لا تصدم

[mr.anwar]

بدون اى مقدمات شوف الفديو ده وقول ايه رأيك فى هذا الحيوان

[Super Teacher]

يا ريت تعرفنا الحيوان ده في مدرسة ايه؟

[رضاالوادي]

العيب مش عليه
العيب علي اللي واقفين يشوفوا ويضحكوا ويصورا من غير حد منهم ما يدخل في الموضوع

[Hamada Radwan‏]

ده مش حيوان الحيوان احسن من ذلك وارقى وارحم وبعدين هو مفيش حد شاطر دى مصيبة

[مدرس أزهري]

بجد سافل ولازم يتحاكم ولازم بقى كل اللي ماشيين بالنظام ده يبطلوه لأنهم بيدارو وراه عجزهم وفشلهم ومعا جميعا للتبرء من هذا المندس على المهنة الأبوية

[hooda_159]

فعلا دا الي ربنا نزع منه الرحمة ربنا ينتقم منه
بجد هو الاكثر حيونة و هو ايضا عار علي التعليم طيب لو ولاد كبار مثلا ماشي انما دول لسة اطفال

[مدرس أزهري]

يا جماعة ده طلع موظف بمركز شباب كفر الديب يعني مش مدرس وده طبعا أكيد واخدها تجارة لأنه في حضانة تابعة للتضامن الاجتماعي
وده يفتح موضوع مهم وهو إن الحضانات لازم تكون تابعة لمدارس ويعمل بها متخصصين في رياض الأطفال
والحمد لله انه طلع مش مدرس لأنه يعر أي حد

[mr.anwar]

الحمد لله الموضوع كبير فعلا وتم تاتعرف على هذا الحيوان
وللاسف هى حضانه فى الغربيه وده فعلا كارثه
ولابد ان يكون هناك اشراف كامل على تلك الحضانات
تخيل التدمنير النفسى لكل هولاء الزهور
http://www.youm7.com/News.asp?NewsID...D=65&IssueID=0

[abu mohammed]

ده مش مدرس

[modym2020]

النائب العام يأمر بالقبض على المعلم صاحب فيديو ضرب التلاميذ

[ali elshafei]

اخى الفاضل هذا ليس معلم والحمد لله

[مصطفى كوته]

هناك بعض المعلمين يفعلون اكثر مما فعله هذا الرجل فبعضهم يصيب الطلاب بعاهات مستديمة ايه الغريب فى الموضوع لابد من تغيير سلوك الجميع فى التعامل مع الاخر سواء معلم او غيره

[NazeeH]

أكيد ده معندوش أولاد

الواحد صعبان عليه الأطفال الصغار

لا تفيد الشدة فى العمليه التعليمية فى كثير من الاحيان وفى أحيان أخرى قد تفيد

بس زمان كنا بناكل ضرب اكتر من كده

[NazeeH]

مفاجأة.. أولياء أمور الأطفال المعذبين بزفتى يبرئون المدرس

تواصل نيابة مركز زفتى بمحافظة الغربية التحقيقات فى واقعة تعذيب مدرس لأطفال الحضانة، والتى انتشرت على المواقع الإلكترونية.

يجرى أحمد نجيب مدير نيابة زفتى تحقيقات متواصلة منذ 24 ساعة متواصلة فى واقعة اعتداء وتعذيب موظف بالشباب والرياضة ويدعى "مجدى الشاعر" على أطفال بحضانة مركز شباب كفر الديب مركز زفتى، واستمعت النيابة إلى أقول 42 ولى أمر، وكانت المفاجأة أن أقوال عدد كبير من أولياء الأمور أنهم طلبوا من الموظف وصاحب الحضانة تعليم أطفالهم، ولم يتهموا الموظف بالاعتداء على الأطفال بالضرب.

كان المستشار عبد المجيد محمود النائب العام قد قرر البدء فى تحقيقات موسعة فى فيديو التعذيب للأطفال والذى انتشر على بعض المواقع الإلكترونية وبدأت نيابة زفتى منذ الساعة الحادية عشرة من أمس البدء فى تحقيقات موسعة تحت إشراف المستشار مؤمن سالمان المحامى العام لنيابات شرق طنطا الكلية، ولم تستمع النيابة حتى الآن إلى أقوال موظف الشباب والرياضة المتهم فى الواقعة ومازالت التحقيقات مستمرة.
http://www.youm7.com/News.asp?NewsID=421034