|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-05-2011, 12:39 AM
|
|||
|
|||
يا نهار مش معدي....أنت بتصدق الإعلام
 بسم الله اكتب ،، القصة اني شايف الإعلام عامل ( هجوم عنيف ) على إخواننا السلفيين ، وأكيد الدنيا كلها شايفه الكلام ده زيي ،، صح ..؟؟ أنا طبعاً بما اني عارف السلفيين وعارف منهجهم وتفكيرهم ، فقلت عادي ، لازم أي حد محترم تلاقي له أعداء وناس تحسده ، وكمان استحاله الناس هتصدق الكلام اللي بيتقال علي السلفيين ، لأن الناس عارفين ان ده كله ( كلام جرايد) ياعم الحج ، ، صح ..؟؟!! مش هي دي الكلمة المعروفة والمشهورة عندنا ( كلام جرايد) يعني نفض له ، يدخل من ودن ويخرج من التانية . وبعدين كما قال الشاعر وإِذا أَرادَ الله نَشْرَ فَضيلةٍ ** طُويَتْ .. أَتاحَ لها لسانَ حَسُودِ لولا اشْتِعالُ النار فيما جاوَرَتْ ** ما كانَ يُعْرَفُ طِيبُ عَرفِ العود لكن اللي خلاني اندهشت ، ومش عارف أفكر ، إني لقيت الدنيا كلها صدقت الإعلام واتفقت على السلفيين ..!!!!!! يا نهار احوس واحد صاحبي عمال يقولي السلفيين عملوا وسوو ، وبيهدموا الاضرحة وبيقطعوا الودان ، وبيرشوا مية نار على اللي مش لابسه كويس قلت له : انت بتصدق ( الإعلام )..؟؟!!!!! قاللي أمال ايه ، طبعا أنا اتلجّمت … سيبك بقى من صاحبي والحوارات دي انا بسألك أنت ،، أيوه أنت ،، انت بتصدق ( الإعلام )..؟؟!!!!! هو انت مش فاكر لما كنت واقف في ميدان التحرير ، والناس بتوزع عيش فينو وجبنه ، وساعات عيش من غير جبنه ، أو تمر ( بلح )، ولا فاكر بتاعة الكشري اللي كان بيعدي من جنبك ونفسك تجيب ليك ولصاحبك بس مش معاك فلوس تكمّل ..!! في الوقت ده (الإعلام ) قال إنك بتاخد وجبة كنتاكي سخنة ، وخمسين جنيه … !!!! لية مصدفتش ( الإعلام )…؟؟؟!!! أمك متصلتش بيك وقعدت تعيط وتقولك : ( أبوس إيدك يا ابني ارجع ، البلطجية والحرامية بيهجموا على البيوت ، والناس بتتصلت في القناة الأولى وتصوت من الحرامية اللي بيقتلوا في الخلق ويغتصبوا الستات ، خاف على أمك واخواتك يابني ابوس ايدك ) مرجعتش ليه ،، ؟؟!! ليه مصدقتش ( الإعلام ) …؟؟؟!!! أنت عارف أبوك كان بيزعق لك ليه وكان مصمم انك متنزلش الميدان ، ؟؟ عشان هو أصلاً مكنش معترف إن دي ثورة !!! عارف ليه علشان ( الإعلام ) كان مفهمه إن كل اللي في التحرير ( قلّة مندسة ) و ( اجندات خارجية ) وطبعا انت عارف ان صبحي وصلاح ومحمود اللي هما اصحابك ، هما دول اللي كانوا هناك ، ولو قلت لحد فيهم انت اجندة خارجية ، كان هيقولك (تيـــــــــت) وانت فاهم معناها ليه مصدقتش ( الإعلام ) …؟؟؟!!! طب بالله عليك ، مش انت كنت أول مرة تسمع عن ( الموبايل اللي بـ 7000 دولار !!!!) اللي من غير شريحة ولا شبكة ، وفي ناس في الميدان معاهم موبيلات من دي وبيكلموا امريكا واسرائيل….