التعليم بايظ

[Shamy shemo]

حبيت اقولها

حتى لو الاداره هتحذفنى مش مشكله بس هقولها

التعليم بايظ بسبب المستشارين اللى واضعين الامتحان

هما مالهم اصلا كل واحد قاعد ولا ليه دعوه بالمنهج يحط امتحان على اساس اية؟. مش هو ناسى المنهج اصلا وكمان لما يحط اختيارات غير دقيقه يبقى ده اية؟

مش ده مستقبل طالب توقف على غلطات من مستشار

المستشار مش هيحصله حاجه لكن الطالب يعينى هيطلع عينه وعين اهله فى الفلوس اللى ادفعت ويكون الطالب هو اللى صح لكن يعينى عشان سياده المستشار قال كده.

ونموذج الاجابه اللى بيكون تلت تربعه غلط اصلا وبيجاوب على اساس نظره مش على اساس منهج وموقع الكلمه والسؤال اية من المنهج نفسه

ياريت المدرسين هما املنا يوقفوا الناس دى عند حدها وكفايه ظلم بقى
ليه مش مدرس دارس المنهج معاه المنهج علطول وفى مدرسه

ميحطش الامتحان ده هيكون عارف مستويات الطلبه وعارف اية يتجاب ويقيس المستويات صح
وغير كده مش هيكون فى غلطات فى اختيارات ولا نموذج اجابه غلط

غير كده المنهج اصلا ولا ليه اى لزمه
خلتونا نتعلم عشان نحط دماغنا فى ورقه ب ربع جنيه وخلاص اتنسى
اصل مين هيفتكر طه حسين والفول اللى كان بيكله ثم هريسه وبسبوسه وعم على بتاعه اللحمه وكان عم على بيصيع ويبدل حته بطاطس بحته لحمه
فعلا يا جمال التعليم فى مصر

هل تريدون تقدم بدون تعليم؟؟؟؟؟

شكرا ( وهذا ليس فى ماده اللغه العربيه فقط) بل فى كل المواد وكل المراحل

[Shamy shemo]

وهذه هي المبادره اشترك ليس من اجلك فقط فانا فى 3 ثانوى وخلاص خارج لكن من اجل اخويا ( مع انى اصغر واحد هههه) لكن اخواتى فى الله اللى اصغر منى وابنى بعد كده ميعش نفس العيشه الفاشله اللى انا عايشها دى




http://www.facebook.com/pages/%D8%A7...82897308430961


وشكــرا

[محمد عقل خلف]

انا معاك في كل كلمة قولتها من ناحية اللي يحط الامتحان دة
المفروض واحد عارف المنهج بيتكلم عن اية هو اللي يحط الامتحان صح حيعرف يجيب النقط اللي تقيس الطالب
مش الامتحانات دي اللي بيبقى فيها اخطاء اكثر من شعر راسنا ياعمنا
لا واية نماذج الاجابة كمان بتبقى مليانة اخطاء
وعلى فكرة لو اتكلمنا على كل مادة لوحدها حنكتب مواويل كثير اوي اوي
بس العيب مش في اللي بيحطوا الامتحان لانهم مايعرفوهوش العيب في النظام اساساً
يعني نخلي اي حد ليه صلة وممارسة للمنهج هو اللي يحط الامتحان والله مافيش حد حيقدر يتكلم نص كلمة على الامتحان لانه حيجيبه بمواصفات خاصة مش (( جهجهوني ))
مع العلم اني في تانية وتقبل مروري وانا اسف لو اساءت لحد

[Shamy shemo]

بالعكس كلامك كله صحيح وكلنا متفقين معااااك واحترم كلامك جدا جدا

لان ده المفروض الناس كلها تنتبه ليه ( ولك كل احترامى ليك)

واكبر دليل امتحان اللغه الانجليزيه للمرحله الاولى جايبين من الملغى وحاجات صعبه وغريبه جدا

[Free angel]

منهم لله
هيدمروا جيل كامل
فى ناس اصحابى كرهوا نفسهم والله من اللى بيحصل ده
دول بيلعبوا بينا

[rove angel]

