بتوع قرار 53 لسنة 2011 على درجة وانا معى قرار الدرجة

[احمد عطيل]

يا جماعة

الى اتعينوا الدفعه الاولى بقرار 53 لسنة 2011

اتعينوا بالامر التنفيذى رقم 1لسنة 2011

وقرار الدرجة الثالثة بتاريخ 32/2/2011
وذلك بمحافظة الاسكندرية بكل ادارتها السبعه

اما الدفعة قرار 74 لسنة 2011

اى الامر التنفيذى رقم 2 لسنة 2011

استلموا الجوابات من غير درجة لعدم توافرها حاليا من المالية والتنظيم والادارة بس ان شاء الله ستاتى الدرجة لهم قريبا

انا واثق من قولى جدا

[خلف حلمي]

الرجا من سيادتك رفع القرار علشان نتأكد من ذلك ويكون لك كل شكر وتقدير

[خلف حلمي]

حاول يا أستاذ أحمد ترفع لنا صورة القرار علشان في الادارة عندنا يقولوا ملكمش درجة مالية ، مع أنني تعيين الدفعة الأولي

[احمد عطيل]

والله العظيم القرار معى ومش عارف ارفعه


والله العظيم القرار بيقول على الدرجة الثالثة التخصصية وتلغى العقود السابقة لهم وتحول مخصصاتهم المالية من العقود الى بنود دائمة ايماءا الى كتاب من وزارة المالية رقم 21د تاشيرته

[raian2011]

ممكن حضرتك توضحلنا المعلومه ده ؟
وهل جواب تعيين حضرتك كان مكتوب فيه قرار الدرجة وتاريخ سريانها ؟
ام ان قرار الدرجة اللى بتقول عليه ده ظهر بعد جواب التعيين ؟
وشكرا ليك على الخبر

[احمد عطيل]

ايوه جواب تعينى مكتوب فيها الدرجة الثالثة التخصصية

[ghostmax]

نفس القرار موجود فى البحيرة وانا قلت الكلام دة من زمن قرار 53 من زمان لانها كان معمول حسابهم فى الدرجات المالية من العام الماض فكرينا 10 الالاف متعاقد اللى اعلن عنهما اجمد زكى بدر فى شهر 1 2011 هما دو اللى وصول القرار لهما وحتى الان لم يصل قرار 74

[الصصاروخ]

يارب سهل احنا في المنيا ما شفتش الدرجة التخصيصة ده هى في ورق ايه
الجواب التي سلمناه للمدرسة ما كان فيه درجة
الرجاء التوضيح اكتر انا تبع قرار53

[fmfmm]

انا كمان من البحيرة وكان مكتوب فى الجواب تعيين على الدرجة الثالثة التخصصية

[المعلم الحزين]

في المنيا اتكتب الدرجة الثالثه فقط من غير تخصصيه

[محمد عياد]

من فضلك لو معاك اي قرار او منشور او بياناتك اتغيرت على موقع الوزارة ارفعها للكل عشان الكل يستفاد

[mmagdy_81]

المشاركة الأصلية كتبت بواسطة احمد عطيل

والله العظيم القرار معى ومش عارف ارفعه


والله العظيم القرار بيقول على الدرجة الثالثة التخصصية وتلغى العقود السابقة لهم وتحول مخصصاتهم المالية من العقود الى بنود دائمة ايماءا الى كتاب من وزارة المالية رقم 21د تاشيرته

والله نحن جميعا نعلم انك صادق ان شاء الله لكن ياريت لو مقدرتش ترفع القرار اكتب صيغه القرار ونكون شاكرين ليك


وان شاء الله خير للكل وحتى نطمئن جميعا وكله ثواب ليك

[ammhhe]

واحياة ابوكو الجهلاء يمتنعون عن الكلام
اصل الموضوع مش ناقص
ايوه احنا قلنا ان فيه محافظات خدت الدرجه
ميجيش حد ويقول ايوه واحنا زيهم
دا كلام فارغ
كل محافظه لوحدها
ولها رقم غير الاخرى
بلاش تاليف
واصلا انا غلطان انى باشارك
لانى قرفت من التفعيص فى الكلام
واللف والدوران

[معلم بحراوي]

اول قرار 53 موحد علي مستوي الجمهورية
لكن قرار 74 مختلف بين المحافظات انا شفت
قرار 74 غير الي معايا وانا قرار 74
بس محافظتي قرار 74 زي 53 نسخة بالكربون
بس الاختلاف في الرقم فقط
وصحيفة الاحوال بتاعتنا انكتبت علي الدرجة التالتة للقررين
من سنة 2008 اقدمية

[tatateto]

المشاركة الأصلية كتبت بواسطة احمد عطيل

والله العظيم القرار معى ومش عارف ارفعه


والله العظيم القرار بيقول على الدرجة الثالثة التخصصية وتلغى العقود السابقة لهم وتحول مخصصاتهم المالية من العقود الى بنود دائمة ايماءا الى كتاب من وزارة المالية رقم 21د تاشيرته

من غير ما تحلف يا استاذ احمد ...................... احنا مصدقينك بس نعمل ايه في الناس اللي ما بتفهمشي؟؟؟؟؟؟؟؟؟؟؟؟؟؟؟ اللي مش راضيين يعترفوا بينا لغاية دلوقت وبيقولوا لسه ما فيش قرار بخصوصكم!!!!!!!!!!!!!!!!!!!!!