بشرة خير لمنطقة طنطا الازهريه

[أزهرى وأفتخر]

وصل النهارده فاكس بتاريخ 27/2/2011

تثبيت التعاقدات بشرط الاى سى دى ال والتربوى
وطبعا يكون عدى تلات سنين على المتعاقد


واول حاجه هيبدأوا بيها هما 2005


الف الف الف مبروك وعقبال الباقى يارب

[تامر سرواح]

المشاركة الأصلية كتبت بواسطة mr_x6001

وصل النهارده فاكس بتاريخ 27/2/2011

تثبيت التعاقدات بشرط الاى سى دى ال والتربوى
وطبعا يكون عدى تلات سنين على المتعاقد


واول حاجه هيبدأوا بيها هما 2005


الف الف الف مبروك وعقبال الباقى يارب

ياريت التوضيح أكثر هل فى كادر مطلوب ولا مفيش

واشمعنا2005 فقط مافى لحد2008 مستوفى الشروط

وسألت مين علشان نطمن بعد إذنك

[مستر/ عبدالكريم على عبدالنعيم]

شكرا بس لازم الكادر طبقا لقانون 156 لسنة 2007

[جارةالوادى]

ايوة فعلا يعنى كدة من غير شرط اجتياز الكادر ولاايه ممكن توضح وهو اصلا تثبيت ولاتعيين على درجة معلم يعنى مجرد ترقية وتسكين على درجات الكادر

[بيبونينو]

يا جماعة دى كلها مسكنات . انا من تعاقدات 2006 ، حاصل على تربوى و امتحنت الكادر و كمان قدمت شهادة الــicdl و عندما توجهنا اليوم 27-2-2011الى شئون العاملين بمنطقة سوهاج الازهرية الموظف قالنا المنشور وصل فعلا و ان شاء الله هنطلب منكم فيما بعد الاوراق المطلوبة للتعيين عشان نبعتها الى القاهرة تعتمد من شيخ الازهر ثم ترسل للاكاديمية المهنية لاصدار شهادات الصلاحية يعنى ( استنوا شوية او افعلوا ما بدى لكم ) هكذا كان رد الموظف المسئول
والله يا جماعة احنا نستاهل اكتر من كدة لاننا تساهلنا فى المطالبة بحقوقنا . دة كلة تنويم علشان نهدأ و هنتعين بس بعد ما يطلعوا روحنا .احنا فى سوهاج بناء على دعوة جبهة معلمى الازهر المتعاقدين للاعتصام امام جميع المناطق الازهرية بجميع المحافظات يوم 6-3-2011 هنكون اول ناس معتصمين لحين صدور قرار بالتثبيت الفورى و سرعة انهاء الاجراءات لان زى ما انتوا عارفين الازهر دايما بيصحى بعد فوات الاوان

[بيبونينو]

المشاركة الأصلية كتبت بواسطة جارةالوادى

ايوة فعلا يعنى كدة من غير شرط اجتياز الكادر ولاايه ممكن توضح وهو اصلا تثبيت ولاتعيين على درجة معلم يعنى مجرد ترقية وتسكين على درجات الكادر

حسب المنشور التثبيت لكل من انهى 3 سنوات بالتعاقد و حصل على icdl او اربعة مديولات منها و نجح فى الكادر و كمان لازم يكون تربوى او حصل على دبلومة او تأهيل تربوى - بس متى ستبدأ الاجراءات دة شيئ فى علم الغيب حسب كلام شئون العاملين فى منطقة سوهاج الازهرية لانهم لسة بيحصروا الاعداد و هيطلبوا منا الاوراق اللى اصلا احنا قدمناها من سنة مضت .( يا رب الهمنا الصبر )