مين اللي قال الكلام ده مش برضه ( الإعلام ) ..؟؟!! ليه مصدقتش ( الإعلام ) …؟؟؟!!! بلاش دي ودي ، فاكر ( شيماء ) اللي جت على قناة المحور وقعدت تعيط ، وتقول أنا وأصحابي كنا بناخد تدريبات برة مصر ، واتعلمنا ازاي نعمل ثورة ونقلب النظام ، وكنا بناخد ( 50 دولار) في الساعة وكان معانا شباب من كل الدول ومن مصر ، واحنا اللي عملنا الثورة ، وفي الآخر طلعت بت كدابة وشغالة في الجريدة ، واتعرفت في الآخر … هاه يا صاحبي … ليه مصدقتش ( الإعلام ) …؟؟؟!!! طب لما تعرف بقى إن ( الإعلام ) اللي انت اتلسعت منه هو هو ، بس سابك واستلم ناس تانيين ، نجري نصدقه ، ونعتبره قرآن لا يكذب ..!!! نسيت إن في سلفيين ماتوا في الثورة ،، نسيت إن السلفيين اتعرضوا لأكبر ظلم في العالم من أمن الدولة الظلمة ، كنت أنت نايم في اليبت آمن ومطمن ، وهما لو عيل فرقع صاروخ بربع جنيه عند قسم ولا عند كنيسة ،، يجرجروهم في انصاص الليالي .. ممكن متكنش المعلومة دي وصلتك .. معذور بلاش دي ، نسيت اللي كان واقف جمبك في الميدان وبيدافع عن نفسه وعنك من الطوب والملوتوف ، قلي انت مين اللي كان بيحمي المداخل بتاعة الميدان ساعة البلطجية ، هتقوللي هما نزلوا بعد يوم 25 و 26 ،، لا كان في منهم معاكم ،، بعدين في 7 مليون بني آدم نزلوا الميدان بعد 28 ، هتمسك فيهم ..؟ هتقولهم انتوا جيتوا بعد ايه ..؟!! أكيد أنت دلوقتي بتقوللي : يا عم لخّص الله يباركلك ،، آخر الكلام ،، خلّيك حلو مش أي حاجه الجرايد تقولها و( الإعلام ) تصدقها ( بلاش تكذب عنيـــــــك وتصدق الإعلام ) السلفيين اخواتك وجيرانك واخوك في اليبت ، واللبان اللي على ناصية شارعكوا ، والشاب اللي بيعدي بجلابيه بيضاء قصيرة يقولك ( سلامو عليكو ) وهو مبتسم ، إحنا ناس عندنا عقل ، بنفكر في الكلام اللي بيتقال كويس قبل ما ننقله ونصدقه ..!! لو عملت كده ، وصدقت ( الإعلام ) من غير ما تعقل الكلام ، يبقى ايه الفرق بينك وبين المنافقين ، وبعض الصحابه رضوان الله عليهم اللي اتهموا السيدة ( عائشة - رضي الله عنها) بأنها وقعت في الفاحشة ، شوف ربنا قال عليهم إيه (إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ ) (وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ) إذ تلقونه بألسنتكم ،، الله الله ،، إعجاآآآآآآآز بلاغة عالية والله طبعاً معلوم إن التلقّي بيكون بإيه ،، ؟؟!! انت بـ تتلقّى الكلام بأذنك ولا بلسانك ..؟ طبعاً بالأذن ،، لكن الآية الكريمة تقول ( إذ تلقونه بالسنتكم ) يعني ان الناس تلقت الكلام وصدقوه ونشروه ، بدون أن يمر على عقولهم ولو أن الكلام مر على عقولهم لفكروا فيه ، ولعلموا أنه من المستحيلات أن تقع ( أمّنا عائشة ) في مثل هذا الفعل ونزلت البراءة من الله تعالى( إِنَّ الَّذِينَ جَاءُوا بِالإِفْكِ عُصْبَةٌ مِنْكُمْ لا تَحْسَبُوهُ شَرّاً لَكُمْ بَلْ هُوَ خَيْرٌ لَكُمْ) ( بلاش تكذّب عنيـــــــك وتصدق الإعلام ) وللحديث بقـيّـة … معذرة على ركاكة الاسلوب كتبه : مصطفى شاكر ( بن شاكر ) 9-5-2011 الساعة 10:55 م منقول
