الي جميع المعلمين المساعدين الي متي السكوت

[اشرف عبد الحى]

السلام عليكم
أكيد كلنا عارفين مكان وزارة المالية
فى امتداد رمسيس عند التقاطع مع طريق النصر
حيث أنه بعد كلام سيادة الوزير على القناة الأولى الليلة 14/6/2011 و فى حوار طويل بدون فواصل استغرق ساعة و ربع الساعة
فواضح انه يتجاهلنا تماماً و مش عاوز يجيب سيرتنا
المتعاقدين المساعدين
و واضح انه نبه على المذيعة و معدين البرنامج بعدم الخوض فى امر المعلمين المتعاقدين تماماً. و تلاحظوا انه عند عمل حوار مع وزراء التعليم فانه يتم تلقى اتصالات هاتفية من اداريين او تلاميذ او مسئولين مدارس خاصة او حتى اساتذة فى كليات التربية او اى عنصر فى المجتمع الا
المعلمين
ممنوع الرد على تليفون او اتصال من معلم مساعد او غيره من المعلمين
هل هذه هى مكانتنا و قدرنا فى المجتمع؟
بإختصار
مش هناخد حقنا غير بالتحرك و اثارة الراى العام معنا
لانه مبارك ما كان ليتنحى غير بالثورة
و مش عارفين ان كان مشى فعلا و لا لا ؟
عددنا كبييييير و خصوصا الناجحون فى امتحانات 1/4/2011
نحن اكثر من 60 الف معلم
و التجاهل واضح
و وزارة المالية هتكون موجودة فى مكانها
يوم 3/7/2011
و نحن أيضاً سنكون واقفين بالآلاف أمامها
و صدقونى لو عملناها ليوم واحد او بيتنا أمامها زى
رجالة التحرير
سنأخذ حقنا
لأنه أنا دمى اتحرق من حوار لأكثر من ساعة مع الكبير بتاعنا و مايجيبشى سيرتنا نهائياً
ان شاء الله بكرة نخلى مصر كلها تتكلم عننا
لأنه كفاية كده بقى مهانة و اذلال
حضروا المطالب الغير مُبالغ فيها و صيغوا البيان
و نتقابل كل يوم فى المنتدى و نتقابل يوم الاحد 3/7 أمام وزارة المالية

[مريم اليكس2011]

لالالالالالالالالالالالالالالالالا انا مش معاك الراجل لم يتجاهلكم وحدكم هو تجاهل التربيه والتعليم بحالها وكانه جاي يرغي وخلاص هههههههههه بلاش تلاكيك بقه ونقول مجابش سيرة العقود يعني هوة جاب سيرة المثبتين يا راجل بلاش ظلم

[مريم اليكس2011]

والهي انا بحس انه بياخد حبوب منومه قبل ما ييجي اي لقاء الظاهر بينسي وبيفتكر نفسه داخل ينام معندوش فن جذب الانتباه خالص وحسيت ان كل كلامه مبني علي نيته في التعليم يعني من الاخر الراجل بيقول ادوني فرصه والنبي نفسي اقوله سيب المكان لحد تاني يعرف يجيب حقوق الناس الي معاه

[leprince2010]

الصبر حتى شهر يوليو وهانت البلد قربت تستقر وان شاء الله ان ارى مصر قريبا افضل دول العالم بشبابها ومعلميها والشرفاء

[الاستاذ محمود حميد]

مصطفي كامل قال: لا يأس مع الحياة
وسعد زغلول قال: مفيش فايدة
نصدق مين فيهم ؟؟؟؟؟؟؟؟؟؟؟؟؟؟؟؟

[malak bisher]

المشاركة الأصلية كتبت بواسطة مدرس علي ما تفرج

مصطفي كامل قال: لا يأس مع الحياة
وسعد زغلول قال: مفيش فايدة
نصدق مين فيهم ؟؟؟؟؟؟؟؟؟؟؟؟؟؟؟؟

اكيد لازم نصدق سعد زغلول

[احمد محمد عبد المجيد]

الأمل فى الله

[the godfather789]

تفكير سليم جدا هي دي الديمقراطية وان شاء الله هيكون ليها تمن

[aboz]

سعد زغلول صح

[معتز اللمساوى]

سياده الوزير مشغول بامتحان الثانويه العامه ومش فاضى حتى ينظر لنا فلابد من التحرك السريع حتى ينظر سياده الوزير ويصدر قرار تعين الناحجين فى الكادر 1/4 حرام والله اللى بيحصل فينا دا

[وائل محمد رشاد]

احنا معاك من اجل التعيين

[خلف حلمي]

ياعم الصبر وماصبرك إلا بالله ، يعني الدنيا حتتغير من يوم وليلة

[math.sherif]

الوزير بيمتحن مع الطلبه يعني ولا ايه عاوز افهم

الاستاذه شغاله المفروض يشوفنا بقي ويشوف مكافة المتحانات

[خلف حلمي]

ربنا معاكم ، بس دي ملهاش لازمه الروحة حناك ، ربما تأتي الريح بما لاتشتهي السفن

[نور سلام]

لابد من الاعتصام من الان حتي يتم تثبيتنا وتطبيق الحد الادني ولكن يكون الاعتصام امام وزارة المالية لان التربية والتعليم مش هتحل ولا تربط