وزير المالية: 700 جنيه حد أدنى للأجور خلال العام المالى القادم

[vip_ame]

أعلن الدكتور سمير رضوان وزير المالية، أنه سيتم تحديد قيمة الحد الأدنى للأجور، بواقع 700 جنيه كحد أدنى، وتصل إلى 1200 جنيه خلال خمس سنوات، وذلك فى العام المالى القادم.

جاء ذلك خلال المؤتمر الذى يعقده وزير المالية لعرض الموازنة العامة للدولة.

[كيمو جرافيك]

خير ان شاء الله طيب والناس الى الى متعينين وليهم 4 سنين واو 3 سنين اقدمية يا ترى محسوبة ولا

[mmagdy_81]

ده اخر كلام ولا فيه كلام تانى!!!!!!!!!!!!!!!!!!

[مينا جمال داود]

هو قال انى ال700 للدرجه السادسه وليس الثالثه الل احنا اتعين عليه
وكمل انها للعمال اللى لسه دبلوم انا مش عارف احنا هنبقى كام

[طارق محمد فرح]

E]الحمد لله على كل شى بس الكلام دة هيطبق متى

[mhegazi]

ربنا يسهل والاسعار ما تغلاش وتاخد الزيادة

[ام مرام]

المفروض تطبق من اول الميزانيه الجديده اى اول السنه الماليه1/7 لكن عندى سؤال لازم كل المعينين فى الحكومه ميقلوش عن الحد الادنى ارجو الرد لان كان الحد الادنى قبل هذا 400 جنيه وكان فى ناس بتقبض 95 جنيه
وكنا بنقبض 300 جنيه او لان كنا متعاقدين

[رضا عبد الحميد عبد الرازق]

ربنا يسهل يعنى العامل يأخذ 700 واحنا درجة تالتة ان شاء الله هنزيد عن كده بس ربنا يستر من زيادة الأسعار وبالذات البنزين والسولار اللى عليهم كل حاجة

[SHAHDOFLOVE2005]

ربنا ييسر الامر ويكون فعلى ونلاحظ الفرق قريب بدون غلاء الاسعار

[احمد_عصمت]

علي فكرة الكلام ده في لعب كبير جداً والناس مش واخدة بالها اولاً انه هيكون للعمال والناس في الدرجة التالتة والخامسة فقط

2 - هيطلعوا المدرسين منه بحجة الكادر الخاص وبكرة تشوفوا

[ا/مصطفى الشطى]

لا المدرسين مش هيخرجوا منها انا تابعت الحوار كاملا قال بالنص كل المعينين حكوميا لاول مرة وأميين 700 جنيه ودة بصراحة اقل من خط الفقر الراجل قال كدة انت بقااااااااااااااا كمعلم هتعدى اكتر من كدة خاصة انك معين هتقولى والكادر هقولك انت بتاخد بالكادر 485 دة كمان بالثلاثين فى المية اللى كانت ايام الرئيس السابق يعنى فى ناس بتاخد 450 اذن انت هيطبق هليك الكلام دة مية فى المية وكمان فى بند اخر ان اعضاء هئية التعليم العالى زادت المرتبات 100% وكذلك الاطباء

[عدولل]

الحمد لله والله يجماعة دى بركة الجواز انا لسة هكاتب كتابى اول شهر يوليو دة
وكدة الحمد لله دى وش خطيبطى

[maha220]

الدرجة الثالثة 1500 جنية هو دة اللي قالوا سمير رضوان في مداخلة مع قناة اوربت مع عمر اديب

[هاتور]

ارجو التوضيح هل الحد الادني سيطبق علي المعلمين ام لا

[good night2010]

أنا حملت حلقة عمرو أديب اللي كان فيها مكالمة وزير المالية سمير رضوان

وقال الحد الأدني 700 جنية ودا للي علي الدرجة السادسة وقال ( العامل الأمي الذي لا يقرأ ) ثم كل درجة أعلي تزيد 287 جنية

يعني الدرجة السادسة 700
الدرجة الخامسة 700 + 287 = 987
الدرجة الرابعة 987 + 287 = 1274
الدرجة الثالثة ( اللي احنا فيها ) 1274 + 287 = 1561

ودا كان رد الوزير علي عمرو أديب بالنسبة للفرق بين الدرجات المالية

بس أنا عايزة أعرف هايحسبوا الكادر إزاي بقي ؟؟؟؟؟؟ لأن هدف النظام دا تقليل الفارق الكبير بين الأساسي وإجمالي المرتب يعني هايكون 50 % من 1561 ولا ايه ؟؟؟؟؟؟؟؟؟؟؟؟؟؟