__________________
|
|
#2
12-05-2011, 01:12 AM
|
||||
|
||||
|
مقال رائع وغاية فى الجمال
تسلم إيدك أخى على النقل لعل وعسى الناس تفهم معنى الكلام تحياتى
__________________
COME BACk  |
|
#3
12-05-2011, 03:09 AM
|
||||
|
||||
|
مشكورة همتى رايتى ، انتى موضوعاتك كلها جميلة وراقية أوى بس على فكرة كل الاعلام اللى انتى قلتيه كان اعلام حكومى أو اعلام مع النظام القديم ، علشان كده ماكناش بنصدقه ، بس الاعلام دلوقتى هو الاعلام اللى بيحبنا واللى كان معانا فى الثورة خطوة بخطوة ، و اللى كان بيدافع عننا وبيقف معانا . فاكرة لما كل صحف المعارضة اتكلمت على الثورة ودافعت عنها ، فاكرة لما نزلوا ميدان التحرير ووقفوا معانا وماخافوش يبقى مش لازم نكدبهم ، أو انا قصدى مش لازم نكدبهم على طول يعنى احسن حاجة اننا نتعلم نفكر و مش أى حاجة نسمعها نصدقها حتى وان كان اللى بيقولها مش كداب ، لازم نفكر ونعرف بس أقولك على حاجة انا موافق معاك ان مش كل السلفيين وحشين و مش كل الاخوان وحشين و مش كل الناس العاديين وحشين احنا لازم لما نسمع حد نفكر فى كلامه الأول لو لقينا كلامه كويس خلاص نسمعه ونفكر فيه برده الأول لازم نفكر قبل مانصدق أو نقتنع بأى حاجة و مش بس علشان مربى ذقنه ولابس جلابية يبقى كويس لأن فيه ناس مربيين ذقونهم وبيلبسوا جلاليب قصيرة بس مش كلهم بيقولوا كلام كويس ، ناس كتيرة منهم بتقول كلام كويس وناس لأ وبيقولوا كلام غريب أوى ووحش أوى طيب حأقولك تخيلى أنى شفت على الفيس بوك واحد شيخ واقف فى مظاهرة وحواليه ناس كتيرة أوى ، تخيلى كان بيقول ايه حذرى فذرى مش حتصدقى والله اللى كان بيقوله كان بيقول يلا بينا كلنا نروح نحرق كل الكنائس والأديرة اللى موجودة قى مصر ، تخيلى عاوز يحرق الكنائس بتاعة اخوتنا المسيحيين علشان يعمل خناقة بينا وبينهم ، وندخل فى حرب أهلية و نخسر بلدنا طيب اقول لك حاجة تانية مش حتصدقينى لما اقولهالك على فكرة انا مش حأقول قريتها ومش حأقول سمعتها من حد بس صدقينى والله شفتها بعينى على النت و أكيد أنتى كمان وكل أصحابنا شافوها شفت شيخ مشهور بيتكلم عن البرادعى تفتكرى كان بيقول ايه مش حتصدقى ولا أصحابنا حيصدقوا كان بيخوض فى عرضه وفى عرض بنته تخيلى آه والله رغم انه شيخ وعارف أن حرام أن حد يتكلم على حد وعارف انه ماينفعشى نتكلم عن حياة الناس الخاصة لكن الشيخ دا كان بيشتم فى بنته وبيتهمها انها متجوزة مسيحى مع ان بنته مسلمة طيب ازاى حتتجوز مسيحى كلنا عارفين انه ما ينفعشى طيب علشان ما أظلمهوش الشيخ دا اعتذر للبرادعى على اللى قاله فى حق بنته طيب تخيلى بقى لو احنا سمعنا كلامه وصدقناه من غير ما نفكر أكيد ماينفعشى لازم نفكر قبل مانصدق اى حاجة ******************** معلهش أنا طولت عليكى ومش قصدى اشتم فى حد أنا بس عاوزك توعدينى وكل أصحابنا يوعدونى انهم يفكروا قبل مايصدقوا وعلشان أصلا نعرف نفكر يبقى لازم أننا نقرأ الأول