دكتور ايهاب وعاشق البلانكو !!! ـــــ

[LoOoLy El Treikawya]

السلام عليكم ورحمة الله وبركاته

يرضيكوا انتو كدة

هل انتو مبسوطين بالحال دة

يعنى يخلصكوا كدة؟

أنا عن نفسى يخلصنى آه ميخلصنيش لى

"إنما المؤمنون إخوة فأصلحوا بين أخويكم" صدق الله العظيم

الحكاية بكل إختصار انى ملاحظة كدة ان العلاقة بين عاشق البلانكو ودكتور ايهاب bebo_93 متوترة ومش مظبووطة

وانا عاملة التوبيك عشان اقوللهم مينفعش كدة لازم ترجعوا لبعض

يعنى خليكوا صحاب كويسين متسمحوش لحاجة تزعلكو

يااادى الاهلى و الزمالك

هو آينعم عاشق البلانكو اتريق على الاهلى واتهمه وآينعم دكتور ايهاب اتريق على الزمالك بردو ههههه

اى دة المفروض انى عاملة التوبيك دة للصلح احم معلش اصل الواحد متعود بقى

المهم كنت عاوزة اقول رغم الخلافات دى متنسوش الحاجات الحلوة

متنساش يا دكتور ايهاب ان عاشق البلانكو هو اللى عمل لحضرتك توبيك التهنئة بالاشراف وكان فرحان لك وكدة

ومتنساش يا عاشق البلانكو ان دكتور ايهاب ساعت اول مرة شديتو ساعت موضوع جمهور الزمالك لما انا ولعتها بعت رسالة لحضرتك يصالحك ويطمن انك مش زعلان منه

وبعدين فكروا فى مصلحتكوا شوية

يعنى حضرتك يا عاشق البلانكو لو تعبت ((بعد الشر يعنى)) نخلى دكتور ايهاب يخترعلك دوا يوديك العالم الآخر قصدى يخليك تخف علطول ((ربنا يطول فى عمر حضرتك ))

ودكتور ايهاب لما تتهم فى جريمة قتل ((بعد الشر بردو)) يبقى يدافع عنك سيادة المحامى وربنا يستر أهم حاجة متلبسش البدلة الحمرا

انا عارفة ان حضراتكو اخوات حلوين ومفيش حاجة انا بس اللى مكبرة الموضوع

بس انا عاملة التوبيك عشان أتأكد من دة على الله تكسفونى


المطلوب من حضراتكو اثبات ان كل واحد منكو مش زعلان من التانى

الاثبات دة هو انكو تجيبوا هدايا

لاء سيبونى اكمل مش هتهادوا بعض

حضراتكوا هتجيبوا هدايا ليا بما انى صلحتكوا على بعض ((مش لازم استفيد انا ولا اى ))

هههههه ياللا كفاية رغى بقى المهم انى بجد محبش اشوفكم شايلين من بعض

خلاص عاشق البلانكو زملكاوى وبيغير على ناديه ودكتور ايهاب اهلاوى وبيغير على ناديه يبقى نراعى دة

وانا عارفة يا عاشق البلانكو إن أنا كمان ضايقت حضرتك بس ماهو حضرتك اللى ... قصدى اقول يعنى اتمنى تكون حضرتك مش زعلان

وبعدين احنا فيه بينا معاهدة وقف اطلاق النار

ياللا يا جماعة اللى عاوز يقول حاجة لناقر ونقير يتفضل .... خليهم يهدو شوية