|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
11-06-2010, 09:27 PM
|
||||
|
||||
يلا بسرعة ووداعا لملل المذاكرة يلا مستنى ايه؟
السلام عليكم ورحمة الله وبركاته
ازيكم يا جماعة عاملين ايه ان شاء الله تكونو بخير ندخل على طول فى الموضوع  النهاردة ناس كتير بتشتكى من المذاكرة والدراسة والامتحانات فانا حبيت اعمل الموضوع ده يمكن تستفيدوا منه اولا وقبل كل شئ لازم نعرف ان علاقتنا بربنا اهم حاجة  ولازم نتاكد اننا مش هنقدر نوصل للى عايزينه الا مع ربنا لو الواحد فينا قام قبل الفجر بساعة وصلى ركعتين ودعا ربنا وهو واثق ان ربنا هيجيب دعائه وبعدين يصلى الفجر كده علاقته هتنتظم مع ربه وده اول عنصر حبيت اتكلم فيه وده اهم عنصر مش كده ولا ايه ؟ * ازاى اذاكر وانظم وقتى ؟ سؤال بيقوله طلاب كتير وهنا لازم الواحد ينظم يومه بمعنى يشوف هيعمل ايه ويسجله بوقته فمثلا " هروح المدرسة من الساعة 6 للساعة 1 على حسب كل واحد يبقه ده وقت المدرسة . نشوف بقه وقت الاكل يعنى نص ساعة غدا ونص ساعة عشا مثلا يعنى نشوف وقت الصلاة ودى اهم حاجة ندى كل صلا 20 دقيقة على الاقل يعنى وهكذا نشوف وقت الراحة والترويح والنوم والدرس طبعا " وبعد كده نشوف صافى المذاكرة هيكون كام والمفروض يكون صافى صافى ومش لازم يتساوى عدد ساعات المذاكرة كل يوم على حسب تنظيمة الوقت وبعدين نعتبر اتبقالنا 6 ساعات مذاكرة نبدا نقسمهم على المواد المختلفة كل يوم بالتنوع يعنى مواد النهاردة غير مواد بكرة وهكذا ....ونخلى بالنا لازم لما نقعد على المذاكرة نصفى كل اللى فى عقلنا ونبقه مركزين ومنسرحش  وعلى فكرة لازم تحب المادة اللى بتذاكرها هاقولك اثر ده ايه مثلا لما تبقى قاعد مع زميلك وبتحكى معاه هل بنسرح لا طبعا هكذا المذاكرة لازم نحب المادة ونحاول نحل كتير عليها ونراعى ظروف الدرس والمدرسة يعنى لو صابح عليا مادة تاريخ يبقى لازم اذاكر تاريخ واحاول على اد ما اقدر احضر الدرس الجديد علشان ده له افادة كبيرة هتعرفها بعدين . كده يبقه خلصنا العنصر التانى ولسه الموضوع ماخلصش لسه هنعرف ازاى استفيد من وقتى فى المدرسة ازاى اركز فى الفصل واستفاد من المدرس اللى بيشرح وازاى اكون الطالب الذكى وبرضه هنعرف ازاى نواجه قلق الامتحانات وحاجات كتير  بس هتوقف النهاردة ونكمل بعين لما اشوف ردودكم وهل الموضوع عاجبكم ولا ايه ؟ مع السلامة دلوقت ونكمل بعين   
|
|
#2
12-06-2010, 04:07 AM
|
||||
|
||||
شكرا جزيلا على المعلومات دى
وكملى وربنا معاكى حضرتك ذكرتى حاجات جديدع اول مره اسمعها ولكن بقول كملى واستمرى وعايزين معلومات جديده ومفيده للطلبه وبالتوفيق وربنا يجعله فى ميزان حسناتك والسلام عليكم
|
|
#3
12-06-2010, 12:03 PM
|
||||
|
||||
|
اقتباس:
|
|
#4
12-06-2010, 12:05 PM
|
||||
|
||||
|
اقتباس:
|
|
#5
12-06-2010, 12:38 PM
|
||||
|
||||
|
نتابع مع بعض ونكمل الموضوع مستعدين........ يلا بينا
دلوقتى بقه هنعرف ازاى منسمحش اطلاقا لاى فرصة انها تضيع علشان نضاعف قدراتنا التعليمية بمجهود صغير خالص  هنقولها فى ملاحظات بسيطة وانتبهوا معايا خالص متفقين يلا 1- هنبدأ نستعد قبل ما ندخل الفصل ازاى ؟ ان احنا نجهز كراسة لتدوين الملاحظات الهامة اللى بيقولها المدرس وسط الشرح ودى نقطة مهمة مش بيركز عليها الا الطلاب اللى بيفكروا صح  2- هنبدا نهزم اى احساس يجيلنا بالحرج او الخوف من طرح اى سؤال على المدرس اللى قدامى مهما كان السؤال ممكن يكون فى اجاببته معلومة مفيدة تعرفها لاول مرة  3- اوعى تفكر تفكير سلبى بان الطلاب التانية اشطر منك واتاكد انك مش هتقدر تمنعهم من المذاكرة وبرضه اتاكد انهم برضه مش هيمنعوك من المذاكرة  4- فى حاجات بتقوى العلاقة بينك وبين مدرسك وده له اثر كبير عليك طبعا ايه بقه الحاجات دى اولا متقاطعش المدرس بطريقة غير لائقة  وكمان لما تيجى تجاوب على سؤال من المدرس لازم تستنى لما يخلص سؤاله وبعدين رتب اجابتك فى مخك وابدا قولها بثقة وبصوت عالى مش عالى قوى يعنى كمان اذا جبت درجة مكنتش متوقعها فى الامتحان متزعقش فى مدرسك وتقوله ليه كده يا مستر وتعترض على الدرجة بل بالعكس لازم تقوله علمنى يا مستر ازاى اتعلم من اخطائى ازاى احسن من اجاباتى 5- من الامور المهمة كمان انك متسارعش فى جمع كتبك يلا الجرس يدق وخلى بالك دايما المدرس يقول المعلومة المهمة فى اخر الحصة خلى بالك للحتة دى 6- من اكتر الحاجات اللى بتستفز المدرس انك كل شويه تبص فى الساعة كدة انت بتوتر العلاقة اللى بينك وبينه والطالب الذكى يركز فى الشرح حتى لو كان ممل مش كده ولا ايه  كده انا قولت ازاى منضيعش فرصة وقت المدرسة من ايدينا واهم حاجه ان نعمل بالكلام ده كل ده مش هياخد منك لاوقت ولا مجهود بل هيديك حاجات تفيدك ونكمل العناصر التانيه بعدين لما اشوف ايه رايكم خلى بالكم الموضوع لسه مخلصش سلام
|
|
#7
14-06-2010, 04:09 PM
|
||||
|
||||
|
يلا نكمل موضوعنا ...احنا كنا وصلنا لغاية فين ؟ افتكرت خلاص .................
ازاى نذاكر ؟ ازاى نحفظ صح ؟ ازاى نبعد عنا السرحان ؟ اولا قبل ما نذاكر لازم نحدد هدفنا واتاكدوا ان اللى بيذاكر علشان يطلع التانى عمره ما هيطلع الاول يبقى لازم نذاكر ونحط قدامنا هدف اننا لازم نطلع الاول خلاص اتفقنا ...........كمان فى نقطة هتاثر كتير وهى المكافاة ازاى ؟ هاقولك لما تيجى تذاكر وتنجز حاجات كتير اومثلا تجيب درجة نهائية فى امتحان ما تكافئ نفسك وده هيقوى عزيمتك "جرب وادعيلى " ............. نشوف بقه هنحفظ ازاى ؟ علشان تحفظ كويس وتجيب الدرجة النهائية اعمل اللى هقولك عليه : لو عايز تحفظ درس مثلا هتقسمه لجزئيات وتحدد لكل جزئية وقت محدد مناسب لاكتير ولاقليل وتعمل مسابقة مع الوقت بمعنى لو انت خلصت قبل الوقت ما يخلص يبقى غلبت الوقت وفزت عليه اما لو الوقت خلص وانت مخلصتش يبقى الوقت فاز عليك اما لو خلصت مع الوقت يبقى تعادل بس بشرط احفظ كويس ولازم تثبت الحفظ بحل التمارين والاسئلة ويا ريت تكون مجابة علشان تعرف مستواك واوعى تكروت الحفظ واحفظ بفهم ومتيأسش لو الوقت غلبك عادى المهم تكون حفظت وحاول تطوير نفسك ....... كمان هاقولك على حاجات تثبت حفظك وهى لما تيجى تذاكر احفظ من مصدر واحد كده يبقى انت حافظ ميه فى الميه خلى بالك دى نقطة مهمة جدا كمان وانت بتحفظ بوصيك بالتكرار دا ليه مفعول سحرى بجد والله كمان المعلومات اللى عايزها تثبت فى مخك احفظها قبل ما تنام وافضل اوقات المذاكرة تانى قبل الفجر جرب دى طريقة سحرية علشان تتغلب على السرحان حاول تذاكر وجنبك اشخاص ده يخليك تحس انك متراقب يا رب اكون قدرت افيدكم وبرضه لسه الموضوع مخلصش ان شاء الله هتوصلوا للنهائية بس ثقوا بالله واعملوا كل اللى بقولكم عليه ولسه هنتكلم على المراجعه والامتحانات ........ يلا سلام وعايزه اشوف ردودكم
|
|
#9
16-06-2010, 01:43 PM
|
||||
|
||||
|
توبيك جااااااااامد جدا
الف شكر لحضرتك
__________________
تذكروني بدعوة
|
|
#10
16-06-2010, 01:56 PM
|
||||
|
||||
|
متشكرة على مروركم وهنكمل باذن الله
|
|
#12
19-06-2010, 05:03 PM
|
||||
|
||||
|
متشكرة اوى وانتظرونى
|
|
#14
28-06-2010, 02:51 PM
|
||||
|
||||
|
انتظروووونى
|
|
#15
09-08-2010, 11:22 PM
|
||||
|
||||
|
نستكمل قريبا ان شاء الله
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:38 PM.
