وزير المالية على القناة الاولى هام جدا

[هانى شوقى]

منذ قليل فى برنامج حديث المدينة على القناة الاولى لحقت 10 دقايق الساعة 6.15 من حديث المدينة اللى كان مستضيف سمير رضوان وكان بيقول فيما معناه بانه هيلغى العلاوات والخصومات اللى عبارة عن 12 زيادة و13 خصم فى المرتب وهيبقى المرتب بالبلدى حته واحدة اللى هو الحد الادنى للاجور اللى معنى كلامه انه هيطبقه على الكل فوق 700 واقل من 700


وفى دعابة من مفيد فوزى بيساله مين اللى ماسك ميزانية البيت فقاله الوزير ان مراته فقاله طيب ايه الحاجة اللى واخدة اغلب الميزانية تصوورا الوزير يقوله اللبس والعربية ( ارحمنى يا رب هتشل)

شكل مرات الوزير ست بيت راح مفيد فوزى الفنان زنقه قاله لو واحد حب يقعد مراته فى البيت وعنده اولاد يحتاج قد ايه فلوس انا متاكد انه كان هيقوله مرتبك كام يا سعادة الوزير

فراح التانى هرب وقال لمفيد انت تقصد ان شاب وشابة فالمذيع قاله ماشى شاب ومراته ست بيت وعنده ولدين يحتاج كام فراح الوزير قاله 1600 وعلى طول البرنامج خلص وكانها رسالة لا تعليق