بدايه الحكايــــــــــــــه

[M I D O]

ركبت القطار وبعدهاعقلي طار راحت من عقلي كل الافكار و ما عاد عندي اي استفسار حتي الكلام راح كمان معقول كل ده من مجرد نظره اصلها مش اي نظره استنوا اقولكم بدايه الحكايه و احكيلكم عاللي حصل معايا وقف وقالي ممكن سؤال؟؟؟ التفت اشوف مين بيسال لقيت عيوني اه من عيوني ولاد الايه خانوني خدوني وراحوا في دنيا تانيه دنيا غير الدنيا ديه اصل هو ده اللي شفته في منامي الليله ديه و فجاة خلص السؤال و عيوني و عقلي علي دا الحال متتخيلوش اد ايه خلوني في نص هدومي مش عارف اداري كسفتي وقعدت اقول في بالي لازم اداري غفلتي و طلبت منه يعيد السؤال تاني ورحت تاني معاه في دنيا غير الدنيا يالهوتي اه من كسفتي حاولت اخبي لكن اعمل ايه قلت في عقلي اكيد بيسال عن قطار فقلتلها اسف اصله مش طريقي و مشيت الوم عيوني و عقلي عشان خانوني و قعدت اقول هيقول عني ايه و بعدين قلت هيشوف وشي تاني فين وكملت الطريق و ركبت القطار لكن اعمل ايه عيوني ولاد الايه خلوا صورته ما تفارقهم قلت اعاقبهم وقفلت عليهم جفوني لقيت صورته تاني حتي جفوني خانوني فتحت لقيته راكب بجواري نظرلي نظرة مش اي نظرة وضحك وقالي طريقنا واحد مش راح نفترق معقول دي صدفه وشي احمر وقالبي قالي كلام و كلام اصله كان بيدق دق اسكت يا قلبي فضحتنا و ابتسمت و قلتله باين كده بيني و بينكم احساس غريب مش راح يتوصف و دي كانت بدايه الحكايه كلمه و نظرة و ابتسامه __________________

m i d o

[احمد رضا]

جميله يا ميدو و احساسها كويس بس اولا انت خلطت بين العاميه و الفصحي
مفروض تفصل بينهم
يعني لما قولت ركبت القطار ( دي فصحي ) و بعدها عقلي طار ( عاميه ) ما عاد عندي اي افكار ( فصحي تاني ) فعليك انك تفصل بينهم
متتخيلش ان الحكايه كلها وزن وبس
واجب عليك انك تدينا فكرة كامله
بس بسم الله ماشاء الله يا ميدو بدايه موفقه
واحساس رائع
استمر يا فنان