حتوعدينى ان انتى وأصحابك فى الاجازة مش حتضيعوا الوقت قدام التليفزيون والنت وبس لازم حتشتروا كتاب وتقروه مش مهم كتاب ايه اى كتاب كل الكتب فيها معلومات وكل الكتب فيها فايدة مش ربنا بيقول لنا ( إقرأ باسم ربك الذى خلق ، خلق الانسان من علق ، إقرأ و ربك الأكرم ،الذى علم بالقلم ، علم الانسان مالم يعلم يبقى لازم نقرا علشان نعرف ، و لما نعرف مش حنخلى حد يضحك علينا وساعتها حنقدر نميز بين الصح والغلط و نعرف ايه الأخبار الصح والأخبار الغلط و تصبحوا على خير يأ خيرة شباب مصر |
|
#4
12-05-2011, 04:40 AM
|
|||
|
|||
|
اقتباس:
هل حقاً كل الكتب فيها فايدة ؟ ألا يوجد تدرج في القراءة حتي يستوعب الانسان ما يقرأ ؟ |
|
#5
12-05-2011, 12:20 PM
|
|||
|
|||
|
جزاكم الله خيرا جميعا وبارك الله فيكم
اقتباس:
نفكر ونتعلم ونعمل بما تعلمناه ده المطلوب في المرحلة القادمة إن شاء الله
__________________
|
|
#6
12-05-2011, 12:29 PM
|
||||
|
||||
|
اولا: اشكرك همتى رايتى على الموضوع المميز
بس سؤال ما معنى كلمه سالف السالف هم اللذين يسيروا على نهج رسورنا الكريم وعلى نهج السالف الصالح هما مش شيـعا علشان الناس تهاجمهم كــده وانــا رأيى من رأى مستــر علـى , مش كل الكتب مفيـده بالعكس اشكرك على الموضوع المميز تحياتى،
__________________
 |
|
#7
12-05-2011, 12:32 PM
|
||||
|
||||
|
الموضوع رائع بس انا عايز اوضح حاجة بس ..
مش كل واحد ربى ذقنى يبقى شيخ ... انا بربى ذقنى ايام الامتحانات ! مش كل واحدمقصر الجلباية ... نقول ده سلفى .. مل كل واحد يدينا ع دماغنا نقول ده شيخ .. او ده سلفى حرام نكلمه .. ايه رايك بقى يا صاحب الموضوع الاصلى ... انا اصحابى معظمهم ساكنين فى امبابة .. و شافوا هجوم السلفيين بعد ما الكنيسة رفضت انهم يفتشوها .. هى عافية .. احنا بلد ليها قانون .. و انا فى البلد مصر .. مسلم مسيحى .. ارثوذكسى او بروسطانطى .. كاثوليكى .. اخوانجى سلفى .. انشالله بوذى .. انا مصرى .. و المصرى لما يخطئ يعاقب .. و هما غلطوا و طول عمرهم فاهمين الدين غلط .. زى ما جه ثلاثة للرسول -ص- و قاله الاول انه مش هيعاشر النساء .. و التانى هيقوم الليل بطوله و الثالث هيصوم الدهر .. خرج الرسول على المسلمين و قال انه يتزوج النساء و يقوم الليل و ينامه و يصوم و يفطر .. و ان دى سنته فمن اتبعها فهو منه ... يعنى الدين اعتدال .. مش اسراف انما هما اسرفوا .. و ده عيبهم ..
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !!  |
|
#8
12-05-2011, 12:40 PM
|
||||
|
||||
|
السلفي سلفي بخلقه مش بهيئته ومش المفروض أننا نظلم الناس لأنهم ينتمون لطبقة ما
ربنا لما خلقنا أعطانا عقل علشان نفكر به مش علشان نركنه ونستعمل آذاننا فقط
__________________
اســــــــتــــــــودعـــــكــــم الــلـــه
|
|
#9
12-05-2011, 02:07 PM
|
||||
|
||||
|
قالوا السلفية منهج وليست جماعة .....
