خلاص روحى طلعت !!!

[هبة خليل]

ازيكم الاول النهاردة رحت الادارة علشان اسلم الاوراق المطلوبة لقسم الاحصاء كل الورق جاهز ماعدا اصل المؤهل التربوى وشهادة icdl طبعا الموظف هب فيا جااااامد وقالى يا ابلة خلية لما تجيبى الشهادة قلتلة حضرتك انا اتصلت بالاكاديمية وقالولى مش مشكلة ممكن صورة طبق الاصل والصورة كانت موجودة وانا قدمت فعلا على استخراج شهادة من الكلية بس هتيجى يوم 12 \3 واخر يوم بعد بكرة 8\3 قالى مين اللى قال كدة قلتلة انتم كاتبين اعلان على المكتب قالى هوانا قلتلك بلسانى اكاديمية اية اللى تقول انا المسؤل هنا من كتر زعيقة عليا كنت عاوزة انزل من الشباك من الدور الرابع قالى هننتظرك لما تجيبى ورقك وانا مش عارفة اصدق عنيا ولا اكذب ودانى فعلا ممكن ينتظر لما الشهادة تيجى ولا يقلى اسفين وقفلنا رغم ان الامتحان لسة يوم 25 قولو باءة اية احساسكم من واقع خبرتكم