عندما بدات الثورة يوم 25 يناير ؟؟ كلكم وقتها كنتم مختفين ولم يظهر احد منكم للمطالبة بالتعيين وبالعكس خرج علينا احمد كلنا بضرورة تاجيل الاعتصام خوفا من امن الدوله الشجاع هو من خرج للمطالبه بالحرية والعداله الاجتماعية والمساواة اما انتم خيرة شباب مصر تتفقون علي الخروج للحصول علي مطالب فئوية وليس مطالب الكرامة والعداله والحرية فهنيئا لكل من شارك في ثورة الحرية فهؤلاء هم شاب مصر الحقيقي اما من يفكر الان في الخروج للحصول علي زيادة او تعيين فهذا ليس الوقت المناسب وما هذه الشجاعه التي ظهرت عليكم فجاة الشجاع والبطل هو من يخرج لاجل مصر ايها الساده المعلمون فنحن معلمون ولسنا مجرد مجموعه منتفعيين

[emy142005]

انا كمان مع رايك لسه يا جماعة شوية نديهم فرصة القوات المسلحة ناشدت الناس بلاش اعتصامات دلوقتى وبعدين احنا صبرنا كتير هما عايزين 3 شهور بس وربنا يوفق ان شاء الله

[ahmed772007]

حرام البيلد هتقع =====================
بس والله انا مستغرب لحاجة اللي شغالين في البنوك عايزين تاني ايه
امال احنا اللي بنقبض 300 جنيه نعمل ايه ؟؟؟؟؟؟؟؟؟؟؟؟؟؟
بجد حرام اللي بيعملوه ده

[وليد عبد العظيم بركات]

وأنا كمان متفق مع رأيك يا أخ تامر وخصوصا بعدما عرفت حكم المظاهرات والإعتصامات فى الشريعة الإسلامية
والأرزاق على الله
وللعلم هذا ليس تخاذلا أو تكاسلا ولكنه الصواب فى الوقت الراهن فمصر أولا
فلو ضاعت مصر لا قدر الله لن نبحث عن زيادة مرتبات ولا تثبيت ولا تغيير دستور
لأن الفتنة ساعتها سوف تضرب فى الأرض فسادا والله المستعان

[أحمد قلانه]

المشاركة الأصلية كتبت بواسطة تامر محمود مراد

من اين لكم كل هذه الشجاعه الان اين كنتم عندما بدات الثورة يوم 25 يناير ؟؟ كلكم وقتها كنتم مختفين ولم يظهر احد منكم للمطالبة بالتعيين وبالعكس خرج علينا احمد كلنا بضرورة تاجيل الاعتصام خوفا من امن الدوله الشجاع هو من خرج للمطالبه بالحرية والعداله الاجتماعية والمساواة اما انتم خيرة شباب مصر تتفقون علي الخروج للحصول علي مطالب فئوية وليس مطالب الكرامة والعداله والحرية فهنيئا لكل من شارك في ثورة الحرية فهؤلاء هم شاب مصر الحقيقي اما من يفكر الان في الخروج للحصول علي زيادة او تعيين فهذا ليس الوقت المناسب وما هذه الشجاعه التي ظهرت عليكم فجاة الشجاع والبطل هو من يخرج لاجل مصر ايها الساده المعلمون فنحن معلمون ولسنا مجرد مجموعه منتفعيين

فى البداية نحن نرحب بالحديث والمناقشة

وللعلم
ورداً على كلام حضرتك

احنا كنا فى طريقنا لاعتصام 30 يناير
ولكن وقتها الظروف قد تغيرت بسبب ثورة 25 يناير فى مصر كلها فنحن هنا نعرف جيداً ماذا نفعل من اجل قضيتنا

نحن هنا معلمون فى قسم المعلم المساعد وحديثنا عن قضيتنا كمعلمين مساعدين أما اذا أراد أحداً منا أن يساند اخوانه فى ثورة 25 يناير فهناك مكان آخر مخصص لذلك مثل صفحتهم على الفيس بوك وصفحة جيل التغيير وما إلى ذلك
أو ينزل معهم إلى الشارع ففى النهاية كلنا مصريون والقضية واحدة .. فالوطن للجميع ..

