الحد الادنى للاجور الف الف مبروك

[هانى شوقى]

طبعا سمعنا الاحتفال بتاع عيد العمال وفكرنا بالفيلم بتاع الناظر اللى هينجح(هيشتغل) هنجبله عجلة وبلاى ستيشن وتربيزة بنج ووجبة من الكنتين

طبعا واضح جدا ان الناس دى ماشيا على البركة ومفيش خطة ولو كان فى مش معلن عنها يعنى برضه كله فى الخفاء

ودا طبعا مش للتشكيك فيهم بس لازم يكون فى وضوح هما اعلنوا ان فى اول مايو هنعلن عن الحد الادنى للاجور

وتقريبا كل الكلام كان مش مفهوم وكل اللى خطبوا فى الاحتفال مطربين وبيتلخبطوا وبيقولوا كلام غالبيته مرسل هنشوف هنعمل
وكان الشئ الاغرب ان ناس كتير بتتكلم وهما متجاهلين الناس دى طيب طالما هما محددوش حاجة بيتكلموا ليه

الكلام اللى يقلق ( انهم ربطوا زيادة الاجور بزيادة ساعات العمل ودا شئ مثير للقلق يعنى ايه هنشتغل من الصبح لليل يبقى عملنا ايه من عندنا )

الخلاصة : مفيش خطة معلن عنها وكدة يعتبر تهريج ممكن تكون الناس دى بتحاول تعمل حاجة لكن طالما شغالين فى الخفا محدش هيصدقهم ويمكن هو دا اللى عامل اضرابات

ولو اتكلمت عن نفسى الى الان لم ارى شئ اتغير واتعينت بقانون ( هنسمك كتير والفعل قليل )


نقابة الاطباء عملوا اضرابات عن العمل ومحددين يوم 10 مايو كاضراب عام لاقالة الوزير

http://elakhbar.akhbarway.com/news.asp?c=2&id=88879


مش عارفين نعمل ايه بجد احنا فى حيرة مش عارفين بينضحك علينا تانى طيب نستنى ولا نتفاجئ بكرة وبعده اننا انضحك علينا تانى احنا اشتريتنا ترومايات كتير ومعدش للناس اى فلوس تشترى بيها تانى

نصبر فعلا ولا نتحرك ونروح ليهم ونتظاهر ويطنشونا كالعادة طيب نضرب عن حضور الامتحانات وهما يجوا لغاية عندنا ولا نعمل ايه ( حيرة تصيب الجميع ) بالشلل التام وكاننا فى حبس ومش عارفين هيفرجوا عننا امتى


نرجوا من مجلس الوزراء خطة معلنة وشفافية اكثر وميعاد عن كل ما وعدت به ولا يترك التنفيذ الى نغمة بكرة هنشوف وهنعملكوا وغيره من الكلام المرسل