كلام كله صح ويا ما كنا بنقول وناس أكبر مننا قالت بس النتيجة إيييييه ؟؟؟ ولا أي حاجة ..
التعليم لوحده عاوز ثورة جديدة
واحنا فعلا في ثالثة وخاجين السنة دي بس الأجيال الجاية بجد حرااااااااام تتعذب العذاب دة
ولازم يكون فيه وقفة بجد ناحية موضوع الامتحانات والثانوية العامة كنظام كاااااااامل ..
وإن شاء الله فيه أمل كبير والبلد هتتغير للأفضل ..
ولكن مانقدرش نقول غير قدر الله وما شاء فعل وهو ده نصيبنا الحمد لله والله أعلم يمكن الأجيال الجاية بإذن الله يكون حظها أحسن مننا يااااااااارب
ربنا يستر علينا ويعديها على خير إن شاء الله ..
ربنا معانا جميعااااا يااااااااااااااااارب ,,

[Shamy shemo]

طب التانين مكملوش مع بعض كان واحد يتكلم ويسكت

يا ترى ممكن احنا نتجمع وننادى مع بعض ونكمل مسيرتنا عشان اولادنا وعشان بتوع سنه تانيه يلحقوا

وعندكوا بيدج فى الفيس الحمد لله عماله تتزايد اهو احنا لسه بنكون فى البيدج ونبقى اكبر تجمع وننقذ تعلمنا بقى والظلم حررااااام بقى . وزى ما حضرتك قولتى ( قدر الله وما شاء فعل)

[mera_mar21]

والله انا صراحه كان نفسى اعمل حاجه وخصوصا عشان طه حسين وتعبيراته المبتذله وكلالالالالالالالالالالامه الى ملوش لزمه
بس دلوقتى نركز فى الامتحانات ومياعدنا 30 /6

ويارب نحقق حاجه
وانا معاااااااااااااااااكم

[josephmorris]

من ناحية الفكره عندك حق .. التعليم عايز ثورة علشان يتغير

بس نوصل لـــ

والله انا صراحه كان نفسى اعمل حاجه وخصوصا عشان طه حسين وتعبيراته المبتذله وكلالالالالالالالالالالامه الى ملوش لزمه

لا ده يبقى اسمه لعب عيال
الدكتور طه حسين من اعظم الادباء المصريين ... نتثقف الاول وبعدين نحط أراء وننتقد

[أحمد الهلبى]

المشاركة الأصلية كتبت بواسطة josephmorris

من ناحية الفكره عندك حق .. التعليم عايز ثورة علشان يتغير

بس نوصل لـــ



لا ده يبقى اسمه لعب عيال
الدكتور طه حسين من اعظم الادباء المصريين ... نتثقف الاول وبعدين نحط أراء وننتقد

الدكتور طه حسين عميـــــــــد الادب العربى على عينا وعلى راسنا بس انا دلوقتى كطالب بتعلم قصة الايام ليه؟
علشان الاهداف اللى فيها زى تحدى الواقع وعدم الاستسلام وكده يعنى . بس نموذج الاجابة فى الامتحان عاوزنى احفظ القصة كلها 33 فصل . يعنى اما تيجى تقرا اجابة السؤال التانى فى القصة اللى هو بتاع (كيف كان اتصاله بالادب ؟) الاستاذ العظيم اللى حاطط نموذج الاجابة كاتب جمل من القصة (جمل بالنص من القصة ) وعلى صورة نقط وكل نقطة علبها درجة (كان اتصاله بالادب مضطرب والكلام ده.....) فى حين ان فى طالب زيى مثلا فهمت ان كيف تسال عن الكيفية وليس عن الحال (هو ده الاحسن) علشان نقول انه اتصاله بالادب كان عن طريق اخوه(تلخيص من فهمى لاحداث القصة ) .......... وبعدين القصة فعلا فيها كلام مبيتذل وهجوم على بعض الاشخاص وتهكم وانا شايف ان طه حسين كان يتعالى شويه بعلمه(ده رايى من قراءتى للقصة )

[mera_mar21]

'طب بالله عليكم
انا طه حسين كنت اقدره قبل ماشوف القصه دى
ده مسئ للازهر والشيوخ وبعدين بامانه مش جايب كلامه ملوش لزمه ايه فول وكرات وكلام فاضى دى قطعه تيجى فى منهج دىىىىىىى
عايزين يجيبلوه حاجه اوكى بس غير الايام يااما يشيلو منها الفصول دى

[Shamy shemo]

لو شالوا الفصول بتاعه الكرنب والارانب والهطل يبقى القصه كلها اتشالت عشان القصه كلها اصلا كده

والمفروض نذاكر ونحفظها ودى تكون مستقبلنا

تحيا مصر وتحيا التعليم البايظ

[josephmorris]

اه فعلا طه حسين وحش وكلماته وحشه
احنا اللى عباقره وشطار
ركزوا فى باقى المواد احسن