الحل لمحافظة الدقهليه

[ali manzalawy]

الاعتصام امام المحافظه الاربعاء القادم لان سعادة المحافظ سمير بيه سلام ممتنع عن تنفيذ قرار التعين منذ اسبوعين
وهذا الكلام من المدريه نفسها

[مستر عزت]

أولا حسبي الله ونعم الوكيل فيه و في امثاله
ثانيا فيه حاجة كمان عايز اوضحها
فيه واحد صاحبي اتصل بمسئول التعاقدات عندنا في شربين و قال له ان المديرية قالت لي احضر ضروري الأحد

[البرهان الرياضى]

أنا باتعجب والله !
هوّه سمير سلام لسه محافظ للدقهلية ؟
إمال ثورة إيه ؟ اللى مسمّعين بيها العالم !
سمير سلام أول من بارك لجمال مبارك
وأنا شاهدته بنفسى وهو يستقبله وكإنه رئيس جمهورية
من خلال زيارة جمال بيه لإحدى القرى
أنا مع الإعتصام إن شاء الله
************
ملحوظة : مبارك ما زال يحكم مصر من وراء الستار

[القلب الطائع]

هو شاطر بس في انه يعمل قرارات مش ليها اي لازمه انما انه يثبت حد دي صعبه عليه اووووي !!!!!!!!!!!!!!
حسبنا الله ونعم الوكيل

[shehab_ocp]

الراجل ده لازم يمشي
الاعتصام هو الحل
موعدنا الأربعاء القادم إن شاء الله

[القلب الطائع]

تفتكروا يا جماعه ان المحافظ لو مشي قراراته تتلغي ولا لا؟
اصله عملنا شرط محو اميه 10 افراد لتجديد العقد ومش عارفه اخرتها ايه ؟ ياريت حد يفيدني

[elbatalgym]

إحنا عاوزين نتكلم فى الصح دلوقتى فية قرارين ننزلهم من على موقع الوزارة وندخل بهم للحاكم العسكرى فى المحافظة ونقولة القرارات دى متنفذتش لية دة هو الصح لا عاوزين نعمل مظاهرة ولا تجمهر ولا اضرابات ناخد الموضوع واحدة واحدة لغاية لما نوصل للصح ونعرف اية المشكلة بالظبط

[simsim12]

المشاركة الأصلية كتبت بواسطة elbatalgym

إحنا عاوزين نتكلم فى الصح دلوقتى فية قرارين ننزلهم من على موقع الوزارة وندخل بهم للحاكم العسكرى فى المحافظة ونقولة القرارات دى متنفذتش لية دة هو الصح لا عاوزين نعمل مظاهرة ولا تجمهر ولا اضرابات ناخد الموضوع واحدة واحدة لغاية لما نوصل للصح ونعرف اية المشكلة بالظبط

رايك سليم وهو دا المطلوب فعلا وانا معاك

[أ/أحمدعبد العال]

المشاركة الأصلية كتبت بواسطة elbatalgym

إحنا عاوزين نتكلم فى الصح دلوقتى فية قرارين ننزلهم من على موقع الوزارة وندخل بهم للحاكم العسكرى فى المحافظة ونقولة القرارات دى متنفذتش لية دة هو الصح لا عاوزين نعمل مظاهرة ولا تجمهر ولا اضرابات ناخد الموضوع واحدة واحدة لغاية لما نوصل للصح ونعرف اية المشكلة بالظبط

موعدنا الأربعاء القادم أمام المحافطة عرف كل المعلمين المساعدين وده مش استغلال للثورة لأن ده حقنا القانوني

[ماجد محمود محمد]

ارجوا من كل معلم مساعد بمحافظة الدقهلية ان نحدد يوم للاعتصام اما المحافظة حتى يقوم المحافظ بالتوقيع على قرار 75 لتثبيت المعلمين المساعدين والمعلم بالاجر وذلك فى اقرب فرصة لان معظم المحافظات فيها تثبيت ماعادا الدقهلية وهذا يكون استهتارب معلمى الدقهلية وارجوا من الرد بسرعة وتحديد الموعد .

[نورالحبيب]

انا عاوزة اعرف المحافظ ده من يوم مادخل الوزاره عمل ايه مفيد للمحافظه يبقى ازاى لحد دلوقتى لسه محافظ فين شباب الدقهليه فين الناس المظلومه فين الثائر الحق اللى بيثور عاشن الظلم ليه احنا المحافظه الوحيده اللى مش قادره تاخد حقها معندناش حدمظلوم مثلا؟
معندناش ناس مش لاقيه تاكل وبطاله وناس نايمه فى الشارع معندناش حتى موظفين بملاليم بيزقوا الشهر عشان يخلص عشان يقبضوا الملاليم اللى مبتكفيش عبش حاف
حسبى الله ونعم الوكيل فى كل مسؤل لايتقى الله
حسبى الله ونعم الوكيل فى محافظ الدقهليه وفى وزيرالتربيه والتعليم اللى لحد دلوقت مجابلناش حقنا فى رفع الاجور والمكافاه وحقنا فى المعيشه زى الناس ده اقل حق لنا فى بلدنا
حسبى الله
حسبى الله

[علي عضاضلي]

ربنا يطمنكم بإذن الله.. يمكن يكون منتظرين اما تخلصو السنة التالتة زي ماحصل عندنا

[mano prof]

ياجماعة سمير مشى على حد علمى وموجود حاكم عسكرى لاكن ناخد بالنا كويس لو مشفتوش الفيديو الموجود لوكيل الوزارة على هذا المنتدى ...............
بيقول فى الفيديو انه اخد قرار المحافظ بالموافقة على الدفعة الأول التى ينطبق عليها القرار 53 وهو مجهز الدفعة الثانية ال ينطبق عليها القرار 74 عشان ياخد الموافقة من المحافظ " الحاكم العسكرى على حد حد علمى " وأعتقد انه لايرفض فى ظل الظروف ........... المشكله فى تنفيذ هذه الموافقات _ ما وكيل الوزارة قال معيا موافقة ب 20000 واحد تقريبا ومشفناش اىحاجة منه .............. اعتقد التقصير من وكيل الوزارة وده ال لازم نتجمع يوم الاربع عنده لوضع حل لهذه الهزله .............

[elbatalgym]

مشعاوزين بقا نعد نتكلم كتير ونعد نتكلم فى الماضى احنا فى دلوقتى عاوزين اية بالظبط المرحلة دى عاوزين فيها اية لازم نحدد ولازم نشوف هنعمل اية ولازم تبقى خطواتنا سريعة جميل قولنا لازم نروح المحافظة مين اليى هيروح واليى هيروح هيتكلم فى اية لازم نحدد النقط اليى هنتكلم فيها علشان ماندخلش نتكلم ونقول عاوزين نتثبت وخلاص لازم نبقى احنا فاهمين احنا عاوزين اية واية القرارات اليى طلعت وماتنفذتش وماتنفذتش لية ومحدش يقولى قرار75 بس هناك بعض القرارات التى تخص المتعاقدين نرجوا الاجتماع فورا على الموقع وكل واحد يكتب الاميل بتاعة دة الاميل بتاعى ielbatal***********

[merooooo83]

لا ياجماعة بلاش اعتصام ولا مظاهرة هو فعلا راى البلتاجى افضل راى نذهب مطالبنا للحاكم العسكرى وان شاء الله هيدينا حقنا