ايه رايك في شيخ او داعية يكون عضو معانا

[Taleba Me7tasa]

السلام عليكم يارب تكونو بخير

ايه رايكم يا جماعة لو يكون فيه شيخ او داعية جليل يبقى عضو معانا هنا ف المنتدى يدخل المنتدى ولو حتى تلات اربع مرات ف الشهر يجاوب على اسئلة لينا او استفسارات ونكون مجمعين اسئلتنا ف موضوع ف القسم الاسلامي مثلا اي سؤال او استفسار محيرنا

هاتقولو ماهم الشيوخ ماليين الفضائيات هاقولكم ان الموضوع صعب انك تقدر تتصل بالشيخ دة عشان وقت البرنامج وضغط التليفونات وكلنا عارفين

هتقولو ماعندك الكتب ابحثي ودوري هقولكم انه صعب لان كلنا ورانا مشغوليات ومفيش وقت اني اروح مكتبة او ابحث او حتي لو بحثت ماضمنش اني اتوصل للسؤال اللي عايزاه لاننا عارفين ان فيه حاجات كتير دلوقتي بناخدها بالقياس على حاجات تانية فتجنبا للخطا نسيب الموضوع للناس اللس تفهم فيه اكتر

هاتقولو ماهي مواقع الافتاء مالية الدنيا صح مظبوط بس انا بصراحة شفت مواقع من دي ولقيت فيه تشدد جامد ف الراي تقريبا لقيت كل حاجة بنعملها ف حياتنا حرام استغفر الله العظيم وانا متاكدة ان اسلامنا مش معقد كدة وانه دين يسر لا عسر

هاتقولو طب انتي تعرفي حد وعايزاه يشترك هقول للاسف لا

هاتقولو طب ماحنا زينا زيك هنجيب شيوخ منين هقولكم دة ممكن يكون دور طلبة الازهر اللي مشتركين معانا ف المنتدى او اي حد يعرف داعية محترم ويكسب فينا ثواب ويكون واثق ف علمه ويكون واثق انه لو ميعرفش حاجة معينة يسال ويبحث مش يفتي من دماغه

انا حاسة ان الموضوع صعب وكبير بس والله هيبقى لذيذ جدا وهنستفيد منه جدا جدا جدا

مستنية ارائكم واقتراحاتكم

[سبيدر مان]

والله يريت ياجماعة دة شرف لينا كلنا

[MohammeD el_SadaT]

بجد هى الفكره لذيذه جداااااااااااً
وجميله جداااااااااااً
وهتفدنا جداااااااااااااااااااً

بس هى المشكله فعلا زى ما إنتى قولتى هنجيب الداعيه دى منين