ولقد أتينا إلى هنا لمناقشة الأمور المتعلقة بالتعليم ومن يريد منا مناقشة أمور الثورة فالساحة موجودة ومليئة بالصفحات المخصصة لذلك
هذه قضيتنا وننادى الجميع بعدم التخلى عنها فما نحن إلا بمطالبين لحقوقنا
أبداً فلسنا مستغلين للظروف الراهنة التى تمر بها البلاد
فنحن نطالب بحقوقنا منذ القدم وقبل الثورة .. ولتنظر الآن إلى من حولك فى جميع الوزارات فالكل نادى بتعديل درجته المالية وزيادة فى المرتبات وما إلى ذلك وآخرهم الشرطة التى تم زيادة راتبهم 100 %

أليس هذا ظلماً أن تُهمل حقوقنا المشروعة
لك أن تتخيل أن موظف يتقاضى 800 ويطالب بتعديل المرتبات .. فى حين أن هناك منا من يتقاضى 90 جنيها و 113 جنيهاً والحد الأقصى 380
أليس هذا ظلماً ؟!! .. أليس حديثاً يثير الجدل والجنون ؟!!
وبعد كل هذا ؟!! أليس لنا أن ننادى بأبسط حق من حقوقنا والتعبير عما نريد ؟!!

فى النهاية
الأمر قد نختلف فيه من حيث وجهات النظر لكن فى النهاية قضيتنا واحدة
وهذه كل بياناتى أظهرها أمام الجميع
أحمد قلانه
مدرس تربية رياضية بإدارة قليوب التعليمية
العنوان : منيا القمح - شرقية
هاتف رقم
0107901820
وأى بيانات تانية أنا موجود
عشان بس تبقا فى الصورة

هذه قضيتنا وسندافع عنها حتى أدت لترك الوظيفة
خلاص زهقنا هنبكى على ايه .. ويانشتغل زى الناس فى مكان يحفظ كرامتنا
يا إما نسبهالهم مخضرة يشبعوا بيها

وأخيراً وليس آخراً

توكلنا على الله
وموعدنا 16 فبراير
أمام وزارة التربية والتعليم الساعة 10 صباحاً



ولك منا كل التحية
........

[داليا عبد الرحمن]

لا ياستاذ تامر احنا مش هنقوم بالاعتصام زي ما انت بتقول لاننا مجرد مجموعه منتفعين
ولا زي ما انت بتقول الشجاعه اللي ظهرت فجاه لا احنا طالبنا بحقنا كتير وانا شخصيا روحت اعتصام قدام المحافظه وقابلنا المحافظ ووكليه الوزاره ومحدش سمع لينا اساسا والكلام ده من سنتين
و مطلبنا في هذا الاعتصام عوده كرامه المعلم وده حقي وحقك وحق كل معلم
بصرف النظر بقي عن الزياده اللي مزعلاك اللي هي برضو حقنا احنا بناخد 100 جنيه وكل واحد خد كام مليار وهرب فلوس مصر وبيقولوا اصل مفيش ميزانيه
احنا تعبنا بقي من السكوت سكتنا سنين وحقنا بيتسرق

[ibnayoub85]

