لو سمحتوا ممكن تحلولولى المسائل ديه

[انس حسام]

السلام عليكم ورحمة الله وبركاته

رجاء من الأساتذة الأفاضل أو الطلبة
ممكن تحولولى المسائل ديه

س:ماذا نعنى بقولنا أن فترة عمر النصف لنظير الهيدروجين هى 11,25 سنة ثم احسب ما يوؤل اليه هذا النظير بعد 45 سنة؟

س:احسب عد دقائق ألفا وبيتا المنطلقة عندما يتحول (x )العدد الذرى له 92 والعدد الكتلى له234 الى النظير(y)العدد الذرى له 91 والعدد الكتلى له 222 ؟

بليز جاوبونى بسرعة وشكرا مقدما

[عاشق الأهلى]

اجابة السؤال الأول:
نعنى بقولنا أن فترة عمر النصف لنظير الهيدروجين هى 11,25 سنة أى أن عدد أنوية الهيدروجين تتقلص للنصف خلال 11.25 سنة(كل 11.25 سنة يقل عدد انوية الهيدروجين اللى فى العينة للنص فمثلا لو كان 1جم يبقى بعد 11.25 سنة نص جرام وبعد كمان 11.25 سنة يبقى ربع جرام ................. وهكذا )
ما يوؤل اليه هذا النظير بعد 45 سنة هنقول فى الأول قانون "عدد الفترات = الزمن الكلى للاشعاع(اللى هو 45 سنة)/فترة عمر النصف(اللى هى 11.25 سنة)نجد أن عدد الفترات =4 فترات
بفرض أن هو كان فى البداية 100 % ــــــــــ بعد فترة 1 ـــــــــــــــــــ 50 %(نص الـ100 %) ـــــــــ بعد فترة 2 ـــــــــــــــــ 25 %(نص الـ 50 %) ــــــــــــ بعد فترة 3 ـــــــــــــــــــــــــــ 12.5 %(نص الـ25 %) ـــــــــ بعد فترة 4ـــــــــــــــــــ 6.25 % (نص الـ12.5 %)
اذا يؤول النظير الى 6.25 % من حجمه بعد 45 سنة (يعنى مش هيفضل منه غير 6.25 % بس من الحجم الأصلى يعنى مثلا لو كان من 45 سنة 100 جرام هيكون دلوقتى 6.25 جرام )

اجابة السؤال الثانى :
فى البداية لازم تبقى عارف ان فى المعادلة النووية لازم العدد الذرى والكتلى فى الجنبين متساويين فالعدد الذرى قبل السهم = العدد الذرى بعد السهم وكذلك الكتلى

هنفرض أن عدد دقائق الفا = "a" وعدد دقائق بيتا = "b"
يبقى المعادلة (ملحوظة اللى قبل العنصر عدده الذرى واللى بعده العدد الكتلى ما عدا a.b فدول زى ما اتفقنا عدد جسيمات الفا وبيتا المطلوبين)

0 92X 234 >>>>>>>> 91Y222 + a 2He4 + b -1e

الــــــ He هو جسيم ألفا و الـــــــ e جسيم بيتا

حيث أن المعادلة النووية يجب أن تكون موزونة فإن

234 = 222 + 4a + 0
اذا 4a=234-222=12
اذا a = 12/4 = 3
بالتعويض فى العدد الذرى
92= 91 +2a -b (اتنين وتسعين تساوى 91 زائد اتنين a ناقص b )
بما ان a = 3
اذا 92 = 97 -b
اذا b = 5
اذا فى النهاية عدد جسيمات الفا = 3 =a وعدد جسيمات بيتا = 5 = b
اتمنى اكون اقدرت افيدك

[kamal moustafa]

1- هذا يعني أن الفترة الزمنية اللازمة لتفتت نصف عدد أنوية نظير الهيدروجين هي 11.25 سنة
أما ما يتبقى منه بعد مرور 45 سنة
نجد أن هذا النظير يمر بأربعة فترات أي ما يتبقى منه هو 1/16 من الكمية الموجودة
2- أما بالنسبة لعدد دقائق ألفا المنطلقة يكون 3 حيث أنها تعمل على نقص العدد الكتلى بقمدار 12 والعدد الذري بمقدار 6
وعدد دقائق بيتا المنطلقة يكون 5 حيث أن كل دقيقة بيتا تزيد العدد الذري بمقدار 1