حصريا اعتصامات سوهاج 14-2-2011 بالصور

[mohamed_zayed]

واخيرا فتح الشعب فمه بعيدا عن طبيب الاسنان
وقفات احتجاجية كثيرة واعتصامات عمت محافظة سوهاج كان من أبرزها الوقفة التى كانت امام مديرية التربية والتعليم لكل العاملين فيها وانضم اليهم مدرسين أساسيين ومتعاقدين وبالحصة وحتى العمال كان لهم نصيب كبير من هذه الوقفة
الصور فى الرابط الاتى
صور الاعتصام امام مديرية التربية والتعليم
http://s154.photobucket.com/albums/s...g%20education/
صور لاعتصامات متفرقة فى المحافظة
http://s154.photobucket.com/albums/s...hag%20Sit-ins/
[IMG][/IMG]

[boob_zaki]

مش هينفع كل محافظة لوحدها لازم نجتمع على قلب رجل واحد أمام مينى الوزارة يوم الأربعاء
القادم

[hishamhassan]

هو ده الكلام

[حمدى جمعة44]

المظاهرات دى هزت المسئولين فى المديرية فعلا ولكن ثنائى الفساد أحمد فؤاد وصبرى العدوى توعدا كل من شارك فيها من داخل وخارج المديرية قائلين أنهما سيضربونهم بالجزمة علشان محدش تانى يتجرأ على اسياده

[ام رهف]

هما المسئولين دول مابيفهموش احتجاجات الناس اطاحت بنظام عمره تلاتين سنة ورئيس بحجم حسني مبارك لسة حد بعد كده يقول ضرب بالجزمة والشراب

[العنب الأحمر]

إن شاء الله هما اللى سوف بنضربوا بالجزمة ، لأنهم شوية حرامية ومنافقين وجهلة وان شاء الله البلد سوف تنضف منهم ومن أمثالهم اتحدوا يارجالة الوقفة الإحتجاجية يوم 16 /2/2011 امام مبنى الوزارة ان شاء الله ... رجالة البحيرة .

[حاتم مصادف]

انشا الله هما يضربوا بالنعال قريب

[mhashem79]

الهنجية لسة فيهم
اسيادهم هربوا
اضربوهم بالجزمة
علقوهم امام المديرية ليكونوا عبرة

[ايهاب2323]

المسولين دول اللى مش عاجبهم لازم انهم هما اللى ياخذوا بالجزمه

[حمدى جمعة44]

لكل ظالم نهاية إن شاء الله

[حسام حسن يوسف]

انا معكم غدا ان شاء الله
لازم يكون هناك حل
مش هينفع كده الناس كلهم بيتعينوا ونحن لسة

[حمدى جمعة44]

نعم غدا إن شاء الله الأربعاء 16 فبراير يعرفوا مين اللى هاينضرب بالجزمة نريدها وقفة قوية وحاشدة يا شباب توصل صوتنا وصوت كل اللى إنظلم للمحافظ الجديد علشان يعرف الحرامية وقطاعين الأرزاق والفتوات اللى بتتوعد للمدرسين الغلابة بضرب الجزمة .

[أحمد فهمى 7]

الأخبار المؤكدة من قلب المحافظة أن المحافظ انزعج خالص من المظاهرات دى وطلب من وكيل الوزارة سماع مطالب المدرسين المحتجين حتى لا يتحول الأمر لمظاهرات المعلمين فى الأسكندرية اللى قلبت الدنيا ولكن مدير الشئون القانونية فى المديرية رد إحنا عارفين القانون كويس وملهمش أى حقوق دول ناس عايزة تركب الموجة وإحنا عارفينهم ورايحين نربوهم وطمن المحافظ وقاله خلاص مش هاتسمع ليهم صوت تانى .

[أحمد المراغى محمد]

يضربونا بالجزمة ؟ كمان !!!1 يسرقونا ويهينونا وكمان فى الآخر يضربونا بالجزمة أنا فعلا سمعت الكلام ده من أكتر من واحد قريب منهم فى المديرية وطالما وصلت لضرب الجزم كلنا طاعين ليهم وأى أعتصام أمام المديرية طالع فيه أنا وكل الزملة فى مدرستى ونشوف مين يدى مين باجزمة ياحرامية وكشوف البركة اللى بتتكتبوا فيها وتقبضوا الألوف من غير شغل ولا تعب وياريت حتى ترمولنا الفتات صح إحنا نستاهل ضرب الجزمة .

[غادة محمد علاء]

كل معلمات سوهاج خرجن مع معلميها يوم الأثنين واعتصمنا بأدب لكن همة ردوا بقلة أدب ووصلتنا فعلا أخبار الضرب بالجزمة وتعليمهم الأدب وكل التهديدات دى ولكن إحنا مش هانسكت وأنا جمعت عدد كبير من معلمات سوهاج متعاقدات وغير متعاقدات لأن الكل فى الظلم والإهانة سواء والإهانة بالذات بتوجع والمسئولين فى المديرية فى الفترة الأخيرة بيهينونا جامد وبيقفوا فى أى موضوع فيه خير لأى معلم سوهاجى كأن بينهم وبينا تار وأنا بأقول لكل معلمى سوهاج أخواتكم المعلمات معكم فى أى إعتصام لغاية ما نرفع الظلم عننا إن شاء الله