من سوهاج : الى جميع متعاقدي الازهر اعتصموا الثلاثاء 28/6/2011م

[ahmedminia2]

السلام عليكم
بداية الحمد لله على كل حال على السراء وعلى الضراء وعلى كل حال
اولا اتقدم بخالص الشكر لكل من توجه للمشيخة للتحدث باسم المتعاقدين ومن توجه للتنظيم والادارة للدفاع عن حقوقنا
ثانيا : اتقدم بخالص الشكر لنا جميعا متعاقدين سوهاج ولكل المتعاقدين السوهاجية الرجال الذين خرجوا ليبحثوا عن حق الازهرية المهظوم
اين حقنا
اين الازهر
اين مكانة معلم الازهر
هل هي سياسيات خارجية لتحطيم الازهر بسبب دورة الهام في التعليم الديني .
تاكدوا جميعا ان الله لا يضيع اجر من أحسن عملا
الحمد لله كلا اوائل ونعمل بضمير ويعلم الله ماذا يقدم الواحد لطالباته من مجهود او لطلابه من مجهود
ومننا من هم حاصلون على ماجستيرات ودكتوراه ومننا من يحضر للماجستيرات والدكتوراه
اقول لكم ايها المتعاقدون افتخروا بنفسكم فانتم في جهاد نحن نريد ان نغرس سلوكيات نبينا الكريم (صلى الله عليه وسلم) في ابنائنا وبناتنا طلاب الازهر لنخرج اجبالا قادرة على تحمل المسئولية تحافظ على ديننا القويم
ولكن يبدو انا هناك من يحارب الازهر محاربة عنيفة منها :
تغيير المناهج
تعقيد المناهج
زيادة مصروفات الكتب
تشوية صورة معلمي الازهر في الاعلام
تشوية صورة خريجي جامعة الازهر
ولكن انا متاكد ان هذا الجيل الجديد من المتعاقدين ربنا يبارك فيهم جميعا يحملون على اكتافهم العمل من اجل رفعة الازهر وتطويره والسعي لعودته لريادة وقيادة الامه الاسلامية .
تأكدوا جميعا اننا تعبنا وعملنا واجتهدنا واخذنا بالاسباب ولذلك تأكدو من هذه الايه : إن الله لا يضيع أجر من احسن عملا .
لقد كان متعاقدي الازهر احرص الناس على حماية الدولة ورفضوا الخروج في اي اعتصام او تظاهرة من اجل التثبيت الذي وعدوا به من قبل المسئولين .
لكن من الواضح ان هناك تخبط في التصريحات والاقاويل ، وما نراه عباره عن مسكنات لتهذئة الامور ، وليعلم المسئواون اذا اصيب الانسان بألم في ضرسه واخذ في تناول المهدئات لتسكين هذا الالم فأن الالم لن يسكت وانما سينغجر
ولذلك احنا بدأنا في سوهاج اول وقفة احتجاجية يوم الاحد 19/6/2011 وكان هذا لتوصيل الصوت للمسئولين انا هناك شيء في مصر يسمى متعاقدي الازهر ، وكانت النتيجة هي حضور المستشار العسكري واعطاء بعض المسكنات
الحدث الاهم : هو الوقفة الثانية والتي خرج فيها عدد كبير في سوهاج وبصراحة العدد دا مش هو ال بيعبر عن سوهاج في اعداد اكبر من كدا بكتير جدا ولكن بالرغم من ذلك استطاع ذلك العدد ان يزيزل الارض من تحت اقدام المسئولين في سوهاج وحضر مدير أمن سوهاج وعدد مهول من رجل الشرطة وحضر الجيش وحضر المستشار العسكري ، وجرت عدت اتصالات بصراحة غير مقنعة ، ولكن احنا هنصبر لغاية يوم الاثنين اما اذا لم تظهر نتائج حتى يوم الاتنين فاعتقد انه ازفت الازفة
نداء لكل متعاقدي الجمهورية مصر مش سوهاج بس مصر كل المحافظات انا مستغرب فين السويس مفجري الثورة والاسماعيلية الابطال فين شمال سينا وجنوبها ومطروح والسويس وفين الاسكنرانية ابطال الثورة العظام وفين الدلتا منصورة شرقية دمنهور وبحيرة كفر الشيخ ودمياط منوفية ودسوق بنها قليوبية فين البحر الاحمر فين الجيزة فين القاهرة فين القاهرة فين القاهرة والجيزة ، فين الصعيد هو الصعيد سوهاج بس واللا ايه الفيوم وبني سويف والمنيا واسيوط وقنا والاقصر واسوان فينكم
الغريب ان كل محافظ تحدد ميعاد ال يقولك الحد وال يقول الثلالث وال يقول الخميس وال يقول الثلاثاء 5/7
بقولكم يا متعاقدين الازهر اتحدووووووووا
ان شاء الله ستقف جميع المناطق على مستوى الجمهورية في اعتصام مفتوح بداية من محافظة سوهاج الى جميع المناطق وال خايف يقف ييجي عندنا في سوهاج يقف معانا هنقف كلنا وقفة رجل واحد يا جماعة انا بصراحة ال شوفته يوم الاربع ال فات في سوهاج بجد حاجة تشرف لو تشوفوا ازاي كنا خايفين على بعض وبنتعامل بكل احترام ومن حرصنا والتزامنا خلينا الاعتصام بعد انتهاء امتحان الثانوية العامة والثانوية الازهريةحرصا على مصلحة الطلاب
الى الجميع سوهاج تناديكم وحدوا الاعتصام
الاخبار بتاعت النهاردة من الشيخ الطيب والله اعلم هل هو قال كدا واللا لا ان مفيش تثبيت اخبار خطيرة ، واذا كان قال كدا ألم يقرأ قول النبي : كلكم راع وكلكم مسئول عن رعيتة
والمعلم اساس رعية شيخ الازهر وعمادها الاول فبدون المعلم لا يوجد تعليم
اعتذر للاطالة على حضراتكم واكن أؤكد ميعاد الاعتصام امام المناطق وال مش عارف ينظم في منطقته او خايف يتفضل يشرفنا واحنا هنستضيفه هنا وهنوريه كرم السوهاجيه احنا بنرحب بأي ضيف يشرفنا ويقف معانا امام منطقة سوهاج الازهرية
ميعاد الاعتصام الثلاثاء القادم ان شاء الله 28/6/2011م

