يابتوع تالتة ثانوى الامتحان عدى وخلاص طمنونى عملتو اية

[dandana.s]

السلام عليكم ياريت اى حد يطمنى على اخبار الامتحان والله العظيم ربنا اللى يعلم انا قاعدة عمالة ادعيلكم من كل قلبى بالتوفيق ودعيت لكم بجد كتير ان ربنا يوفقكم ونفسى حد يطمنى ويقول الامتحان جة صعب زى ما كنا متوقعين ولا الحمد لله سهل وعدى على خير ياريت تبعتولى رايكم وتطمنونى على الامتحان وياريت تدعولى انا وزمايلى علشان امتحان الكيميا بكرة وسلام وربنا يوفقكم ويوفقنا كلنا

[zezo zamalkawy]

الامتحان الحمد لله كان سهل بس مش زى التفاضل و الميانيكا كان اعلى شوية

[titi1]

متشكر لدعواتك ياانسة dandana.s

وجزاكى الله خير

هو الامتحان كان كويس الحمد الله لا كن ما كان بنفس سهولة الامتحانات السابقة كان عاوز وقت اكبر فقط

[babanana]

الامتحان كان سهل الجبر مخدش وقت لكن الفراغية يالهوىىىىىىىى انا مخلص وهما بيخدو الورق متفهمش بقى العيب فى مين فيا ولا فى المراقب ولا فى القلم بس كان بيرما والله وبجنييييييييية بحالو


وكان اعلى من التفاضل و من الميكانيكا يعنى ده بقى اللى يتقال فى مستوى الطالب المتوسط

[Mohamed Omran]

الامتحان كويس

الحمد لله على كل شئ

[محمد1885]

الامتحان كويس بس كان عايز ولو نص ساعة زيادة لان انا خلصت وملحقتش اراجع
غير ان ذات الحدين خدت منى تلت ساعة لوحدها وفى الاخر موصلتش للحل
بس الحمد لله

[مشمش الورد]

الحمد لله الامتحان كان كو يس

[ENG.HAGAR]

الامتحان كان كويس
لكن كله تحس انه عايز يوقعك فى ارقام وخلاص
حسبى الله ونعم الوكيل فى اللى حط الوقت ده
ربنا يستر على التصحيح

[!KIMO!]

الامتحان حلو بس غلطت غلطة رخخخخخخخخخخخخخخخخخخمة

اخر سؤال فى الهندسة بدل ما اعملة عمودى على الضلع عملتو عمودى على القطرين
أنقص كام ؟؟

[libero]

نفهم من ردود إخواني إن الامتحان كان جميل بس "طويل" ؟!

[kareem nasr]

عف فكره الامتحان كان صعب ومكنش سهل زي ما كنا متوقعين

[tal3t93]

امتحان محترم و مليان " مشاغبات " في الجبر .. و فعلا كأنه عايز كل الناس متطلعش ارقام نهائية صحيحة .. بس كان متوقع يجي كده

[Zeinab Elshazly]

اولا شكرا لاهتمامك بنا وربنا يكرمك
ثانيا الامتحان كويس بس المشكله في الوقت لان الوقت سرقني في مسأله الاوميجا
ثالثا كان ربنا كارمنا بمراقبين ورئيس دور يعصبوا البارد بس الحمد لله علي كل شئ