و هذا ما اقتنع به لكن مش معقول ان الجرائد و الصحف و المجلات الخاصة بتكذب ملهاش مصلحة في كده دول بيدوروا علي اي سبق صحفي او موضوع ساخن يكتبوا فيه و ده حقهم اما الحوادث دي عملتها جماعات مستترة تحت الاسم السلفي و ان كانت السلفية تقتضي الكلام في السياسة في خطبة الجمعة فأنا ضد السلفية لان البلد ليها نظامها ولا يسعي لمخالفته الا عميل و يمكن بعضكم سمع ان بعض المساجد الائمة من السلف بيمنعوا دخول الخطباء تبع الاوقاف و دي اسمها بلطجة ان صح التعبير و منتشرين ف بعض الطرقات زي ما بتقول المجلات بينصحوا الناس و يحاربوا البنطلونات (ناقلها بنفس التعبير اللي اتكتبت بيه ) طيب و بعدين السلفية بريئة منهم اما دول فقد نسوا مبدأ مهم و هو انه من السنة ترك السنة لترغيب قلوب الناس في السنة و اعتقد ان دول نفروا كتير من الناس عنهم ربنا يهدينا و يهديهم تقبل مروري علي موضوعك
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#10
12-05-2011, 04:22 PM
|
|||
|
|||
|
اقتباس:
انتوا تركتم الموضوع وتحدثتم عن السلفيين والاقباط . الموضوع يتحدث عن الاعلام ومصداقيته , وليس عن السلفيين ولا الاقباط . |
|
#11
12-05-2011, 04:34 PM
|
||||
|
||||
|
فكرت أغلق الموضوع أو أحذفه
ولكنى كنت سأظلم الموضوع نفسه أتمنى التزام الحديث داخل حدود الموضوع الرئيسى عزة أمجد نقاء المشاركات الخاصة بارائكم النقاشية وتعليق بعضكم البعض على مشاركات زملاؤه تم نقلها لقسم المثير للجدل لكم طبعاً الحق فى التعبير ولكن ليس بهذه الطريقة التى ضيعت الموضوع الرئيسى تركت مشاركاتكم التى تمس الموضوع مع احترامى للجميع
__________________
 |
|
#12
12-05-2011, 04:37 PM
|
|||
|
|||
|
جزاك الله خيرا استاذتنا ام شاهندة
انا بقول بلاش فتنة ونلزم الصـــــــــــمــــــــت وقت الفتنة لكن الناس مصممة تفتح مواضيع يا جماعة مال الموضوع والكلام ده كله ربنا يهيدنا ويهديكم
__________________
|
|
#13
12-05-2011, 04:38 PM
|
||||
|
||||
|
اقتباس:
__________________
و كفى بالله .. وكيلا ..
حين يجمع أطفال غزة المال لأطفال الصومال..يجب ان يبكي العالم عارا على نفسه !! |
|
#14
12-05-2011, 04:58 PM
|
||||
|
||||
|
السلام عليكم ورحمه الله وبركاته
ايه يا جماعه انا مش عارف ابدأ منين ولا منين؟ لن أقوم بالتعقيب علي كلامكم جميعا ولكن لي وقفه جاده........ سوف أسال سؤال لجميع الذين يقولون ان من حق المسيحي ....وانا اقول ليس من حق المسيحي ان يرأس مصر ولن يرأسها وان فكروا في ذلك فهم لا يحبون البلد هم ومن يعاونهم لان مصر دوله اسلاميه لن تقبل ان يراسها رجل مسيحي ثانيا:الاعلام الي هذه اللحظه لم ينضف من كل من فيه اخي استاذ ايمن......الاعلام سوف يحتاج الي وقت كي يتعافي هل تقنعني ان الاعلام بين عشيه وضحاها اصبح مع مطالب الثورة ..واذا كان الاعلام مع مطالب الثورة هل من مطالب الثورة الهجوم العنيف والمتعمد دائما علي السلفيين..وحتي الان القضاء المصري في كل واقعه يثبت ان ما يتم من تخريب ودمار وما نعتوا السلفيه به لم يكن من السلفيين وحدث ولا حرج كما زعموا في قضيه قطع اذن القبطي التي لا علاقه لها من قريب او بعيد بالسلفيين وتريد اقناعي ان الاعلام اصبح خالصا لله وللوطن وللجميع بأس الاعلام المشوه
__________________
إن القلب ليحزن وإن العين لتدمع وإنا علي فراقك يا أعز الأصحاب وأغلي الأحباب وأطيب الناس ( محمد حسن ) لمحزونون ولا نقول إلا ما يرضي ربنا وإنا لله وإنا إليــه راجعــون
|
|
#15
12-05-2011, 04:59 PM
|
|||
|
|||
|
اقتباس:
شكرا لحضرتك أ/ ام شاهندة
بس احب اقول اني ماكنش غرضي الخروج عن الموضوع اطلاقا او اني اخوض فموضوع قد يثير فتنة لكن جملة اخي امجد كان فيها مغالطة فحبيت اوضحها بس واعتذر لصاحب الموضوع وعذرا على مشاركتي من الاساس  |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:46 PM.