أنا عندي رأي بسيط ألا و هو عدم عمل اعتصامات الآن و النظر لمصلحة البلاد على مصلحتنا في الوقت الراهن لا أكثر حيث أن علينا مسئولية كمربي أجيال بان نعلمهم كيف نساند الوطن في المحن و ما أقوله ليس له علاقة بالكرامة والحرية التي هي من أساسيات الحياة و التي يجب أن نعلمهم إياها و نكون قدوة لهم بالمحافظة على كرامتنا لكن كل ما أرجوه أن نؤخر الوقفة الآن فأنا من محافظة الفيوم و أعرف شخص يعمل بالتعيينات بالمديرية كان قد أكد أن اسماءنا قد تمت مراجعتها قبل 25 يناير ببضعة أيام و إرسالها للوزارة و لا ينقص سوى اعتماد الدرجات المالية من وزارة المالية وأرى أن نؤجلها لمدة شهر واحد فقط فإن لم يتحقق ما نريده نبدأ باتجاهين أولا رفع قضية على الحكومة لأن تعيينا تأخر كثيرا كما جاء في القانون و الكتاب الدوري المنظم حيث كان بحد أقصى شهر 11 الماضي و الاتجاه الثاني هو الاعتصام و الإضراب عن العمل و سيكون هذا الإضراب و الاعتصام في وقت صعب و هو أن معظم المناهج قد بلغت النصف على الأقل و المدارس قد أكتفت بمعلميها فلن يكون لهم ملجأ إلا نحن و بذلك يكون ضغط منظم و في نفس الوقت تركنا لهم فرصة كافية . فصبرا يا صانعي العزة صبرا غير مفرط وحلما غير عاجز و حقا في وقته المناسب في مثل هذه الظروف.

[وليد عبد العظيم بركات]

خير الدروب ما أدى بسالكه إلى حيث يقصد .

[hishamhassan]

خلاص خليكم لما الناس كلها تظبط نفسها وإحنا نضيع فى النص

أنا رأيى إن اللى تاعبنا ومضيع حقوقنا إن إحنا محترمين زيادة عن اللزوم

واضح إن محدش خايف على مصلحة البلد غيرنا

[عباس رجب]

بصراحة أنا نفسي إسقاط نظام هذه البوابة
ومرحباً بالعهد الجديد
فالمرعوبين من أمن الدولة ليس لهم مكان بيننا
أقترح إعادة توزيع الإشراف على الأقسام على الثوار الجدد

[malkhamza]

ياجماعه البلد مليانه فلوس انا معاكم وفى ناس كتير بتاخذ مرتبات عاليه واتظاهروا وطالبوا بالزيادة

وناس كتير غلابه زينا بعقد ب 100 جنيه وناس من غير عقد اصلا ومرميه فى الشارع من غير شغل

لو انت مكان وزير الماليه تعمل ايه وانت ماسك بقالك اسبوعين ومصر كلها طلعالك هتيدى لكله

ولا هدور الاول وتشوف الناس دى عندها حق ولا لا واى واحد اولى اللى مرمى فى الشارع ولا

اللى بعقد ب 100 ولا اللى عقدة ب 300 ارجو من الاساتذة المحترمين رفقا بوزير الماليه

شهر او شهرين وبعدين نحكم حرام الراجل مش ملاحق انا عارف احنا اتظلمنا كتيييييييير

جدا ومتنساش ان فى زميلك ونفس دفعتك ويمكن اخوك وماخدش اى حاجه ارجو اعمال

الجانب العقلى والانسانى

تعالوا نعمل حمله مثلا لجعل التعليم افضل كلا فى مدرسته نحرك مصر نحو الافضل

نعمل حملات ثقافيه فى المدارس نعمل شىء جديد ابتكارر احنا شباب ومصر مش هتتقدم

فعلا الا بينا ودى فرصتنا ان احنا نفكر ونبدع متتصورش مقدار السعادة الهائل لما نعمل حمله

فى شىء معين وتنجح هنحس فعلا اننا لنا قيمه

وانا سمعت وزير الماليه دة راجل محترم نصبر بس عليه شويه ما احنا صابرين بقالنا سنين

ارجو المساعدة فى مصر افضل

ودورنا احنا اهم دور

وهو جعل التعليم افضل

تعالوا نبتدى بحمله وعايز اعرف اراء وافكار وابداع الشباب اللى بيحب مصر

وانا اعرف ان كل اللى فى هذا المنتدى بيحب مصر

عاشت مصر جميله متقدمه

[محمد ابوصلاح]

عندك حق يا استاذ تامر لازم نفضل المصلحة العامة عن المصلحة الشخصية وحب الوطن عن حب الذات
وقد طالبت من يومين علي هذا المنتدي موضوع لا للأعتضام في الوقت الحالي