استكمال الدراسات العليا

[اسماعيل ناجى]

إلى جميع الأخوة : المعلمين المساعدين
من منكم سيواصل معى مشوار التعلم والاستزادة من العلم فى كليات التربية على مستوى الجمهورية
أما أنا فسأقدم إن شاء الله فى تربية الزقازيق هذه الأيام إن شاء الله لاستكمال الدبلوم الخاص .
فهل من مجيب ؟
أخوكم : اسماعيل ناجى :0 22yb4:

[teacher120]

انا خريج تربيه انجلش وكنت عاوز اقدم لكن محتار فين انا من المنصوره وعارف ان المنصوره بتحتاج مجهود فى الحضور
يا ترى اخبار الزقازيق ايه؟
وبكام
وشكرا لك وربنا يوفقك ان شاء الله

[اسماعيل ناجى]

مرحبا أخى العزيز
الزقازيق إن شاء الله بسيطة والنجاح عموما هبة من الله وهى فى الأول والآخر تساهيل وأرزاق
سحب الملف 35 جنيه
المصاريف 500 جنيه
وإن شاء الله نتقابل هناك بس أخبرنى متى ستذهب ؟
اسماعيل ناجى

[mhegazi]

اخذت الدبلوم الخاص من سنتين
بس وايه الفايدة

[vip_ame]

طب ياريت حد من الاخوة اللى بدأوا المشوار ده يشرحوا لينا الخطوات والمصروفات المطلوبة ان شاء الله
انا تربية رياضيات

[nourhan200005]

انا اخدت دبلوم مهنى تربيه خاصه بس بصراحه مكملتش
كان نفسى اكمل الدبلوم الخاص بس معنديش استعداد نفسى للسفر والحضور والمذاكرة

[اسماعيل ناجى]

الأخت نورهان200005 بعد التحية
سيبيها على الله
سلمى أمرك لله
جددى النية وابدئى بسم الله
واعتمادنا جميعا على الله

[اسماعيل ناجى]

العزيز vip_aim بعد التحية
لو حضرتك أساسا تربوى تتفضل تقدم على الدبلوم المهنية ثم الخاصة بعد ذلك ان شاء الله

[أحمد بسطاوي]

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة

[hmh_hmh]

اخى الفاضل مشكور على الموضوع
انا سمعت الى اخد الدبلوم التربوى بتقدير على الاقل جيد ومن جامعة مستواها العلمى اعلى من اخرى يمكن الانتقال الى الجامعة الاخرى ليلتحق بالدبلومة الخاصة مباشرة ياريت تفيدنى فى الموضوع
واذا كان هذا خاطئ ياريت تعرفنى الدبلوم المهنى مواده صعبة ولا ايه وكام مادة وياريت لو عندك العلم المصروفات ايضا والتقديم امتى ؟
وجزاك الله كل خير

[hmh_hmh]

المشاركة الأصلية كتبت بواسطة أحمد بسطاوي

اللي عايز دبلومة سهلة وجميلة والدراسة فيها مسائي يبقى معهد الدراسات التربوية جامعة القاهرة
وعندي كل حاجة تخص الدبلومة

هو ما فيش غير القاهرة ؟ ياريت لو فيه فروع اخرى تفيدنا جزاك الله خير

[mak2007]

أنا أخذت المهنية السنة دى
ومش عارف أكمل ولا - لا
بجد الانجليزى محيرنى شوية
لأنه فى أمتحان قدرات اول السنة للإلتحاق بالخاصة وبعد كدا فى مادة تربوى كلها انجليزى

[اسماعيل ناجى]

الأخ الغالى :
الدبلوم المهنية لمن خلص الليسانس التربوى أصلا أو لمن عمل دبلوم عام فى التربية ومواده وتخصصاته حسب الاختيار وسهلة ان شاء الله واطمئن
والتقديم بتربية الزقازيق من 7/8 وسأقدم بإذن الله أول أيام رمضان بإذن الله
سحب الملف 30 جنيه
المصاريف 500جنيه

[اسماعيل ناجى]

أخى الغالى ماك2007 :
ولا يهمك توكل على الله وليتنا معا بتربية الزقازيق
أسعد برؤياك والتواصل معك
جدد النية واجعلها خالصة لوجه الله والله المستعان
اذهب وقدم معى للخاص ان شاء الله

[roosy]

انا معايا دبلوم خاص ومكملتش وعلى فكره للاخ اللى من المنصورة لا المنصورة كويسه مفيش فيها حضور قوى زى ما انت فاكر الرخامه بقى فى المنصوره انك بعد الخاص لازم سنه كمان اسمها تمهيدى ماجستير مع ان طنطا والزقازيق بعد الخاص بتقدم ماجستير ولا سنه تمهيدى ولا حاجه
مش عارفه كنت عايزه السنه اللى فاتت وكسلت تقديم التمهيدى عندنا فى شهر 11 هل فى حد ممكن يشجعنى ؟؟؟