اين دليلك يافتحى

[naspo]

السادة الافاضل اعضاء المنتدى

تحية طيبة

لى استفسار بسيط الاستاذ فتحى كان يبشرنا بالاخبار الورديه وكنا نطالبه بالدليل ومع ذلك لم يحضر اى دليل ومع ذلك استمرينا فى تصديقة
ولكن عندما ياتى بالاخبار السيئه نصدقه بدون دليل ايضا
ياجماعه ياريت نهدى ونعرف اخرتها وان شاء الله هيكون لينا تصرف تانى
واتحدى الاستاذ فتحى لو احضر صورة الفاكس الذى يحرم المعلمين من الحوافز
واللى بسببه عكنن علينا وزهقنا
وان شاء الله خير ولن يصيبنا الاما كتبه الله لنا

[محمد عبدالحق]

يا استاذ المعلمين والاداريين مش هاياخده الحافزال 200% كامل
هايتخصم منه المكافاة والكادر

[احمد احمد الدرس]

الدليل قولولو
ومافى واحد بيكلم على الرواتب إلا المنتدى ده
ولا واحد جاب دليل مقنع أو موثق
والكل سمعت نما الى علمى واجتهد واقول

[عبده الحلو]

انا اتجننت

[احمد رضا2]

تظاهر المئات من العاملين بالتربية والتعليم بمحافظة الغربية من المدرسين والإداريين للمطالبة بتوفير العدالة الاجتماعية، وصرف الحد الأدنى للأجور 1200 جنيه، ووضع حد أقصى للأجور.

قام المئات من العاملين بالتربية والتعليم بالإضراب والاعتصام أمام المديرية بطنطا، رافعين اللافتات مدون عليها "عدالة اجتماعية وحياة كريمة" "حد أدنى للأجور 1200 جنيه ووضع حد أقصى"، "إحنا طالبين عدالة اجتماعية" "مطالبنا مش فئوية".

أكد المعتصمون أن الموازنة الجديدة لمديرية التربية والتعليم بالغربية لم تشتمل حافز الـ200ـ% والتى وعد بها الوزير، وذلك بعد عدوله عن الحد الأدنى للمرتبات "700 جنيه حد أدنى".

وأرسلت الوزارة العديد من الفاكسات إلى مديريات التربية والتعليم تقترح العديد من المقترحات الخاصة بصرف هذا الحافز وهى بالنسبة للإداريين يتم إدخال مكافأة الامتحانات والتى تمثل نسبة 83% عند توزيعها شهريا، بالإضافة إلى 25% ثم تقوم الوزارة باستكمال نسبة 200%، وبذلك تكون الزيادة 92% فقط.

وبالنسبة للمدرسين سيتم استكمال ما يحصل عليه المعلم من كادر إلى 200%, مما أثار غضب العاملين بالتعليم وقرروا البدء فى إضراب عام عن العمل اليوم، الخميس، على مستوى المديرية والإدارات والمدارس، مطالبين بالحصول على حافز الإثابة 200% بدون قيود أو تدخلات وعمل عقود مميزة للمعينين بالمكافأة الشاملة، وتوحيد العقد بحد أدنى 350 جنيها، وسرعة تثبيت كل المعلمين الذين مر عليهم 3 سنوات وتشكيل لجنة من داخل المديرية، لبحث قضايا الفساد واقرار العدل والشفافية.

قام المستشار العسكرى للمحافظة بالتوجة إلى مديرية التربية والتعليم للالقتاء بالمدرسين والإداريين المعتصمين، وتم عقد اجتماع مع عدد من المعتصمين، لبحث مطالبهم بحضور فتحى هراس وكيل وزارة التربية والتعليم، لإعداد مذكرة عاجلة بمطالبهم وعرضها على المسئولين.

من جانب آخر هدد المعتصمون بالبدء فى إضراب مفتوح عن العمل والاعتصام أمام ديوان عام المحافظة فى حالة عدم الاستجابة لمطالبهم.

</DIV>

[محمد حسين الشربينى]

لا اله الا الله محمد رسول الله

[AYMAN12344]

فتحى ده كرهنى بجد فى وظيفتى وللاسف مواضعنا تتقفل وهو يديها اشاعات يرمى ويخلع
والموبيل مسموح ليه نفسى اشوفله موضوع كامل

[sammos]

كل اللى سمعناه عن الزيادة كلام
والواقع ان مرتبات شهر يوليو بتتعمل على الزيادة العاديه
يعنى مافيش اى زيادة ولا غيره
ثانيا المستفيدين من الزيادة 1.9 مليون موظف والعاملين بالجهاز الادارى 6 مليون يعنى فيه حوالى 4 مليون مش هيستفيدوا بالزيادة
طيب بالعقل التربية والتعليم لوحدهم بالاداريين بالعمال اكتر من 1.5 مليون يعنى حاجه من الاتنين يأما الزيادة هيستفيد بمعظمها المعلمين بس او هما اللى هيتشالوا منها وخصوصا ان موضوع اللى اقل من 700 جنيه بس هما اللى هيستفيدوا لغوه وخلوها حافز 200 %
يعنى التربيه والتعليم كلها تاخد الزياده او التربية والتعليم كلها تتشال من الحسبة وبحساب اعداد موظفى الدولة يبقى اكيد التربية والتعليم طارت من الموضوع
وخصوصا ان مافيش موظفين مستسلمين ومسالمين اكتر من المعلمين

[wahsh2008]

الساكت عن الحق شيطان أخرس

[د.عبدالله محمود]

والله فعلا اللي اختشوا ماتوا .. اللي اختشوا يثوروا ماتوا جوعا وبقوا فى قعر المخله .. واضح ان الحكومه في كل أمورها بدون ضغط لاتستجيب .. لابد من التظاهر .. لابد من الاعتصام .. لابد من الضغط وبشده .. اخواني معلمي مصر .. كونوا يدا واحدة .. لا تتخاذلوا في المطالبة بحقوقكم .. أيعقل هذا ما يمنحنا إياه المخلوع من تمييز للمعلم تمنعه حكومة ما بعد الثورة .. أحكومة ثورة أم حكومة فلول .. خيبهم الله كما ألحقوا بنا الخزي

[alipapa]

امر المعلمين يحزن بسبب الوزير والنقابة هم اول المعنيين بالمطالبة بحقوق المعلمين لكن الوزير ركز دعمه للديوان ولما طالبنا بالزيادة اجاب دول قلة لاتزكر اما السواد الاعظم راضيين عن الكادر

[الامير الصعيدي]

فتح الله عليك بمزيد من الاوهام
دقت ساعه العمل