عايزين نطالب بالمساواةفي الاجور مع البترول و الكهرباءو الضرائب

[darsh1]

عايزين نطالب بالمساواةفي الاجور مع البترول و الكهرباءو الضرائب...المعلمين فئة منتجة ايضا مثل كل القطاعات...اقل موظف في الضرئب بياخد 1500 جنية..ذي ما بتوع الضرائب العقارية طالبة بده...و بتوع البنوك طالب بالتساوي ببتوع
البترول

[حازم دهب]

طبعاااااااااااااااا لازم نطلب كده

[موسى محمد السيد]

عايزين نطالب بالمساواةفي الاجور مع البترول و الكهرباءو الضرائب...المعلمين فئة منتجة ايضا مثل كل القطاعات...اقل موظف في الضرئب بياخد 1500 جنية..ذي ما بتوع الضرائب العقارية طالبة بده...و بتوع البنوك طالب بالتساوي ببتوع
البترول
كلامك جميل . ياريت يتحقق ولكن هل بلدنا في ذلك الوقت تتحمل كل هذه المطالب من جميع القطاعات ؟ رحمة بهذا الوطن . يارب يتحقق حكم الحد الأدنى للأجور ويريح الناس كلها .

[sara_mm27]

اتمني ان حضرتك تشوف حلقة العاشرة مساء بتاعه امبارح اكيد هتلاقيها عالنت
كانت جايبة وزير المالية الحالي و اتكلم عن الظلم في الاجور و ان في خطة بتتعمل دلوقتي بمساواة جميع القطاعات في الاجور
و اتكلم عن اللي انتوا بتقولوه ده بالظبط



ربنا يحفظ مصر يارب وكل المصرينن اللهم امين يارب

[طاهر الشاعر]

انا سمعت كلام وزير المالية امبارح دة تلميذ بطرس غالي’ لان عند سؤاله علي التفاوت قال دة ظلم بس لازم في ناس تاخد اكتر من التاتي عشان وزارته انتاجية, ردت المذيعة وقالت ايه ذنبه انه مشتغلش ف الانتاجية قال دي طبيعة عمل و ............. ده اكيد من اذناب النظام الفاسد

[جارةالوادى]

نتثبت الاول وبعدين هتفرج واحدة واحدة الدنيا هتتظبط باذن الله

[محمدطعيمة]

يا جماعة هل تعرفون أن الدكتور سمير رضوان هذا هو من أقام اقتصاد كل من دولة بلجيكا وتركيا وعمل في أكثر أكثر من ستة وسبعين دولة علي مستوي العالم لدرجة أن دولة بلجيكا كانت تريده أن يكون وزيرا للمالية بها
ولكن النظام السابق كان يطرد كل متفوق وصاحب ضمير
يا جماعة لا تتعجلوا واعطوا الناس فرصة حتي لا يملوا وييأسوا لا قدر الله

[ابن الأكرمين]

يامسل الحال يارب

والله الواحد بيزعل لما يلاقي واحد معاه دبلوم صنايع بياخد 3000 جنيه
في حين أن المدرس بياخد 400 جنيه

نتمنى عدالة في التوزيع وألا يتساوى هذا بهذا

مع العلم أن كل واحد ليه رزق مكتوب
ومبنقرش على أحد

[Mr/ Mahmoud.K]

اولا أحب اوضح أكتر من نقطة:-
إلى كل جاهل يعيب في شخص د/ سمير رضوان وزير المالية أحب أقوله أن الراجل ده ناجح عالميا وهو أحد مؤسسي الأقتصاد في "ماليزيا" " جنوب أفريقيا " و" تركيا" ده على سبيل المثال غير أنه خبير أقتصاد عالمي ودي شهادة حق لوجه الله تعالى.
ثانيا: اللي عاوز يتساوي بالبترول والأطباء والبنوك
ممكن سؤال بسيط لو رحت تقدم في اي سفارة للعمل برا هل تشترط نفس الشروط انك تاخد نفس راتب الطبيب أو المهندس هناك في تلك الدولة. عاوز حد يرد عليا
ثالثا: بعض الوزارات بطبيعتها تدخل أموال للدولة لكن للأسف التعليم يعتبر مدعوم وببلاش ولكن
لايمكن أن تظل رواتبنا هكذا نحن نطالب بزيادة تحفظ للمعلم كرامته وأن يحيا حياة كريمة ولكن أحذر أي شخص مهما كانت مهنته أن يقول نريد رواتب مثل س او ص لأن هذا لا يوجد على وجود على سطح الكرة الأرضية بلاش جهل وتخلف
اقتراح ممكن يريح كل الناس
ان يكون هناك شريحة للمؤهلات العليا مثلا 800 جنيه ومن بعد ذلك تزداد وفقا لحوافز كل وزارة وسنوات الخبرة وهكذا لكن التساوي التام ده أمر مستحيل.
سؤال تاني جه فبالي وانا بكتب اللي عاوز يتساوي يشتغل نفس ساعات العمل اي موظف او محاسب في بنك بيطلع عينه من 8 ونص الصبح لحد 4 أو 5 العصر. ده مثال بسيط
والله كل كلامي لوجه الله تعالى ولمصلحة بلد في مرحلة استعادة توازن بلاش نخربها علينا وعلى الكل

[mr.anwar]

مصر الان فى حاله مخاض سياسى فاما ان نكون او لا نكون بأيدينا ان نصلح جميع الاوضاع المقلوبه فى المجتمع ومن ضمنها طبعا"حالة المعلم المصرى الذى أصبح يتسول حقوقة
رفقا بالدوله الوضع حساس للغايه
على سبيل المثال سمعت انه خلال الفترة القليله الماضيه تم فقد 130 الف فدان من اجود الاراضى الزراعية فى مضر ودية كارثة بكل المقايس ده غير الوضع السيىء جدا" بالقاهره

[المؤمنه بالله]

الى الاستاذ الذى يريد ان يتساوى بالبترول والضرائب بجد كده احنا بنقتل مصر وهى فى مهدها وبعدين البترول والضرائب دىوزارات لهادخل اما التعليم فهو وزاره تحتاج الى دخل سنوى حرام بجد دلوقتى الكلام ده