دا نهاية من يقدم نفسه لخدمة وطنه

[love_5_2010]

بسم الله الرحمن الرحيم
اسمى احمد سمير الشاعر مدرس متعاقد لغة عربية فى محافظة الدقهلية المنصورة ادارة نبروه
هقولكم على موضوع حصلى وياريت حد يعلق ويدينى حل
انا اشتغلت بالعقد الاول ويبتدى العقد من 28/10/2007 وينتهى يوم 1/7/2008 ولكن وانا أودى العمل بموجب هذا العقد طلبت القوات المسلحة منى انا وخمسة على مستوى الجمهورية ان نروح نسلم نفسنا عشان نادى الخدمة العسكرية وبالفعل سلمت نفسى يوم 12/4/2008 وتم حفظ العقد لنا وخلصت الخدمة العسكرية يوم 1/6/2009 واستلمت العمل يوم 8/6/2009 وبعد كام اسبوع الاكاديمية المهنية للمعلمين بدمياط حسبى الله ونعم الوكيل فيهم طلبوا من كل المعلمين المساعدين التوجه الى الاكاديمية لدخول امتحان الكادر وبالفعل رحت وقدمت ورقى كله الى الاكاديمية وقبلوه وقلت الحمد لله طلعولى كود ورقم سرى زى الناس كلها ودخلت الامتحان واديت فيه على اكمل وجه ولكن عند ظهور النتيجة وجدت على صفحتى فى الاكاديمية بيقولوااا يرجى مراجعة فرع الاكاديمية التابع لها
لما رحت وسالت المسئول هناك قالى اانت مكملتش سنة كدا بس ستة الجييش اللى انت قضيتها بره المدرسة
وبعت شكوى للوزير السابق بعت ناس حققت معانا ولغاية الوقتى محدش يعرف ايه نتيجة الشكوى اللى قدمناها
ولغاية الوقتى محدش يعرف احنا مع الناجحين ولا الراسبين وكل لما نسال المسئول هناك يقول (((( والله يابنى مااعرف عنكم حاجة)))
كل دا بسبب الجيش ودا اخرة من يروح يقدم نفسه لخدمة وطنه
والله حرام
لو حد يعرف يوصلنى لحد مسئول كبير يبقى عمل معايا واجب كبير اوى
وأقبلوا منى جزيل الشكر