من قلب الصعيد اقول انا مبقتش مساعد انا معلم

[رامي ابو عاشور]

الحمد لله ازف بشري لكل المعلمين المساعدين في محافظة سوهاج فأنا منذ لحظات شوفت اسمي بعيني في كشوف التثبيت وابشر كل من اجتاز الكادر وقدم شهادة الاي سي دي ال الي المرحلة السادسة بالتثبيت ومش مهم انك قدمت اربعة او سبعة بس تكون قدمتهم خلال الست مراحل كما ابشر بأن هناك دفعة اخري ستأتي بعد اسبوع تشمل باقي مراحل تقديم شهادة الكمبيوتر ولا يهم قدمت الاصل او الصورة فالاثنين سواء وعقبال كل المعلمين يطمنوا بنجاحهم وتعيينهم مثلي وانا مستعد لاي سؤال يطرحة اي من زملائي الاعزاء ولو املك انني اوزع علي كل اعضاء المنتدي صناديق مياه غازية كنت فعلت بجد

[بنت مطروح]

الف مبروك بس لو حضرتك تقولنا اية الاوراق المطلوبةللتثبيت لان احنا فى مطروح مفيش اى اخبار غير ان اسماءنا نزلت بس

[رامي ابو عاشور]

المشاركة الأصلية كتبت بواسطة بنت مطروح

الف مبروك بس لو حضرتك تقولنا اية الاوراق المطلوبةللتثبيت لان احنا فى مطروح مفيش اى اخبار غير ان اسماءنا نزلت بس

اشكرك علي التهنئة الرقيقة ومبروك لكل من تم تثبيته من المعلمين المساعدين فهم يستحقوا من فترة طويلة ذلك الامر والذي تأخر طويلا ونحمد الله علي انه ق تحقق
اما بالنسبة لسؤالك فأجيبك بأن احد اعضاء المنتدي قد ذكر لنا في احدي كتباته ان الاوراق المطلوبة كما قيل له في ادارته التعليمية هي ورقة نجاح الكادر + صورة من اول عقد قمتي بالتعاقد به مع الوزارة واقصد اول عقد مميز
والله اعلم واذا استجد جديد بالاضافة الي ذلك سقوم بعرضه مباشرة

[saad200]

وكيف عرفت ان هناك دفعة اخرى ومتى سيتم الاعلان عنها وايه مصدرك

[eslamkobessy]

المشاركة الأصلية كتبت بواسطة رامي صابر

الحمد لله ازف بشري لكل المعلمين المساعدين في محافظة سوهاج فأنا منذ لحظات شوفت اسمي بعيني في كشوف التثبيت وابشر كل من اجتاز الكادر وقدم شهادة الاي سي دي ال الي المرحلة السادسة بالتثبيت ومش مهم انك قدمت اربعة او سبعة بس تكون قدمتهم خلال الست مراحل كما ابشر بأن هناك دفعة اخري ستأتي بعد اسبوع تشمل باقي مراحل تقديم شهادة الكمبيوتر ولا يهم قدمت الاصل او الصورة فالاثنين سواء وعقبال كل المعلمين يطمنوا بنجاحهم وتعيينهم مثلي وانا مستعد لاي سؤال يطرحة اي من زملائي الاعزاء ولو املك انني اوزع علي كل اعضاء المنتدي صناديق مياه غازية كنت فعلت بجد

واجبك وصل يا زعيم من أجدع ناس السوهاجية ( لاني سوهاجي طبعاً بس مولود وعايش في إسكندرية )
وألف مبروك وعقبال متبقي مدير عام

[aleman]

مبروككككككككككك

[رامي ابو عاشور]

المشاركة الأصلية كتبت بواسطة saad200

وكيف عرفت ان هناك دفعة اخرى ومتى سيتم الاعلان عنها وايه مصدرك

فرع الاكاديمية بسوهاج في اتصال هاتفي مع احد زملائي قال له من رد عليه ان هناك دفعة اخري من المعلمين المساعدين سيأتي ورقها خلال اسبوع تشمل باقي مراحل تقديم شهادة الكبيوتر وما يؤكد صحة الاتصال ان الادارة التعليمية بسوهاج علقت اعلانا في مدخل الادارة تهنأ فيه المعلمين المساعدين بوصول كشوف تثبيتهم وتطمئنهم بأن هناك دفعة جديدة ستأتي خلال اسبوع كما ذكر في الاتصال ومبروك لكل المعلمين

[رامي ابو عاشور]

المشاركة الأصلية كتبت بواسطة eslamkobessy

واجبك وصل يا زعيم من أجدع ناس السوهاجية ( لاني سوهاجي طبعاً بس مولود وعايش في إسكندرية )
وألف مبروك وعقبال متبقي مدير عام

الله يخليك يا باشا والاسكندرنية كلهم قريبنا ونسيبنا وهما اللي رفعوا رأس مصر عليا في ثورة الشباب الي جانب اخواتهم الابطال اللي كانوا في التحرير ، اما بالنسبة لحكاية المدير العام احنا مش طماعين خلينا نبدأ الاول بمدير مدرسة وبعدين نفكر ويا مسهل ويمكن يحصل ليه لا هو اللي حاصل في مصر ده من احداث كان حد يصدقه

[رامي ابو عاشور]

المشاركة الأصلية كتبت بواسطة aleman

مبروككككككككككك

الله يبارك فيك ويحقق لك كل امنياتك يا رب خلي بالك انا فرحان واي دعوة مني دلوقت ستستجاب بإذن الله تعالي

[رائحه الورد]

الف مبروووووووووووووووووووووووووووووووووووك

[رامي ابو عاشور]

المشاركة الأصلية كتبت بواسطة رائحه الورد

الف مبروووووووووووووووووووووووووووووووووووك

الله يبارك فيكي ويعليكي ويرضيكي ويرزقكي من حيث لا تعلمين اللهم امين امين
اتمني السعادة لك المعلمين والمعلمات اللي كانوا مساعدين او مساعدات وادعو لهم براحة البال والسكينة والدرجات العالية في الجنة مع النبيين والمرسلين وادعو لامواتهم بالمغفرة والرحمة وتبديل سيئاتهم حسنات اللهم امين يا علي يا قدير سبحانك

[Mr:M.Kamal]

10000000مليون مبروك ونتمنى التثبيت للجميع

[شيماء20]

الف مبروك التعين على درجة معلم
وعقبال ماتوصل لاعلى الدرجات والمراتب ان شاء الله

[Mr:M.Kamal]

10000000مليون مبروك ونتمنى التثبيت للجميع

[رامي ابو عاشور]

المشاركة الأصلية كتبت بواسطة mr:m.kamal

10000000مليون مبروك ونتمنى التثبيت للجميع

الف شكر ليك يا مستر وعقبال بالقي المعلمين المتعاقدين بمختلف انواع تعاقداتهم لان المعلم هو عماد العملية التعليمية فإن سعت الحكومة علي راحة باله ووفرت له جو من الاستقرار سيخرج كل ما عنده من ابداع بل اكثر من ذلك فينسأ جيل يستطيع دفع البلد للامام ان شاء الله