ارفع راسك فوق متبصش تحت رجليك

[ahmed_comp77]

كل اللى فى المنتدى قاعدين يحسبوا و يبحثوا هناخد كام و مين يستحق و مين ميستحقش والجنازة حارة و الميت ميسواش ربنا هو الرزاق وكلها اسبوع و نعرف اخرة الصبر المر اللى احنا صبرناه محدش فيكوا فكر فى الذل اللى المعلم عايش فيه ابتداءا من انه يصحى من النوم 6ص و يتحشر حشر فى مواصلة عامة عشان يبقى 8ص فى الفصل و لو وصل متاخر شويه يوقع فى دفتر الحضور ولا ما يوقعش و لازم يقعد على الامن و لازم ياخد النصاب و لو نصابة مش مكتمل يكمله ندب فى مرسة تانية و ايش دفتر تحضير و ايش اهداف معرفية واهداف وجدانية و رز وملوخية و تقويم شامل و تقويم تراكمى و رؤية ورسالة ولازم ياخد الاى سى دى ال وللازم الجودة ومين عارف ممكن يطلبوا ايه تانى منه احتمال يطلبوا منه ياخد التلاميذ يفسحهم و يروحهم البيت دة طبعا غير ان جميع الوسائل من رعاية اجتماعية و صحية منعدمة و يافرحتى فى2011 معاش النقابة بقى150 جنية و مكافاءة النقابة 18الف جنيه و متنسوش اوضاع الكلاب مترضاش بيها فى الملاحظة و التصحيح فى اعمال الندب للامتحانات . احنا مش قلة احنا حوالى 2مليون لو عملنا حزب و ليكن اسمه حزب التنوير هنحكم مصر و نقدر نصلح حال التعليم و المعلم من النهاردة مش عاوزين نستنى الصدقة من ايد الحكومة احنا لازم نبقى الحكومة وقديما قالوا "اذا لم تكن سلطان ولا مالك فدع الملك للمالك
احنا اللى لازم نحط الانظمة و القوانين و المناهج و احنا اللى ندير العملية التعليمية من الالف الى الياء الوضع الطبيعى ان الحصان لازم يبقى امام العربة مش خلفها ولو محدش عاجبوا كلامى يستاهل يطلعوله رقم جلوس و يقعدوه يمتحن زى التلميذ الخايب عشان يدولوه كام ملطوش والموجه و المتابع ياكلوه لحمه و لحم ابوه محدش سئل نفسه المعيد او المدرس فى اى كلية بيحصل معاه اللى بيحصل مع احسن معلم طبعا لا لانهم احترموا نفسهم الاول ففرضوا احترامهم على كل الناس مفيش عميد كلية بيمضى فى دفتر التحضير للمعيد كلمة نظر وشكرا و مافيش دفتر توقيع و مفيش متابع و لاموجه ومافيش طابور الصباح