أزمة بين معلمى الشرقية ووكيل الوزارة بسبب المولد النبوى

[AlaaElden]

تشهد مديرية التربية والتعليم بالشرقية بوادر أزمة بين محمود العرينى وكيل الوزارة والمعلمين بعد اكتشافهم رفضه صرف مكافأة شهر بمناسبة المولد النبوي، وشهر آخر من وزارة المالية التى كانت أقرتها الحكومة، واقتصار صرفها على موظفى مديرية التربية والتعليم والإدارات التعليمة دون المعلمين، رغم أنها مكافأة للجميع.

تجمع عدد من المعلمين لمقابلة وكيل الوزارة لطلب صرف المكافأة مثل جميع العاملين بالدولة، حيث فوجئوا بتهكم وكيل الوزارة عليهم ومعاملتهم بطريقة سيئة، وقام بإرسال لجان متابعة لمدارسهم أثناء تواجدهم بالمديرية للشطب على أسمائهم فى دفتر الحضور والانصراف تمهيدا للتحقيق معهم، إلا أن المعلمين كان خروجهم من مدراسهم بإذن، الأمر الذى زاد من استياء المعلمين، واتفقوا على عمل إضراب عن العمل يوم السبت القادم مع بدء استئناف الدارسة ما لم يتم صرف المكافأة الخاصة بهم.

ناشد عدد من المعلمين د. أحمد جمال الدين، وزير التربية والتعليم، بضرورة إصلاح العملية التعليمة، وكذلك تخفيف العبء عن المعلمين، وضرورة إسناد عدد من الحصص لمدرسى المكتبات غير المختصين، ولا يسند لهم عمل إلا حصة فى الأسبوع، فى حين أن مدرسين آخرين من نفس التخصص يعملون 24 حصة بالأسبوع.


http://www.youm7.com/News.asp?NewsID...97&IssueID=154



هو فى حد من المحافظات التانية قبضت هذه المكافاة؟

[سيلفانو]

انا من محافظة الشرقية
ادارة منيا القمح

وسامع خبر انهاردة من الادارة لانى كنت هناك
بيقولو هيصرفولكو شهر مكافأه موحده لا تقل عن 300 جنيه

ده اللى سمعته بس طبعا ده مش اكيد

ومفيش محافظة قبضت هذة المكافأة من المعلمين
كلهم اداريين

[هشام صبرى]

احنا فى قنا لم يتم الصرف لاشهر ولا يوم

[gigi1983]

والله المفروض نبعت للوزير ياجماعه عشان احنا عارفين ان مديريه تعليم الشرقيه اكتر المديريات حراميه
وللعلم كمان انه كان رافض يصرفهم للمديريات يعني الراجل ده حرامي ومديريه تعليم الزقازيق بجد لازم تنضف من الحراميه الي محتالينها من سنين
حسبي الله ونعم الوكيل

[مستر خالد1]

طب اية رايكم نعمل مذكرة جماعية نطلب فيها نقل وكيل الوزارة بمديرية التربية والتعليم بالشرقية
ونقدمها للمحافظ

[gigi1983]

لا الافضل نبعت للوزير على الاميلات المحافظ مش هيفيدنا لان غير المديريه الادارات كمان في منتهى السوء وماشيين بالرشاوي وحاجه تقرف منهم لله

[mr_mostafa84]

مش هنسكت عن حقنا
خلاص الزمن ده خلص

[gigi1983]

لو تلاحظوا حاجه الحرامي من كتر جبروته وسرقاته بيستقوى بيفتكر انه ملك الدنيا ومافيها لازم ياجماعه نتفق وننضف تربيه وتعليم الشرقيه ارجوكم الواحد تعب

[روان2006]

انا من ادارة ديرب وسمعت ان فاكس نزل للادارة بيقول
الاعلي 500 ثم 400 والعلم والمعلم المساعد 350 والعمال 250
بس لسه هنتاكد بكرة ان شاء الله

[روان2006]

انا من ادارة ديرب وسمعت ان فاكس نزل للادارة بيقول
الاعلي 500 ثم 400 والمعلم والمعلم المساعد 350 والعمال 250
بس لسه هنتاكد بكرة ان شاء الله

[معلم مساعد 2011]

يارب يارورو يكون خبر اكيد
ونا كمان من ديرب ابقي طمنينا بقا