يا جماعه انا خايف من علم النفس والاجتماع ساعدونى

[كفراوى]

السلام عليكم ورحمة الله وبركاته


يا جماعه انا عندى خوف رهيب من علم النفس والاجتماع


حاسس انى هسقط فيها او هجيب مجموع وحش


مع ان كل الناس اللى اكبر منى تقولى دى مادة ال 50 بس انا مش عارف ازاى هجيب 50 فيها


ياريت بجد تساعدونى انا مش عارف اعمل ايه


والسلام عليكم .....

[كفراوى]

بجد ميرسى اوى لمساعدتكم دى

[بنت الشاطئ1]

انا مش عارفة يعنى انت مكنتش بتذاكرها من اول السنة و لا ايه

شوف انت المفروض تجيب باب باب و تذاكره كويس و تحفظه كويس جدااااااااا
و مفيش حاجة فى الماده دى اسمها مش مهمة او اتوقع كذا

لا انت تذاكر كله و الباقى على ربنا و بعدين تشوف اسئلة كتاب المدرسة و الدليل و اهم حاجة الامتحانات بتاع السنين اللى فاتت حتفيدك جداااااااا

و بعدين هيا مادة لذيذة و جميلة و ان شاء الله تلحق تخلصها

يعنى مثلا علم النفس
الباب الاول فى يوم
و التانى يوم
و التالت ممكن تقسمه على يومين
و الرابع برده يومين و الخامس هكذا

علم الاجتماع كل باب يومين ماعدا الرابع صغير ممكن فى يوم

و بعدين احنا فى وقت المفروض خلاص
نكون مخلصين المواد مذاكرة فى الدروس

و ان شاء الله تجيب ال 50

و متزعلش اوى مننا كده
و اى خدمة

بالتوفيق

[مستر محمود فتحى سليمان]

حبيب قلبى اهدى بس كدا وروق
اولا علم النفس ده مادة جميلة جدا جدا جدا وفعلا مادة الخمسين درجة بس مش معنى كدا انها تافهة دى ممكن تجيب الارض هاقولك على حاجة حلوة تعملها
1- امسك باب باب من الاول اعمل خريطة عامة للباب قبل ما تذاكر يعنى شوف الباب بيتكلم على اية
2- ابدأ ذاكر الباب كويس اوى وافهم مش تحفظ والله علم النفس مادة فهم مش حفظ والاسئلة مش بتيجى مباشرة افهموا على النفس ولو فهمتوا هاتلقوه جامد اوى
3- بعد ما تخلص الباب اعمل شجرة حلوة كدا قسم فيها الاجزاء الرئيسية للباب
وبكدا الشجرة دى تفكرك بكل النقاط الرئيسة فى الدرس كل ما تحس انك نسيت افتحها وبص عليها بصى سريعة
4- طبق الحاجات اللى فى المنهج عليك يعنى مثلا الباب الرابع علم نفس بتاع النمو شوفه وطبقه على نفسك وانت بتذاكر مش هاتنساه فى حاجات كتير اوى طبقها على نفسك وعلى اللى حواليك وانت بتذاكر
5- هاتحس انك ناسى المادة على طول ومهما تذاكر بردوا ناسى عادى ده احساس طبيعى وبالذات فى علم النفس يعنى متقلقش انك بتنسى بس المهم انك تراجع باستمرار
6- دور فى اسئلة الامتحانات واتعود على الاسئلة وطريقة حلها كل ما تحل اكتر هاتحس انك عارف الاجابات بعد كدا على طول
7- اخر نقطة واهم نقطة متحطش فى بالك انها مادة رخمة وصعبة لو عملت كدا هاتلقيها زى الزفت لان علم النفس بيكره اللى بيكره والله يابنى علم النفس بيكرة اللى بيكره واستعن بالله وانت بتذاكر وفعلا لازم تجيب فيهاالخميسن ولو محتاج اى حاجة انا معاك وتحت امرك فى اى وقت

أخوك الاستاذ/ محمود فتحى مدرس علم النفس والاجتماع

[mahmoud mekawy]

بص يا كفراوى علم الاجتماع سهل وكويس وعلم النفس تقيل شويه لكن مش تحط في دماغك ان في حاجه صعبه او حاجه سهله لأن المفروض ده يتذاكر وده يتذاكر ، انت يوم امتحانك في علم النفس يوم 29 في شهر 6 يعنى هتقدر بأذن الله لو شديت حيلك تخلص علم النفس والاجتماع وتحل عليه كمان امتحانات وبالتوفيق ليك ولينا وللجميع يارب

[كفراوى]

بجد الف شكر ليكو وان شاء الله اعمل بالنصايح

وربنا يخليكو يارب على مساعدتكم دى

وانا اسف انى قلت ميرسى على مساعدتكم بس والله انا كنت مخنوق والحمدلله دلوقتى تمام شوية

وان شاء الله ربنا يوفق الجميع

[Ezel]

............. احب اضيف حاجه صغيره على الكلام الجميل اللى فات ده __

يمكن يكون كلام كله عارفه بس دى حقيقه اعمل اللى عليك ومتقصرش وسيب الباقى على ربنا
و بص حاول تذاكره الصبح بدرى بتكون مركز اكتر وشيل من بالك فكره انها صعبه

واللى انت فيه شعور تقريبا غالبيه الطلبه اللى قدنا ( 3 ثانوى ) بيمروا بيه وهو الخوف من اننا مش مذاكرين كويس ومقصرين وخايفين من الامتحانات .... ركز الفتره اللى جايه دى كويس جداااااااااااااااااااااااااااااااااااااااااااااااا ااااااااااااااااااااااااااا

وتوكل على ربنا ...

[محبة تاكيشى]

واللى انت فيه شعور تقريبا غالبيه الطلبه اللى قدنا ( 3 ثانوى ) بيمروا بيه وهو الخوف من اننا مش مذاكرين كويس ومقصرين


هو ده اللى انا حاسس بيه دلوقتى والله مع انى والحمد الله بحفظ مع الميس بتاعتى من اول السنه ف علم النفس وحاسس انى ناسي جامد وخصوصا علم الاجتماع حاسس انه تقيل بس هيا علطول بتطمنى ان ان شاء الله بالتكرار يثبت وان كمان قبل الامتحان وقت كافى افتكره فيه..
ومتقلقش يا عم كفراوى اعمل اللى عليك والباقى على ربنا وان شاء الله تكون اول واحد جايب الخمسين..

[rogina eiad]

مشكووووووووووووووووووووووووووووووورررررررررررررررر رررررررررررر