لو بطلنا نحلم نموت .. أين أنت يا يمنى؟!

[Observer]

من أربع أيام كان فى موضوع هنا تحت عنوان
مظاهرة بمعهد فتيات المدينة المنورة بدمياط الجديدة
وده الرابط بتاعه

http://www.thanwya.com/vb/showthread...71#post3182271

كانت يمنى وهى طالبة بالأزهر صاحبة الموضوع بتطالب بمطالب عادلة جداً ومشروعة جداً
تخفيف المناهج
عدم التمييز فى مجاميع دخول الكليات
الغاء نظام السنة الكاملة للشهادات
تعديل جداول الامتحانات

والحمد لله عملت مداخلة فى الموضوع ايدت فيها مطالبها
فى الوقت اللى كان الكل بيعارض كلامها وبيقول كلام محبط
تقريباً كنت الوحيد اللى وافق على كلامها وارجعوا للموضوع وقلتلها متسكتيش عن حقك

المفاجأة
ان الشيخ الطيب وافق تقريبا على كل مطالبها
تاجيل الامتحانات
تخفيف المناهج
تعديل جداول الامتحانات
المساواة بين الطلاب والطالبات فى تنسيق القبول
مع التشديد على ضرورة تحقيق مطالب الطلاب وتلبية رغباتهم
سبحانك يارب !!!!!!!!!!!
ده رابط الخبر بتاع تحقيق المطالب

http://www.youm7.com/News.asp?NewsID=365245&SecID=97

عايز اقول مش من حق حد يجبر اى حد على تغيير رأيه
مش معنى انك كبير انك بتفهم اكتر
الزمن اللى جاى هو زمن الشباب واحترام فكرهم ورأيهم أمر حتمى
المدرس موجه وميسر لطلابه وليس وصى عليه أو مقيد لأفكاره

كلمة أخيرة للجميع
تعلموا معانى التفتح والعدل والحوار وقبول الآخر والصبر والتفهم ورد الحقوق من الإمام الطيب
تعلموا معنى الديمقراطية وطبقوها
انفضوا التراب عن العقول كى تعمل وتفكر وتبدع
وحرضوا طلابكم على الحرية المسئولة وتشغيل الدماغ
وأخيراً ... مبروك ليكى يا يمنى ولكل جيلك وصحابك

وشكــــــــراً