للاسف ياجماعه التعيين على درجة معلم مساعد لدفعة 1-4-2011 الشرقيه (الخميس 16-6-2011)

[ashraf mansour]

للاسف ياجماعه التعيين على درجة معلم مساعد لدفعة 1-4-2011 محافظة الشرقيه ادارة ابوحماد ازاى مش عارف

الكلام ده اتاكدت منه اليوم الخميس 16-6-2011 والموظف ورانى الورق بالعافيه وان شاء الله السبت هتكون الصور موجوده.

اللى جة فى الشرقية النهاردة هو قرار الوزير رقم 75
اصدر المحافظ قرار رقم 8162 بتاريخ 22/5/2011
ينص على
محافظة الشرقية
المكتوب فى القرار

أولا اعتبار من 24/5/2011 تاريخ اعتماد لجنة شئون العاملين من السلطة المختصة يتم تثبيت العمالة المؤقتة الموضح أسماؤهم بالكشوف المرفقة وذلك بتعين العاملين المستعان بهم فى خدمة العملية التعليمية والمتعاقدين بعقود مميزة والتراخيص والحصص الموضح أسمائهم بالكشوف المرفقة والقائمين على راس العمل للمؤهلات العليا بالدرجة الثالثة التخصصية ( معلم مساعد ) . وما فى مستواها . ويثبت بوظيفة مدرس ابتدائى القائمين بالعمل من حملة المؤهلات المتوسطة وفوق المتوسطة بالدرجة الرابعة الفنية ممن مضى عليهم ثلاث سنوات فأكثر

وعلى ان تصرف مرتباتهم بأول مربوط الدرجة الثالثة التخصصية + العلاوات المقررة . وكذلك الموهلات المتوسطة وفوق المتوسطة طبقا لقانون 47 لسنة 1978 بلاضافة الى العالاوات المقررة وعلى ان يتم تسوية اوضاعهم القانونية خلال الفترة القادمة بناء على القرار الوزارى رقم 75 بتاريخ 2/3/2011 وبوضع المعينون بهذا القرار تحت الاختبار لمدة ستة أشهر من تاريخ استلام العمل بهذا القرار

انا اسف كنت عايز افرحكم بس اعمل ايه
واللى مش مصدق كلامى يروح اداره ابوحماد يسأل

[/size]

[ashraf mansour]

لله الامر من قبل او بعد ............... حسبى الله ونعم الوكيل

[محمد ابوصلاح]

الكلام ده فعلا مظبوط وانا إدارة القنايات

[ashraf mansour]

المشاركة الأصلية كتبت بواسطة محمد ابوصلاح

الكلام ده فعلا مظبوط وانا إدارة القنايات

طب ايه العمل ازاى الكلام يحصل واحنا كل الشروط متوفره فينا

[mr.computer2011]

هو في حاجة اسمها تعيين على درجة معلم مساعد
دة يتنافى تماما مع القانون

[mr.computer2011]

يعني هما اللي بيعتصموا بس هما اللي بيخدوا حقهم ... اخ يا بلد
لكن ربنا موجود

[ashraf mansour]

المشاركة الأصلية كتبت بواسطة mr.computer2011

هو في حاجة اسمها تعيين على درجة معلم مساعد
دة يتنافى تماما مع القانون

امال المصيبه اللى احنا فيها دى نسميها ايه

[مستر عبدالله]

الكلام ده مش مظبوط احنا عندنا جت نشرة بنفس الكلام بس مكتوب معلم مش معلم مساعد

[ashraf mansour]

المشاركة الأصلية كتبت بواسطة مستر عبدالله

الكلام ده مش مظبوط احنا عندنا جت نشرة بنفس الكلام بس مكتوب معلم مش معلم مساعد

ربنا يبشرك بالخير .... حضرتك بتقول عندنا .... انته منين يامستر

[حسن رزق]

اومال العبارة دى معناها اية وهى فى نتيجة الاختبار
الأكاديمية تهنئكم باجتيازكم اختبارات الترخيص للمعلم المساعد كمرحلة مهمة من مراحل التعيين بوظيفة معلم بالكادر الخاص

[ashraf mansour]

ابصم بالعشره انا معاك امال ايه اللى حصل فى الادارة ده ...... نسميه ايه دنا شوفت القرار بعينى

اصدر المحافظ قرار رقم 8162 بتاريخ 22/5/2011
ينص على تثبيت جميع المعلمين سواء ان كان مساعد اوعقد عادى او حصة بشرط مرور 3سنوات
فى وظيفة معلم مساعد

[مريم أحمد أحمد]

واله انا اللياعرفه اني اللي امتحن الكادر ونجح هيكون معلم والباقي معلم مساعد

[فوفو هانى]

انا قلت الكلام دة حصل امس فى ادارة اولاد صقر قولتوا عليا كداب
اولا ربنا يسامحكم
ثانيا احنا فى التثبيت دة فى بند بيقول نحن نثبت عند بداية ربط الدرجة الثالتة عرفين دة معناة اية بداية ربط الدرجة 419 جنية
ثالثا كل سنة وانتو طيبين وسلمولى على الترماى
رابعا ودى نصيحة كل واحد يدورلة على شغلانة تانية علشان يريح روحة بدل مايصاب بالضغط والسكر

[ashraf mansour]

المشاركة الأصلية كتبت بواسطة فوفو هانى

انا قلت الكلام دة حصل امس فى ادارة اولاد صقر قولتوا عليا كداب
اولا ربنا يسامحكم
ثانيا احنا فى التثبيت دة فى بند بيقول نحن نثبت عند بداية ربط الدرجة الثالتة عرفين دة معناة اية بداية ربط الدرجة 419 جنية
ثالثا كل سنة وانتو طيبين وسلمولى على الترماى
رابعا ودى نصيحة كل واحد يدورلة على شغلانة تانية علشان يريح روحة بدل مايصاب بالضغط والسكر

احنا اسفين لحضرتك
اومال العبارة دى معناها اية وهى فى نتيجة الاختبار
الأكاديمية تهنئكم باجتيازكم اختبارات الترخيص للمعلم المساعد كمرحلة مهمة من مراحل التعيين بوظيفة معلم بالكادر الخاص

[حسن رزق]

طالما ان القرار بيد المحافظ المحترم فلابد من وقفة امام المحافظة وتكون متفق عليها وبسرعة حتى لا يضيع حقنا
لان البلد دى لا ينفع معها الا هذا الاسلوب