[ahmedminia2]

ميعاد الاعتصام الثلاثاء القادم ان شاء الله 28/6/2011م

[المصرى25]

الله ينور عليك ومحدش يروح لوحده خد معاك على الاقل خمسه

[محمد77777]

موعدنا ثلاثاء الكرامه

[ahmedminia2]

ميعاد الاعتصام الثلاثاء القادم ان شاء الله 28/6/2011م

[mano2010220]

يا جماعه ممكن نخليه الاتنين بدل التلات
على اساس الاتنين لجنه واحده والناس هتطلع
انما التلات لجنتين وفى قرى وعلى ما نوصل هيكونوا الموظفين روحوا

[the keng]

ثلاثاء الكرامه

[ام رهف]

ياموفق يارب

[rabiasayed]

ان شاء الله هنكون موجودين فى المنصورة

[ahmedminia2]

الاستاذ mano2010220
امتحانات ايه ولجان ايه ايه ال هتاخدو من الامتحانات 250 جنيه صرفت معظمهم مواصلات
واللا التثبيت
يا اخي الناس هنا فيس سوهاج سابت الامتحانات ورجات المنطقة وانت تقولي لجنة ولجنتين
يا اخي احنا عايزين حقنا
ايه ال هيفرق لو ما روحتش اليوم دا هيحبسوك واللا ايه ال هيحصل

[emtaha2010]

ميعاد الاعتصام الثلاثاء القادم ان شاء الله 28/6/2011م

[الفارس المهاجر]

موعدنا الثلاثاء ياريت كل الي يدخل ياكد انه هايعتصم

[فايز فراج]

ان شاء الله الغربية يوم الثلاثاء القادم 28 / 6

منطقة الغربية الازهرية تنادي باقى المناطق الاخرى بيوم الثلاثاء ان شاء الله

فايز
الغربية
وشكراااااااااااا

[بيبونينو]

المشاركة الأصلية كتبت بواسطة mano2010220

يا جماعه ممكن نخليه الاتنين بدل التلات
على اساس الاتنين لجنه واحده والناس هتطلع
انما التلات لجنتين وفى قرى وعلى ما نوصل هيكونوا الموظفين روحوا

اذا حصل ولم يصدر قرار التثبيت قبل يوم الثلاثاء ، فأعتقد انه لابد أن نقاطع جميعا الامتحانات و المراقبة و التصحيح ، لانه عند ذلك لن يكون لدينا ما نبكى علية ، و بالفعل الاربعاء الماضى كان عندنا فى سوهاج لجان امتحانات و لكننا تركناها و ذهبنا للاعتصام فماذا حدث لنا ؟ لا شيئ على الاطلاق . لابد أن نستيقظ قبل فوات الاوان .
موعدنا الثلاثاء 28-6-2011

[أ/محمد على أبوزيد]

الاعتصام الثلاثاء القادم ان شاء الله 28/6/2011م